7 ¹ Pikinini man bilong mi, putim olgeta tok bilong mi long bel na lukautim gut olgeta tok bilong mi na bihainim insait long yu yet. ² Lukautim olgeta strongpela tok mi tokim yu long en, stap na lukautim olgeta stia tok mi tokim yu long en i olsem ol gutpela pasin yu bai i lukim na mekim. ³ Pasim ol antap long pinga bilong yupela na raitim ol insait long bel bilong yupela. ⁴ Tokaut long gutpela tingting, "Yu susa bilong mi," na singaut long gutpela save olsem tambu bilong yu, ⁵ yupela yet i noken slip wantaim ol meri bilong pulim man bilong ol arapela meri na harim toktok bilong ol meri bilong mekim pasin pamuk. ⁶ Long windua bilong haus bilong mi, mi lukluk i go autsait long liklik windua. ⁷ Mi lukluk long ol manmeri i no save long wanpela samting na mi luksave long ol yanpela man husait i no gat gutpela tingting. ⁸ Olsem yangpela man i wokabaut long liklik rot klostu long kona na em i makim haus bilong dispela meri na i go. ⁹ Taim san i laik go daun long abinun bilong dispela dei na taim bilong nait na bikpela tudak. ¹⁰ I gat wanpela meri i bungim em na werim ol klos olsem pamuk meri wantaim giaman i pulap long bel bilong em. ¹¹ Meri bilong singaut bikmaus na i save laikim planti samting na lek bilong em i no save stap isi long haus bilong em. ¹² Nau insait long liklik han rot, bihain insait long maket ples na olgeta hap kona dispela meri i save sanap hait na weit long bagarapim ol man. ¹³ Olsem na dispela meri i holim pasim em na kis long em wantaim strongim pes na tokim em, ¹⁴ " Mi mekim bel isi ofa long dispela dei na bai mi mekim tok promis, ¹⁵ olsem na mi go autsait long lukim yu wantaim strongpela tingting long lukim pes bilong yu na nau mi painim yu. ¹⁶ Mi bin karamapim betsit antap long bet bilong mi wantaim ol naispela kala na gutpela laplap bilong Isip. ¹⁷ Mi kapsaitim ol paura, oil na ol samting i gat gutpela smel antap long bet bilong mi. ¹⁸ Kam, yumi dring spak na mekim pasin nogut i go inap long moning na yumi amamasim laik bilong bodi long kainkain rot long inapim dispela laik. ¹⁹ Long wanem man bilong mi i no stap long haus, em i go long longpela rot. ²⁰ Em i karim bek moni na i go wantaim em, orait em bai i kam bek long taim bikpela mun i lait. ²¹ Wantaim planti toktok meri i tanim tingting bilong dispela man, wantaim naispela tok long maus bilong em i giamanim dispela man. ²² Dispela man i bihainim em isi tasol i go olsem bulmakau i go long hap ol bai i kilim em, olsem dia i hangamap long umben bilong kisim animol, ²³ olsem spia i sutim lewa bilong en. Em i olsem pisin i go hariap insait long umben na ol i holim em. Em i no save olsem em bai i bagarapim laip bilong em. ²⁴ Nau ol pikinini man bilong mi, putim iyau gut long ol toktok mi laik tokim yupela long maus bilong mi. ²⁵ Larim bel bilong yu i noken bihainim rot bilong dispela meri, yu noken lusim stretpela rot na bihainim em. ²⁶ Dispela meri i mekim ol planti manmeri i pundaun na i bagarap na em i kilim i dai planti ol man. ²⁷ Haus bilong em i i go long rot bilong ol man i dai pinis, ol i go daun long ples i tudak long hap bilong ol dai man.