2 ¹ Toktok namel long yupela yet, bung wantaim, yupela ol kantri i no save sem- ² bipo long ol dispela tok o lo i kamap tru na dispela ol samting i kam na i go olsem win i sakim skin bilong wit i go, bipo long belhat nogut bilong God Yawe i pundaun antap long yupela, bipo long dei bilong bikpela belhat bilong God Yawe i kam long yupela. ³ Painim God Yawe, yupela ol manmeri bilong daunim yupela yet long graun husait i save bihainim olgeta lo! Painim gutpela pasin. Painim pasin bilong daunim yupela yet na yupela bai i stap gut long dei bilong belhat bilong God Yawe. ⁴ Long wanem Gasa bai i stap nating na Askelon bai i bagarap olgeta. Ol bai i rausim i go aut Asdot long taim san i laik i go daun na ol bai i pulim na kamautim Ekron! ⁵ Sori long ol manmeri i save stap arere long nambis, em kantri bilong ol Keret! God Yawe tu i bin toktok planti long yu, Kenan, graun bilong ol Pilistia. Bai mi bagarapim yu i go inap long taim nogat wanpela bai i stap yet. ⁶ Olsem na nambis bai i kamap gutpela hap graun bilong ol wasman na hap bilong ol sipsip i ken stap long en. ⁷ Ol liklik lain bilong Juda i stap yet bai i kisim na bosim olgeta graun i raunim nambis, em ol lain husait bai i lukautim sipsip bilong ol long hap. Long apinun ol manmeri bilong ol bai i sindaun long ol haus bilong Askelon, long wanem God Yawe God bilong ol bai i lukautim ol na givim bek gen ol planti gutpela samting bilong ol. ⁸ ''Mi bin harim ol Moab i tok pilai na ol Amon i mekim ol tok i no tru na taim mi harim ol i tok pilai long ol manmeri bilong mi na surikim boda bilong ol. ⁹ Olsem na taim mi stap- dispela em tok bilong God Yawe i stap oltaim, em God bilong Israel- Moab bai i kamap olsem Sodom na ol manmeri bilong Amon bai i olsem ol Gomora, em ples nogut bilong pilim pein na olsem bikpela hul i go daun tru, we bai i stap ples nating oltaim oltaim. Tasol ol liklik hap lain bilong mi i stap yet bai i kisim dispela olgeta, tasol ol lain i stap yet long kantri bilong mi bai i kisim bek olgeta samting olsem samting bilong ol.'' ¹⁰ Dispela bai kamap long Moap na Amon long wanem ol i hapim ol yet, stat long taim ol i tok pilai na lap na daunim ol manmeri bilong God Yawe em God i gat olgeta strong. ¹¹ Olsem na bai ol i pret long God Yawe, long wanem em bai tok pilai na lap long olgeta god bilong dispela graun. Olgeta manmeri bai i lotu long em, olgeta wanwan bai i lotu long em long ol ples ol i stap long em, long hap bilong olgeta ples i stap arere long nambis. ¹² Bai mi katim yupela ol lain Kus wantaim bainat bilong mi, ¹³ na han bilong God bai i kam antap long hap san kamap na i bagarapim Asiria, olsem Ninive bai i kamap olsem ples nating ol manmeri i no moa stap long em inap wanpela tu i no inap kam bek gen, em bai i kamap drai olsem ples nating. ¹⁴ Ol sipsip na ol bulmakau bai stap long hap, olgeta abus bilong ol kantri, aul bilong ples nating na aul i save singaut nogut tru tupela bai i malolo na stap antap long taua. Singaut nogut bai i kam autsait long ol windua, ol samting i bagarap na stap bai i kam na stap long ol dua, ol piksa em i bin katim long diwai seda bai i kamap ples klia. ¹⁵ Dispela biktaun i save amamas tru na em i no save pret, long bel em tok olsem, ''Em mi tasol, wanpela i no i stap wankain olsem mi.'' olsem wanem na em i mekim em yet i kamap olsem samting ol man i ken pret long em, em i mekim dispela hap olsem ples nogut bilong ol wel abus i ken slip insait long em. Olgeta manmeri i kam i go arere long em bai i go na seksekim pinga bilong ol long em.