¹ Dispela em i toktok bilong Agur pikinini man bilong Jake i bin mekim. Em i tokaut long Itiel na Ukal. ² Tru tumas mi kamap olsem wel animol na i no olsem man na mi no gat tingting bilong man. ³ Mi no bing i gat gutpela tingting na mi no save God i Holi Tru. ⁴ Husait i go antap long heven na i kam daun? Husait i bin holim win long han bilong en? Husait i bin pulmapim wara long laplap bilong en? Husait i bin kamapim ol arere bilong dispela graun? Nem bilong em i husait na nem bilong pikinini man bilong em husait? Tru tumas yu save! ⁵ Olgeta tok bilong God i bin traim na em i olsem hap palang bilong husait ol lain i hait long em. ⁶ No ken putim toktok bilong yu yet antap long tok bilong God, nogut toktok bilong yu bai i soim olsem yu giaman. ⁷ Tupela samting mi askim yu, no ken pasim ol long mi taim mi i no dai yet. ⁸ Rausim pasin bilong hatwok nating na giaman i go longwe long mi. No ken larim mi i kamap rabis man o mani man, givim mi tasol kaikai mi laikim tru. ⁹ Sapos mi gat planti samting, bai mi lusim tinting long yu na tok, "Husait em God Yawe?" O sapos mi kamap rabis man, nogut bai mi stil na bagarapim nem bilong God. ¹⁰ No ken mekim giaman toktok na bagarapim wokboi long ai bilong bosman bilong em, nogut bai em i mekim tok nogut long yu na ol i painim asua bilong yu. ¹¹ I gat ol lain manmeri husait i bagarapim papa bilong ol na i no save wokim gutpela pasin na amamas long mama bilong ol. ¹² I gat narapela lain manmeri i stap klin long ai bilong ol yet, tasol ol i stap doti yet long pasin nogut bilong ol. ¹³ I gat narapela lain manmeri husait ai bilong ol i lukluk i go antap na ai bilong ol i save lukluk i go antap moa! ¹⁴ I gat ol lain manmeri tit bilong ol i olsem ol bainat na wisket bun bilong ol i olsem naip, long kilim man i no gat kago long graun na ol man husait i stap long nid. ¹⁵ Binatang bilong pulim blut bilong man i gat tupela pikinini meri; Ol i save krai na tok; "Givim na Givim". I gat tripela samting ol i no save pulap, foapela i no save `tok,"Inap". ¹⁶ Sheol;meri i no bel; graun, wara i no save pulap long en; na paia ino save tok,"Inap!" ¹⁷ Ol man husait i save tok bilas long papa na sakim tok bilong mama, ol pisin bilong ples daun bai kamautim tupela ai bilong en na ol kotkot bai kaikaim bodi bilong ol. ¹⁸ I gat tripela samting i naispela tumas long mi tasol foapela bai mi i no inap save, ¹⁹ wei bilong tarangau antap long skai na wei bilong snek antap long bikpela ston na wei bilong sip namel long solwara na pasin bilong wanpela man wantaim yangpela meri. ²⁰ Dispela em wei bilong pamuk meri: em i kaikai na em i klinim maus na i tok, "Mi no mekim wanpela asua." ²¹ Aninit long tripela samting graun i save guria na aninit long fopela em i no inap helpim em yet, ²² taim wok boi nating i kamap king, longlong man i pulap wantaim kaikai, ²³ taim meri ol i no save laikim em i marit na wok meri taim em i kisim ples bilong bos meri. ²⁴ Fopela samting long graun i liklik tasol save bilong ol i moa yet. ²⁵ ol anis em olsem ol man tasol i nogat strong bilong ol, ol i save redim kaikai bilong ol long taim bilong san. ²⁶ ol mumut bilong bikpela ston i nogat strong olsem arapela animol, tasol ol i save wokim haus bilong ol insat bikpela ston. ²⁷ Grasopa i nogat king, tasol olgeta i save wokabaut ananit long wanpela bosman tasol. ²⁸ Geko, yu ken holim long tupela han bilong yu tasol yu ken painim ol long haus bilong king. ²⁹ I gat tripela samting i save wokabaut gut tru na fopela i save luk gut tumas long we ol i wokabaut. ³⁰ lion i wanpela strongpela wel animol namel long ol arapela na em i no save pret na ranawe, ³¹ kakaruk man i save apim het,meme man na strongpela soldia bilong king em stap long sait bilong em. ³² Sapos yu bin longlong na apim nem bilong yu yet o yu bin tingting long wokim pasin nogut na pasim maus wantaim han bilong yu. ³³ Olsem susu bilong milk i tanimtanim na mekim bata na nus bai i blut taim ol i tanim, kain pasin bilong kros i kamapim tubel.