14 ¹ Wanbel wantaim husait i nogat strongpela bilip na noken skelim em long pasin bilong tok pait. . ² Wanpela man i gat bilip long kaikai olgeta kaikai, narapela husait bilip bilong em i no strong i kaikai kumu tasol. ³ Husait i save kaikai olgeta samting i no ken daunim husait i no save kaikai olgeta samting, na husait i no save kaikai olgeta samting, i noken skelim husait i save kaikai olgeta samting. Long wanem God i kisim bek em. ⁴ Yupela husait long skelim wokman bilong narapela man? Long pes bilong masta bilong em bai em i sanap o pundaun, em i samting bilong em.Tasol em bai mekim em i sanap, long wanem Bikpela inap mekim em i sanap. . ⁵ Wanpela man i luksave long wanpela de i antap moa long ol arapela de. Narapela i luksave olsem olgeta de i wankain. Larim wan wan yet i ken i gat strongpela tingting bilong em yet. ⁶ Husait i luksave long wanpela de, em i luksave i go long Bikpela na husait em i kaikai, em i kaikai i go long Bikpela, long wanem, em i tok tenkyu long God. Husait i no save kaikai, em i tambuim kaikai long Bikpela na em tu i tok tenkyu long God. ⁷ Long wanem, i nogat wanpela bilong yumi i stap laip bilong em yet na i nogat wanpela bilong yumi i dai bilong em yet. ⁸ Sapos yumi i stap laip, em yumi i stap laip bilong Bikpela na sapos yumi dai em yumi dai bilong Bikpela, Olsem na yumi i stap laip o yumi dai , yumi bilong Bikpela.. ⁹ Long dispela as tasol, Krais i dai na i kirap bek gen, olsem bai em i stap Bikpela bilong ol lain i dai pinis na bilong ol lain i stap laip yet. ¹⁰ Tasol bilong wanem na yupela skelim brata bilong yupela? Bilong wanem na yupela daunim brata bilong yupela? Yumi olgeta bai sanap long kot bilong God. ¹¹ Tok i stap long buk olsem, " Mi stap laip," Bikpela i tok, "long mi,olgeta bai brukim skru na olgeta maus bai litimapim God." ¹² Olsem na yumi olgeta bai tokim God long wanem ol samting yumi save mekim. ¹³ Olsem na yumi noken skelim ol narapela, tasol yumi mas mekim olsem, nogat wanpela bai i pasim rot o pundaunim brata bilong em. ¹⁴ Mi save na mi i gat kliapela tingting insait long Bikpela Jisas olsem, nogat wanpela samting em i doti long em yet. Long dispela man husait i ting olsem samting i doti, long em tasol dispela samting i doti. ¹⁵ Sapos long kaikai tasol na yupela bagarapim brata bilong yupela, orait yupela i no moa wokabaut long pasin bilong laikim. Noken bagarapim husait Kraist i dai bilong kisim bek wantaim kaikai bilong yupela. ¹⁶ Olsem na samting yupela lukim olsem em i gutpela, noken larim ol arapela i tok olsem em i nogut. ¹⁷ Long wanem Kingdom bilong God em i no bilong kaikai na dring, tasol em i bilong stretpela pasin, bel isi na hamamas insait long Holi Spirit. ¹⁸ Husait man i mekim wok bilong Kraist long dispela rot, em God i laikim em na ol manmeri bai wanbel long em. ¹⁹ Olsem na yumi bihainim ol samting bilong kamapim bel isi na ol samting bilong helpim ol arapela i kamap gutpela. ²⁰ Noken bagarapim wok bilong God long pasin bilong kaikai tasol. Olgeta samting em i klin. Tasol em i pasin nogut long dispela man husait i kaikai na i pundaunim narapela. ²¹ Em i gutpela long noken kaikai mit o dring wain o ol samting em bai i mekim brata bilong yupela i pundaun long sin. ²² Dispela bilip yupela gat i ken i stap namel long yupela wantaim God. Husait bel bilong em i no kotim em long wanem em i mekim dispela man i ken amamas. ²³ Yupela ol man husait i gat tupela tingting long wanem samting yupela i kaikai i kisim kot pinis, long wanem yupela i no kaikai wantaim bilip. Na wanem samting yupela mekim i no kam wantaim bilip em i sin.