13 ¹ Larim olgeta lain manmeri i mas bihainim tok bilong gavaman, long wanem, God yet i givim gavaman. Ol gavaman i stap long wanem, God yet i bin makim. ² Olsem na husait i sakim tok bilong gavaman, em i tok nogat long lo bilong God, na husait lain i mekim olsem, em i kisim kot i kam antap long em yet. ³ Long wanem, gavaman i no kamap birua bilong ol lain i save mekim gutpela pasin, tasol em i birua bilong ol lain i save mekim pasin nogut. Ating yupela i gat bikpela laik long i noken pret long husait i stap long gavaman? Orait, mekim gutpela pasin na bai yupela i kisim save bilong em. ⁴ Long wanem, em i wokman bilong God long gutpela bilong yupela. Tasol, sapos yupela i mekim pasin nogut, orait yupela i mas pret, long wanem, em i no save karim bainat nating. Long wanem, em i wokman bilong God, na em bai bekim belhat bilong God antap long ol lain i save mekim pasin nogut. ⁵ Olsem na yupela i mas bihainim tok, i no bilong bihainim tok na abrusim belhat bilong God, tasol bihainim long wanem, em i gutpela samting. ⁶ Long dispela as, yupela i save givim takis i go long gavaman tu. Long wanem, gavaman em ol wokman bilong God na ol i save mekim dispela samting olgeta taim. ⁷ Givim i go long husait wanem samting em i bilong en, givim takis i go long husait yupela i mas givim takis long en, givim pe i go long husait yupela i mas givim long em, pret long husait yupela i mas pret long en, save long husait yupela i mas givim save long en. ⁸ Noken dinau long ol samting bilong arapela, tasol yupela i mas i gat pasin bilong laikim arapela. Long wanem, husait i laikim ol arapela, em ol i bihainim stret lo. ⁹ Ol lo i tok olsem; "Noken pamuk, noken kilim arapela, noken stil, noken mangal, na sapos i gat sampela arapela ol lo tu, em olgeta i stap aninit long dispela tok olsem: "Laikim arapela olsem yupela i save laikim yu yet." ¹⁰ Pasin bilong laikim i no save bagarapim arapela man, olsem na pasin bilong laikim em i bihainim stret as tingting bilong lo. ¹¹ Long dispela tasol, yupela i save long wanem taim yupela i stap long en, dispela em i taim bilong yupela i kirap long slip. Long wanem, taim bilong kisim bek yumi em i klostu nau, na i no olsem namba wan taim yumi bin bilip. ¹² Nait i laik go pinis na tulait i kam klostu nau. Olsem na, yumi mas putim go long we tru ol wok bilong tudak na putim antap long yumi ol klos bilong tulait. ¹³ Yumi mas wokabaut stret olsem ol lain i stap long tulait, na i no olsem pasin bilong mekim ol long long pati o pasin bilong dring spak. Na yumi noken wokabaut insait long ol kainkain pasin pamuk o kain pasin mangal na pasin bilong kamapim birua na pasin bilong bel nogut. ¹⁴ Tasol, larim bikpela Jisas Krais i bosim yupela na noken larim laik bilong bodi i bihainim pasin bilong mangal.