¹ Ol man nogut bai ranawe taim i no gat man i ronim ol, tasol stretpela man i sanap strong olsem yangpela lion. ² Pasin nogut bilong dispela graun bai kamapim planti lida tasol strepela man husait i gat gutpela tingting na save bai i stap longpela taim. ³ Rabis man husait i kros pait wantaim narapela rabis man em i olsem bikpela ren i kam pundaun na bagarapim ol kaikai long gaden. ⁴ Husait i sakim lo em i amamasim ol man nogut, tasol husait i lukautim lo em bai pait na kamap birua bilong ol. ⁵ Ol man nogut ol i no luksave long gutpela na stretpela pasin, tasol husait i painim God Yawe bai i save long planti samting. ⁶ I gutpela moa long rabis man i wokobaut long stretpela pasin bilong em, tasol mani man i mekim planti giaman na stil pasin. ⁷ Man husait lukautim lo em trupela pikinini man husait i gat save, tasol husait i raun nating wantaim ol man nogut i kisim bikpela sem pipia i kam long papa bilong em. ⁸ Man husait i mekim bikpela profit mani long giaman pasin, em i bungim bilong man husait i save sori na helpim ol rabis man. ⁹ Sapos wanpela i no putim yau na harim lo, beten bilong dispela man em i kamap samting nating. ¹⁰ Husait i giamanim stretpela man na kisim em i go long rot nogut, dispela man bai pundaun long hul bilong em yet, tasol man i nogat asua bai kisim gutpela samting. ¹¹ Mani man bai ting em stretpela man long ai bilong em yet, tasol rabisman husait i gat save bai i painim aut hait pasin bilong em. ¹² Taim ol stretpela man i kamap lida na bosim ol manmeri, i gat bikpela amamas, tasol ol man nogut i kisim ples, ol manmeri i go hait olgeta. ¹³ Man husait i haitim sin bilong em i no inap sindaun gut, tasol husait i tok aut na tok nogat long pasin nogut bilong em bai i kisim bel isi bilong bikpela. ¹⁴ Man husait i stap gut wantaim bikpela i kisim blesing, tasol man husait i strongim bel bai i pundaun long hevi na trabol. ¹⁵ Lida man husait i no save lukautim ol manmeri bilong em gut i olsem wel abus lion na bear. ¹⁶ Lida husait i nogat gutpela tingting em man nogut tru, tasol man husait i luksave na les long stil pasin em bai i stap longpela taim. ¹⁷ Sapos wanpela man i kros pait na mekim nogut long narapela man na kapsaitim blut, em dispela man nogut bai i stap long dispela hevi longpela taim na dai, nogat man bai helpim em. ¹⁸ Husait man i wokabaut wantaim gutpela pasin em bai i stap gut, tasol husait i wokabaut krangi bai pundaun hariap. ¹⁹ Man husait i holim graun bai i gat planti kaikai i pulap, tasol man husait i bihainim man raun nating na i no gat gutpela as bai pulap long hangre na i stap rabis man. ²⁰ Man husait i stap stret bai i gat planti blesing, tasol man husait i kamap bisnis man hariap bai i no inap abrusim pei nogut. ²¹ I no gutpela long kamap wan sait pasin man tasol man i ken mekim asua long liklik hap bret. ²² Man husait pasin bilong em i no stret bai tuhat long painim moni na kago, tasol olgeta samting em i kisim bai i lus nating. ²³ Husait man i stretim pasin nogut bilong narapela man bai painim olsem dispela man bai mekim wanbel pasin stret, tasol man yumi krosim em long maus bai i stap birua. ²⁴ Man husait i stil long papa mama bilong em na i tok, "Dispela em i no sin," em ol dispela lain man husait i save bagarapim ol samting. ²⁵ Man husait i save tingim em yet na i no save skelim ol samting gut bai kisim hevi na trabol i kam, tasol husait i bilip long God Yawe bai i kamap gutpela man. ²⁶ Man husait i tingim bel bilong em yet, dispela man em longlong, tasol man husait i gat gutpela tingting em bai i stap longwe long birua. ²⁷ Man husait i sori long ol rabis man bai i no inap long sot long ol samting, tasol husait i pasim ai na givim baksait long ol bai bungim planti hevi. ²⁸ Taim ol man nogut i kamap lida ol manmeri i go hait, tasol taim ol dispela lida i dai ol gutpela pasin i kam ples klia na pulap.