¹ Gutpela tingting bilong Solomon. Pikinini man i gat gutpela tingting i save mekim papa bilong em amamas, tasol pikinini man i nogat gutpela tingting i mekim mama bilong em i wari. ² Ol gutpela samting yu kisim long rot nogut bai i no inap i stap longpela taim, tasol taim yu mekim stretpela pasin bai i mekim yu stap laip. ³ God Yawe i no save larim ol stretpela man i hangre, tasol em i save belhat long ol man i save tingting long mekim pasin nogut. ⁴ Man bilong les long mekim wok bai i sot long kaikai, tasol man bilong hatwok bai i gat planti gutpela samting. ⁵ Pikinini man i gat gutpela tingting i kisim kaikai na bungim long taim bilong san, tasol i no gutpela long em i slip long taim bilong bungim kaikai. ⁶ God i givim present long ol stretpela man, tasol maus bilong ol man nogut i pulap long tok nogut. ⁷ Ol man i tingim pasin bilong stretpela man i save mekim em i amamas, tasol nem bilong ol man i save mekim pasin nogut bai i pinis. ⁸ Ol man i gat gutpela tingting i save harim tok, tasol man bilong toktok planti bai i bagarap. ⁹ Man i wokabaut long gutpela pasin bai i stap gut, tasol man husait i save bihainim rot bilong bagarap, em bai i kamap ples klia. ¹⁰ Man bilong mekim sain long ol man bilong helpim i save kamapim sori, tasol man bilong toktok planti bai i pundaun. ¹¹ Maus bilong stretpela man i olsem wara bilong laip tasol maus bilong man nogut i save kamapim bagarap. ¹² Pasin bilong i no laikim narapela i save kamapim pait, tasol pasin bilong laikim i save karamapim olgeta pasin nogut. ¹³ Gutpela tingting i save kam long maus bilong man i gat gutpela save, tasol ol man i nogat gutpela tingting bai kisim bagarap. ¹⁴ Man i gat gutpela tingting i pulap wantaim save, tasol toktok bilong man nogut i save kamapim bagarap. ¹⁵ Biknem bilong man i gat planti samting em i olsem strongpela banis bilong biktaun na man i nogat planti samting bai i kisim bagarap. ¹⁶ Pei bilong stretpela man em laip i stap gut oltaim oltaim na pei bilong ol man bilong mekim pasin nogut em sin. ¹⁷ I gat rot bilong kisim laip husait man i bihainim pasin bilong harim tok, tasol man husait i no harim tok bai i bagarap. ¹⁸ Husait man i no save laikim narapela man, em man bilong mekim tok giaman na man bilong mekim toktok bilong bagarapim narapela em i olsem man i nogat gutpela tingting. ¹⁹ Taim man i toktok planti sin i save bihainim em, tasol husait man i stap stret em i gutpela man. ²⁰ Maus bilong stretpela man i olsem silva na i nogat gutpela pasin long bel bilong ol man nogut. ²¹ Maus bilong stretpela man i mekim bel bilong panti man i kamap gut, tasol ol man nogut i dai long ol pasin nogut bilong ol. ²² Ol gutpela samting i kam lo God Yawe i gutpela na i no save givim hevi. ²³ Pasin nogut i olsem wanpela pilai bilong ol man nogut, tasol gutpela tingting em i gutpela long man i gat save. ²⁴ Man bilong mekim pasin nogut bai i gat bikpela pret, tasol ol stretpela man bai i kisim samting ol i laikim. ²⁵ Pasin nogut i olsem bikpela win i kam na i go, tasol man bilong mekim stretpela pasin bai i sanap strong. ²⁶ Olsem pait wara long maus na smuk long ai,olsem man bilong les ol i kisim em long mekim wok. ²⁷ Man i gat pret long God Yawe bai i stap longpela taim, tasol man bilong mekim pasin nogut bai i stap sotpela taim. ²⁸ Gutpela pasin bilong ol stretpela man i save mekim ol i amamas, tasol ol man bilong mekim pasin nogut bai i stap sotpela taim. ²⁹ God Yawe i save lukautim ol man i bihainim em, tasol ol man nogut i save bagarap. ³⁰ Na stretpela man bai i no inap bagarap, tasol man bilongi save mekimpasin nogut bai i no inap stap long graun. ³¹ Gutpela tingting i save kam long maus bilong ol stretpela man tasol man bilong sakim tok bai i dai. ³² Maus bilong stretpela man i save wanem samting i gutpela, tasol maus bilong ol man nogut i save long wanem samting i nogut.