3 ¹ Bikpela sori tru long dispela biktaun we yu save harim tok , strongpela biktaun i bagarap pinis. ² Meri i no bin harim tok bilong God na gutpela tok God Yawe i givim long em. Dispela meri i no putim tingting bilong em long God Yawe na i no askim God bilong em. ³ Meri bilong ol king i singaut strong olsem laion i go long namel. Na ol jas bilong ol i olsem ol wel dok bilong avinun na i no lusim wanpela samting bilong kaikai long moning. ⁴ Ol profet bilong em i no soim gutpela pasin long ol na ol i laik kisim hevi i kam long ol man. Pris bilong em tu i save long stretpela pasin tasol ol ino laik bihainim lo. ⁵ God Yawe i save mekim gut namel long yumi. Em i no save mekim nogut long yumi. Olgeta monin em i save givim samting inap long dispela dei. Em i no i nap hait long lait. Tasol sin manmeri i no save long sem pasin bilong ol. ⁶ Mi bagarapim pinis dispela manmeri, wantaim ol taun bilong ol na haus bilong ol. Mi bagarapim tru ples bilong ol long ol i noken i stap long dispela ples. Bilong wanem mi bagarapim dispela taun long ol man i noken i stap moa long dispela ples. ⁷ Mi tok, oltaim yupela i mas pret long mi wanpela tasol. Lusim rong bilong ol narapela lain na i noken lusim haus bilong yupela na i go, bilong wanem mi gat wok long givim long yupela. Tasol yupela i laikim tumas giaman pasin bilong yupela. ⁸ Olsem na yupela i mas wet long mi God Yawe tok inap long disela dei bai i kamap na wel abus bai i painim kaikai bilong em long kaikaim. Tasol laik bilong mi em i bilong kisim ol man meri i kam bung long bikpela ples na putim belhat bilong mi antap long ol. Olgeta belhat bai mi putim long paia na tromoi long dispela graun. ⁹ Nau bai mi mekim maus bilong ol manmeri i klin na olgeta lain bai i kolim nem bilong God Yawe na putim em i go antap long han bilong ol. ¹⁰ Antap long dispela wara bilong Kash, ol manmeri save lotu long mi i stap na ol manmeri bilong mi i stap nabaut bai kisim ol ofa bilong ol i kam givim mi. ¹¹ Long dispela taim i go olsem, yu noken tingim bek dispela pasin yu bin mekim na yu pilim sem. Bai mi rausim pasin nogut bilong yupela na bai mi mekim gut long yupela. Nau bai yupela i no inap mekim dispela pasin moa long maunten em i holi. ¹² Tasol bai mi kam stap namel wantaim yupela ol manmeri we i nogat strong na i nogat ol kago samting. Bai ol i hait long nem bilong God Yawe na bai ol i no inap kisim bagarap. ¹³ Dispela lain ol manmeri bilong Israel bai i no inap moa mekim dispela pasin nogut gen. Maus bilong ol bai i klin na bai ol i no inap pret long wanpela man. ¹⁴ Pikinini meri bilong Saion singim song, ol Israel singaut strong. Ol pikinini meri bilong Jerusalem bel bilong yupela i mas amamas, ¹⁵ God Yawe i rausim pinis belhat bilong em na em i rausim ol birua i go pinis. God Yawe em i king bilong yupela ol Israel. Nau bai yupela i no inap pret gen long samting nogut. ¹⁶ Long dispela dei ol bai tok long Jerusalem olsem, noken pret long Saion. Noken larim han bilong yu i pundaun na lusim strong. ¹⁷ God Yawe, God bilong yupela i stap wantaim yupela. Em i gat olgeta strong long helpim yupela, em bai i amamas long yupela long bel bilong em na em bai i isi tasol karamapim yupela wantaim marimari bilong em yet. Bai em i singaut strong na amamas long yupela. ¹⁸ Bai mi bungim ol lain husait i stap long sori na ol bai i go long bikpela kaikai ol i makim, olsem na nau bai yupela no i nap sem moa long en. ¹⁹ Harim, bai mi stap wantaim ol lain we yupela i les long ol. Nau long dispela taim bai mi kisim ol lek nogut i kam bungim ol na helpim ol. Bai mi mekim ol i amamas na rausim sem pasin bilong ol na olgeta lain manmeri bilong graun bai i harim. ²⁰ Long dispela taim bai mi kisim yupela i go na bungim yupela olgeta wantaim. Bai mi mekim na olgeta lain manmeri bilong graun bai i stap ananit long yupela na bai ol i apim nem bilong yupela. Orait taim yupela i lukim dispela pasin, yupela bai save olsem mi kisim bek yupela pinis. Mi God Yawe mi tokim yupela.