¹ Ol toktok bilong King Lemuel, em ol gutpela skul toktok mama bilong em i lainim em. ² Wanem, pikiknini man bilong mi? Em wanem samting tru, pikinini man long bel bilong mi? Yu laikim wanem samting tru, pikinini man long ol tok promis bilong mi? ³ Noken givim strong bilong yu i go long ol meri na long ol lain i save bagarapim ol king. ⁴ Em i no pasin bilong ol king, Lemuel, ol king i no ken dring wain o ol bikman bilong lukautim ol manmeri i noken tru nek i sigirap long dringim strongpela dring, ⁵ bilong wanem taim ol i dring, ol i save lus tingting long wanem wok ol i gat long wokim na bai ol i daunim ol gutpela manmeri i stap long hevi. ⁶ Givim strongpela dring i go long man i wok long dai na tu givim wain i go long ol lain i stap long bikpela pen. ⁷ Long wanem em bai i dring na lus tingting long wari em i gat na bai i no inap tingim hevi bilong em. ⁸ Yu kisim maus bilong ol lain i no inap long toktok i go long ol lain husait i wok long dai. ⁹ Tokaut, tingim gut na skelim wanem em i stret na kisim wari bilong ol turangu manmeri na askim. ¹⁰ Husait i ken painim gutpela meri? Pasin bilong em i winim olgeta gutpela samting em i dia tumas. ¹¹ Bel na tingting bilong man bilong em i stap long em na man bilong em i no inap i stap turangu man. ¹² Em i wokim ol gutpela samting long em na i no inap mekim nogut long em olgeta taim. ¹³ Em kisim gras bilong sipsip na rop bilong somapim klos na em i amamas long mekim wok long han bilong em. ¹⁴ Em i olsem sip bilong kisim kago i go i kam long solwara na em i save i go kisim kaikai long longwe i kam. ¹⁵ Long biknait em i save kirap na redim kaikai bilong ol lain bilong em long haus na tu em i save skelim wok na givim i go long ol wokmeri bilong em. ¹⁶ Em lukim gut hap graun na baim, wanem kaikai i kamap long han bilong em, orait, em planim wain gaden. ¹⁷ Em i save bilasim em yet wantaim strong na mekim han bilong em i strong moa. ¹⁸ Em save wanem samting em bai mekim long kamapim moa gutpela samting long em na long nait lam bilong em bai lait i stap na i no inap i dai. ¹⁹ Em i putim han bilong em long stik diwai na holim rop. ²⁰ Em i save tingim ol turangu lain na tingim ol lain i save sot long ol samting. ²¹ Em i no save pret long kol bilong nait bai kisim ol lain bilong em long haus, long wanem ol lain bilong em long haus bai karamapim ol yet long retpela klos. ²² Em mekim blanket long karamapim bet bilong em na putim pepol laplap long skin. ²³ Em save tu olsem man bilong em i save stap long dua, taim em sindaun wantaim ol hetman bilong dispela kantri. ²⁴ Em i save wokim ol waitpela klos na salim ol na em i save wokim belt na salim long ol moni man. ²⁵ Em i karamapim em yet wantaim strong na biknem na em bai i stap amamas oltaim. ²⁶ Em i save toktok wantaim gutpela tingting na lo bilong gutpela pasin i stap long maus bilong em. ²⁷ Em save lukautim gut tru olgeta lain long haus bilong em na em i no save i stap nating, em save wok na kaikai. ²⁸ Ol pikinini bilong em i save kolim em olsem gutpela mama na man bilong em i save givim biknem long em na tok, ²⁹ "Planti meri i save mekim gutpela pasin tasol yu winim ol tru." ³⁰ Gutpela samting yu save laikim em i giaman, gutpela samting i save winim tingting bilong yu, em i samting nating tasol meri i save pret long God Yawe bai kisim biknem. ³¹ Givim pei long wanem pasin em i mekim na larim wok bilong em yet i givim biknem long em long ol dua bilong bikpela banis.