¹ Ngiau mmataivo taika kiooduu, mmuakiaa mminnamminna varira vauyauvo ivau suvuairavai. ² Suai yaaku saiva sainaidiri taara suaivau, Anutuuqo ari mmoori mmuakiayauvai iima taikakioo,suai yaaku saivai sainaidiri taara suaivau kati harakioo variravai. ³ Anutuuqo ii suai ivaa iikioo yoketaa suaivai. Mommuakiaa mminna yauvai vai taikai kioo, ivo kati varira suaivai. ⁴ Innaa ngiau mmata uu kuaivovee, suai mmuakiaa mminai yauvo itaama vau suai vau, Anutuuqo ngiau mmataivaa iiravai. ⁵ Hama annaanna mmaguya yananneeri voovai mmataivau varavai. Hameeta mminna vovai mmataivau vairavai, mo Aagini Anutuuqo hama vaidi vovoono ivau varioo mmoori vareeravai. ⁶ Mataivaa puuta kiaiveera mmataiva kidiri nnoori kiisaivo ngioo mmataivaa puutairavai. ⁷ Aagini Anutuuqo mmatai vaadiri ruaataru kioo vaidiivaa iravai,immakioo vadiiva nniikivaki yaikiai vaa fuu tuduu vairaiva vareeravai. Variravai varoo vaidivai variravai. ⁸ Itaama vauduu Agini Anutuuqo mmorii voovai ima kioo suai rariree rainni Itiina ivaki vaidi ari iima kioo vaa yapeeravai. ⁹ Aagini Anutuuqo tuduu mmuakiaa yatarii yauvoo mmatai mmatai vaudiri uriravai. Uruoo iira vauduu vaidivo iiraiyauva nneeravai. Mmoori ivaki yatari uruu yauvaa vuutaivaki varira yatarivotama diravai. ¹⁰ Nnoori voovai mmoori Itiina ivaa puuta kiaiveera tiiravai.Nnoorivo tuoo taarama taarama yaakuda tidaa mmoorivaki viravai. ¹¹ Nnooridaa nnutuudoo tauraivaa nnutuvoo pisoona, ii nnoori ivaki gooraiyauvoo vaivai. ¹² Ivaki vai gooraiyauvo yoketaayauvai ivaki vauduu sikau voovai tanootama vairavai.Vvuai sikauvo beteriuma vuaivo oniiravai. ¹³ Vo nnoorivai nnutuuvo, Gihoona ii nnorivo mmataivaa nnutuuvo Kuusa ivau giaataa kuaivai. ¹⁴ Vo nnoori taara voomaivaa nnutuvo Taigiriisa ivo tuoo mmata Asuu ipinnaainni kuaivai, eera seera nnooriva nnutuuvo Yuferatiisa . ¹⁵ Aagini Anutuuqo vaidiiva vitoo ivaki yapa kino vario ivaki mmoori varo haitatuu kiai veera yapeeravai. ¹⁶ Aagini Anutuuqo kua mmaannaiva vaidii va giammioo tunoo. Mmuakia yatari iira mmoorivaki vaiyauva utue varee nnaanee. ¹⁷ Yaata tinni yoketai voota maisaivootama vai yatariivo mmoori vuutai vaki vainoo. Fai a ii yatari ivaa iiraiva utuannannee vara nnannannee mo fai akiairainai a putinara vaivee. ¹⁸ Aagini Anutuuqo haitatuma too tuno.Mo inna hama yoketaivai, Fai vaidiivo arivana varinaravai. Fai na ari roosi voovai iima kino inna tasipama varinaravai. ¹⁹ Mmataivaudiri Aagini Anutuuqo mmuakia vasigiaiya iiravai. Inno mmuakia ngiaa sukuaiyata mmuakia nnoonna kiisa mminna mmataivau variaiya iiravai.Inno ngiauvau nnookiai yaatama iiravai. Imakio varo vaidii vaasi vino too nnutu yauva kiaiveera varo viraavai. ²⁰ Varo vuduu vaidiivo iyauva nnutu yauvaa tiravai,ivo tuu nnutuu yauvaa teeta make kiaunnannoo, ngia sukua vasigiaiya ngiauvau nokia yaatama nnoorivaki variai yaatama nnutuu yauva mmikioo, toodu mo hama ari roosu voovoo tairavai. ²¹ Aagini Anutuuqo vaidiiva uuduu kava vuruvairavai, vauduu to Aagini Anutuuqo vaidiiva yaane mmuyai voovai rada kioo kava radaiivaki ramunnaiiravai. ²² Vaidiiva ari yaane vaadiri Aagini Anutuuqo varakioo gionnaiva iiravai, iima kioo vitoo oro vaidiiva mmiravai. ²³ Vaidiivo gioonnaivaa too tunoo, aavaudiri inna ni mmuyaivai.Ni mmuyai vaatama ni mmati vaata iivai ni roosi tuanaavai.Ivaara vaidiivo innara gionnai vovee tira vai. Ari mmuyai mmaati yauvadiri iivai. ²⁴ Ivaara vaidiivo fai ari kaanokoya pikioo ari nnaataiva tasipama vario inna taarama mmua nnaaba vaitana variavai. ²⁵ Taara vaitana ngiari avuu vaitanau taguaada varida nuaida fai hama mmamma maisa kiaara vaivee