12 ¹ Em ol pris na ol livai ol kam antap wantaim Jerubabel pikinini man bilong Sealtiel, wantaim Jesua, Seraia, Jeremaiah, Esra, ² Amaria, Maluk, Hatus, ³ Shekania, Reum na Meremot. ⁴ Name bilong ol em Ido, Gineton, Abija, ⁵ Mijamin, Madia, Bilga, ⁶ Shemaia, Joarip, Jedaia, ⁷ na Salu, Amok, Hilkia na Jedaia. Em ol hetman bilong ol pris na ol wan wok bilong ol long taim bilong Jeshua. ⁸ Ol livai em Jesuana Binui, Kadmiel, Sherebia, Juda na Matania ol i save i go pas long tenk yu singsing wantaim ol wan wok bilong em. ⁹ Bakbukia na Uni, wantaim ol wan wok bilong tupela sa sanap long han kais bilong ol long taim bilong mekim lotu. ¹⁰ Jesua em i papa bilong Joiakim na Joiakim em i papa bilong Eliasib na Eliasib em i papa bilong Joiada ¹¹ na Joiada em i papa bilong Jonatan na Jonatan em papa bilong Jadua. ¹² Long dei bilong Joiakim em ol pris na ol hetman bilong ol famili, Meraia em bikpela brata bilong Seraia na Anaia em i bikpela brata bilong Jeremaiah, ¹³ Na Mesulam em hetman bilong Ezra na Jehohanan em hetman bilong Amaria, ¹⁴ Johnatan em i hetman bilong Maluk na Josep em hetman bilong ol Sebania. ¹⁵ Adna em hetman bilong ol Harim na Helkai em hetman bilong ol Meremot ¹⁶ na Sekaria em hetman bilong Ido na Mesulam em hetman bilong Gineto ¹⁷ na Sikri em hetman bilong Abija na ol pikinini bilong Miniamin. Piltai em hetman bilong Moadia. ¹⁸ Shamua em hetman bilong Bilga na Jehonatan em hetman bilong Shemaia, ¹⁹ Matenai em hetman bilong Joiarib na Usi em hetmen bilong Jedaia, ²⁰ Kalai em hetman bilong Salu na Eber em hetman bilong ol Amok, ²¹ Hasabia em hetman bilong Hilkia na Netanel em hetman bilong Jedaia. ²² Long taim bilong Eliasib, ol Livai Eliasib, Joiada, Johanan na Jadua i bin stap olsem hetman bilong ol famili na pris tu ol i bin stap taim Darius blo Persia em i lukautim dispela hap. ²³ Ol tumbuna pikinini bilong Livai, ol hetman bilong famili, ol i bin raitim nem bilong ol long buk bilong bipo, i kam long taim bilong Joanan pikinini man bilong Eliasib. ²⁴ Ol hetman bilong Livai em Hesabia, Serebia na Jesua pikinini man bilong Kadmiel wantaim wan wok bilong ol, husait i sanap long han kais bilong ol, long litimapim nem na salim tenk yu, ol i sanap long tupla grup long inapim tok i stap long buk bilong Devit, man bilong God. ²⁵ Matania, Bakbukia, Obadia, Mesulam, Talmon na Akub ol i save sanap na lukautim bikpela dua bilong bakstoa. ²⁶ Ol i bin wok long taim bilong Joiakim pikinini man bilong Jesua na Jeshua em i pikinini man bilong Sosadak, long taim Nehemiah i bin gavana na Esra i bin pris na man bilong raitim tok bilong Bikpela. ²⁷ Long taim bilong lotu na givim banis bilong Jerusalem i go long God, ol manmeri painim ol livai long wanem hap ol i stap na kisim ol i kam long Jerusalem long mekim musik, amamas na givim banis i go bek long haus bilong God wantaim amamas,tenk yu na singsing wantaim plet kapa na gita na ol samting bilong mekim musik. ²⁸ Ol man bilong singsing long ol ples i raunim Jerusalem na long ples bilong ol lain Netopa i bung wantaim. ²⁹ Ol i kam long Bet Gilgal na long bikpela ples bilong Geba na Asmavet, ol man bilong singsing i mekim ol haus raunim Jerusalem. ³⁰ Ol pris na Livai i klinim ol yet na bihain ol i klinim ol manmeri na tu ol bikpela dua na ol banis. ³¹ Mi harim ol hetman bilong Juda i go antap long