1 ¹ Mi Pol, wanpela aposel na wokman bilong Jisas Krais, singaut i kisim mi long kamap aposel, na em i makim mi long autim gutnius bilong God. ² Em i bin promise pastaim tru long maus bilong ol profet i stap pinis long buk bilong God, ³ Em i gutnius bilong Pikinini bilong man, bai i kamap long lain tumbuna bilong Devit. ⁴ Long taim God i kirapim em long ples bilong ol dai man, insait long Holi Spirit, ol i tokaut olsem em i strongpela pikinini bilong God em Jisas Krais Bikpela bilong yumi. ⁵ Long em, yumi kisim marimari na wok aposel olsem bai olgeta manmeri long graun i ken bilip long Jisas na bihainim tok bilong em. ⁶ Namel long ol dispela lain manmeri bilong graun, yupela tu God i singautim long kamap lain bilong Jisas Krais. ⁷ Dispela pas i go long yupela olgeta lain i stap long Rom, tasol God i givim bel na singautim yupela pinis olsem yupela lain manmeri bilong em. Marimari na bel isi bilong God na Bikpela bilong yumi Jisas Krais i ken i stap wantaim yupela. ⁸ Pastaim tru, mi tok tenkyu long God bilong mi insait long Jisas Krais Bikpela bilong mi, long wanem, bilip bilong yupela ol i tokaut long olgeta hap bilong graun. ⁹ Long wanem, God em i helpim bilong mi,na long em mi mekim wok bilong en insait long spirit bilong mi, mi oltaim i save toktok long yupela long ol arapela lain. ¹⁰ Olgeta taim mi save askim insait long beten bilong mi olsem, sapos em i laik bilong God na sapos i gat sampela rot, bai mi ken kam na lukim yupela. ¹¹ Mi i gat bikpela laik long kam lukim yupela, na bai mi ken givim yupela sampela presen bilong spirit bilong strongim yupela. ¹² Mi laik long kisim strong namel long yupela,na insait long bilip bilong yupela na bilong mi tu. ¹³ Nau, mi i no laikim bai yupela ol brata i ting olsem, mi nogat tingting long kam lukim yupela, mi laik kam long yupela (tasol sampela samting i pasim rot bilong mi inap nau), bai mi ken kisim sampela kaikai namel long yupela wankain olsem long ol arapela lain. ¹⁴ Mi i gat dinau long ol Grik, na long ol lain bilong narapela hap, na long ol man i gat gutpela save, na long ol man i nogat gutpela save tu. ¹⁵ Olsem na long mi, mi redi tasol long autim gutnius long yupela lain i stap long Rom. ¹⁶ Long wanem, mi no sem long dispela gutnius, dispela gutnius em i strong bilong God long kisim bek olgeta manmenri i bilip long em, pastaim long ol Juda na bihain long ol Grik. ¹⁷ Long wanem, insait long dispela stretpela pasin bilong God i kamap ples klia, long wanpela mak bilong bilip i go long narapela mak bilong bilip, olsem tok i stap pinis, ol stretpela man bai ol i stap laip long pasin bilong bilip. ¹⁸ Long wanem, bel hat bilong God i kamap ples klia long ol lain i mekim pasin bilong god giaman na pasin i no stret, na insait long pasin i no stretpela, ol i holim bek tok tru. ¹⁹ Dispela i olsem, ol samting bilong God i bin kamap ples klia long ol. Long wanem, God i bin mekim tingting bilong ol i kamap klia olgeta. ²⁰ Long dispela, ol gutpela pasin bilong em i stap hait i kamap ples klia, na em ol pasin olsem,strong bilong em i stap oltaim oltaim, na ol pasin bilong God yet, ol i bin lukim pinis long taim em i bin wokim dispela graun, na insait long olgeta samting em i bin wokim. Olsem na ol i nogat wanpela tok long mekim long taim bilong kot. ²¹ Dispela i olsem, ol i save long God, tasol ol i no givim biknem long God na tu ol i no tok tenkyu long em. Tasol, ol i kamap longlong insait long tingting nogut bilong ol na bel bilong ol i nogat gutpela save, na i pulap long tudak. ²² Ol i tok olsem ol i gat gutpela save na tingting, tasol ol i kamap longlong pinis. ²³ Ol i senisim lait bilong God i no save bagarap, i kamap olsem pasin na piksa bilong ol samting i save bagarap, olsem ol piksa bilong man na ol pisin na ol wel abus i gat 4pela lek na ol samting i save raun long bel bilong ol. ²⁴ Olsem na God i givim ol pasin bilong mangal long bel bilong ol na long ol pasin i doti, na bai ol i ken mekim sem pasin long bodi bilong ol, namel long ol yet. ²⁵ Em ol i bin senisim tok tru bilong God i go kamap olsem tok giaman, na ol i lotu na mekim wok bilong ol samting God i bin wokim long en, na ol i no lotu long man i bin wokim ol dispela samting, em God, man bai i kisim biknem oltaim oltaim.i tru. ²⁶ Long dispela as, God i givim baksait long ol i ken bihainim bel bilong ol long mekim sem pasin, olsem meri i lusim man na maritim meri namel long ol yet. ²⁷ Olsem tasol, man tu i lusim pasin bilong man i maritim meri na bel bilong ol i kirap moa yet wantaim pasin mangal bilong marit namel long ol yet. Dispela ol man husait i bin mekim dispela sem pasin, ol i bin kisim kot bilong ol pinis long dispela pasin nogut bilong ol. ²⁸ Long wanem, ol i no luksave long God i stap namel long ol, olsem na bai ol i ken mekim ol pasin i no stret. ²⁹ Ol i pulap tru long ol pasin i no stret, na pasin nogut na pasin bilong laikim samting bilong narapela lain, na pasin bilong laik lukim ol narapela lain i kisim bagarap. Ol i pulap tru long ol pasin olsem, bikpela mangal long samting bilong narapela na kilim narapela na kros pait wantaim narapela na giaman long kisim ol samting na ,tingting long pasin nogut tasol. ³⁰ Ol i lain bilong tok baksait, na bagarapim nem bilong narapela, na ol i no save laikim God. Ol i lain bilong soim strong bilong ol, na daunin ol narapela na ol i save apim ol yet. Ol i lain bilong kamapim ol kainkain pasin nogut na ol i save sakim tok bilong papamama bilong ol. ³¹ Ol i nogat luksave, na ol man bai i nogat bilip long ol, na ol i nogat pasin bilong laikim, na ol i nogat pasin bilong marimari tu. ³² Ol i save long lo bilong God olsem, husait ol lain i mekim ol dispela pasin bai dai. Tasol, ol i no mekim ol dispela pasin tasol, nogat ol i wanbel na givim luksave long ol lain i mekim ol dispela pasin tu.