¹ Nnaaru tuana hama ngiau mmataivoo vau suavaki, Anutuuqo ngiau mmatai vaatama mmuakiaa mminai yauvai immakeravai. ² Haama voo mminnaa vovootaudu, heenaa pinaivoo mmuakia mmatai Vaa rummuaa apukioo vairavai. Vauduu nnoorivoo ivaa aakiaivaki vairavai. ³ Anutuuqo tuduu Upisivoo vioo ngiooduu, mmekiaaivoo teeravaii. ⁴ Anutuuqo mmeekiaivaa too Sirigainnoo tunoo, heenairaivoo sainaii vinoo patairaivoo Sainai Vakiaivee tiravai. ⁵ Itaama kioo Anutuuqo upisiivaara tunoo heenairaivovee tioo mmeekiaivaara tunoo ikiannavaivee tiravai. ⁶ Vauduu Anutuuqo tunoo, nnoorivoo viee ngiee nuunama variane tuduu ⁷ nnooriivo vioo ngioo nuunama variravai. Mmuakia nnoori mmata mmemmaivaki varuuya vidaa nuunaida mmuavakii variravai. ⁸ Suai taaravaitana Anutuuqo ngiauvaa tuduu vairavai. ⁹ Itama kioo Anutuuqo nnooriva tunoo ngiee nuunainna ngiauvaa mmammaivakii varino mmataivoo vakiaivee tuduu, ¹⁰ rikioo ivoo tuneema vaivai , itama vaudu rikioo Anutuuqo ivara tuno inna mmatai vovee tioo nnoori vara tuno soruavaraavai vee tiravai, kiaa kioo tooduu tuu mminnai yauvo vaudu inna yokeetaudu inna yookee taiduu rikoo. ¹¹ Ivoo tunoo mmuakia yanna nneeri anna nnaammaaguyaii yauvo mmata mmokiai vaudrii uruee iraa kaana vainne mmukia mmataiva rummua apuaanee, iyauva ivoo toodu inna yooketairavi. ¹² Mmataivono mmuakia yananneeri yauva nnammari mmudu ii mmuakia mminna iyauvoo uruoo kaayau iira suvuaudu too Anutuuqo yokeetaivai. ¹³ Iisuaivo vio heenamakio patauduu ivaara tuno ; ¹⁴ Anutuuqo tino mekiaivoo ngiau vau vakiavee, mmekiaivoo too henairaivaa sainai yapaivai. ¹⁵ Pikii mmeekiaivoo too mmata avaa mmeekiaiva mmiaivee, ii mminnaa iyauvoo itaama vakiaivee. ¹⁶ Anutuuqo ngiau vau suaiva yapakioo mmeekiaiva mmtaiva mmeekiava mmtaiva mmivai, kuragoo taa akiaapuai voota heenairaiva mmeekiaa mmiaaivee ¹⁷ tiravai.Anutuuqo ii mminna iyauva ngiauvau yapaakiakioo mmekiaiva mmata avaa mmiravai. ¹⁸ Iyauva Anutuuqo taikioo inna yooketaivai. ¹⁹ Heenaivoo kuaikioo patairaivo nnikioo tarama tarama suaivee tiravai. ²⁰ Anutuuqo tinoo, nnorivoo mmuakia variaa vaimminnai yauvaki vioo ngioo varira mminai ngiammaiya ngiau vau nokiatee. ²¹ Anutuuqo tunoo nnoori soroovuarai voo vairavai,varira vauu mminnai yaa sorowarai vaki variravai. Vaaruduu ngiammaiya ngiau vauu nuauduu Anutuuqo tooduu inna yokeetairavai. ²² Ii mminna iyauva Anutuuqo raambai vaa mmikioo tunoo soroovurai vakii varida suvuaakutee tiravai. ²³ Heenaivoo vaikiaiko patairaivoo nikioo ivara tunoo yaaku saii suaivoo vee tiravai. ²⁴ Itamaa vaikioo Anutuuqo tunoo ,mmukiaannannaa mmaguyai yauvoo tama vasingammai doo tamaa ngiari atauu yauu yauu vuunu variravai. ²⁵ Anutuuqo mmukia vasingiamma, annanna mmaguyaki variai yaata vasingiamma nneranai yau vaatama iimakioo iyaauva toduu inna yookeetairavai. ²⁶ Anutuuqo tinoo,moo nnikia taa vaidi titirosi voovai ikiaravee,ivoono mmuakia vasingiammaiyata nnooriki variaiyata haitatukiaive. ²⁷ Anutuqo ariyadiri tovainno vaidivata gionnaivata imakieravai. ²⁸ Ivoo iyaara yoketavee kiakioo tunoo, ngiau mmatai vaitanota mmokiaa mminnaiyauvata haitatu kiatee tiravai. ²⁹ Vauudu rikioo Anutuuqo tunoo, mmuakia yeenna mmata avau vaiyau vaa utida varadannatee tiravai. ³⁰ Mmuakia vasingiammaiya yeennaivo annanna gasooyau vaa nneravai. ³¹ Anutuuqoo mmuakia mminna mminnai yauva imakioyauvaa taikio yoketaa tuanayauvai vaivai.Henai raivoo viookiaikio henananna suaivo nnivai, inna yakuu saivai sainaidirii mmua suaivai.