het bilong banis na mi makim tupela bikpela grup bilong singsing na givim tenk yu i go long God. Wanpela grup i go olsem long han sut rot bilong banis long dua bilong rausim pipia. ³² Hosaiah na sampela hetman bilong Juda behainim ol ³³ na behain long dispela lain Asaria, Esra, Mesulam, ³⁴ Juda, Benjamin, Shemaia, Jeremaiah ³⁵ na sampela pikinini man bilong pris i holim biguel, Sekaria pikinini man Jonatan na Jonatan pikinini man bilong Shemaia na Shemaia pikinini man bilong Mataia na Matania pikinini man bilong Saku na pikinini man bilong Asaf. ³⁶ I gat ol famili lain bilong Sekaria , Shemaia, Asarel, Milalai, Gilalai, Mai, Nethanel, Juda na wantaim ol samting bilong mekim musik bilong Devit wok man bilong God. Esra man bilong raitim buk i stap long ai bilong ol. ³⁷ Long stat bilong bikpela dua ol i go antap long dua lata bilong taun bilong Devit. Long dua lata i go long banis antap long ples bilong Devit na i go long dua bilong wara long san i save kam antap long em. ³⁸ Ol narapela man bilong singsing long gutpela nek, singsing na salim tenk yu na go long narapela rot. Mi behainim ol long sait bilong banis wantaim sampela manmeri, antap long Tawa bilong Oven, i go long outside long bikpela banis ³⁹ na antap long bikpela dua bilong Efaim na i go long bikpela dua bilong bipo na long pis dua na Tawa bilong Ananel na Tawa bilong ol 100 i go long dua bilong sipsip na ol sanap long dua bilong ol was man. ⁴⁰ Tupela lain bilong singsing long gutpela nek,singsing na givim tenk yu na kisim ples bilong ol insait long haus bilong God na mi tu kisim ples bilong mi wantaim ol sampela ofisa kam wantaim mi. ⁴¹ Na behain ol pris i kisim ples bilong ol, Eliakim, Manase, Miniamin, Micaia, Elionai, Sekaria na Anania wantaim ol bigul bilong mekim noise ⁴² na tu Masaia, Shemaia, Eleazar, Usi ,Jeoanan, Malkija, Elam, Esa na olgeta man bilong singsing, i singsing na olgeta lain i harim nois bilong ol. Jeraia em hetman i go pas. ⁴³ Ol mekim bikpela ofa na amamas long God long dispela dei na God i mekim ol long amamas wantaim bikpela amamas. Na tu ol meri na pikinini i amamas. Amamas na nois bilong Jerusalem em bikpela stret na ol manmeri i ken harim long we hap ples. ⁴⁴ Long dispela taim ol i makim ol man long was long rum bilong putim samting ol manmeri i kisim kam long en, ol namba wan kaikai bilong garden na wanpela bilong 10 hap bilong olgeta samting ol mas kisim i kam, olsem i stap pinis long lo na em bilong ol pris na Livai. Wanwan ol i makim long wok long ples klostu long taun. Ol Juda save amamas long ol pris na ol Livai husait sa sanap klostu long ol. ⁴⁵ Ol i save mekim wok bilong God na wok bilong rausim asua. Em wok bilong ol man bilong singsing na ol man bilong was long bikpela dua, ol i bihainim tasol olsem wanem Devit na Solomon pikinini bilong em i tok . ⁴⁶ Long bipo tru long taim bilong Devit na Asap, i gat ol hetman i go pas long ol man bilong singsing na ol singim song bilong litimapim na tenk yu i go long God. ⁴⁷ Long taim bilong Serubabel na long taim bilong Nehemaiah, olgeta Israel long wanwan dei ol i save givim kaikai long ol man bilong singsing na ol man bilong was long bikpela dua na ol i putim sampela ol kaikai i stap long sait na em bilong ol Livai na ol Liva i save putim kaikai i stap long sait na em bilong ol tumbuna bilong Aron.