1 ¹ Tok aut long tok bilong God Yawe i go long ol Israel long han bilong Malaci. ² God Yawe i tok, "Mi i bin laikim yupela" tasol yupela i askim gen, "Olsem wanem yu laikim mipela?" "Aiting Iso em i no brata bilong Jekop? God Yawe askim. Tasol mi laikim Jekop, ³ na mi les long Iso. Mi mekim maunten bilong em kamap ples nogut olgeta long ol lain bilong em bai sindaun long en i kamap ples bilong ol wel abus." ⁴ Sapos Edom i tok, "Ol i bagarapim na brukim daun olgeta samting tasol mipela bai wokim gen," God Yawe bilong olgeta bai tok, "Ol i ken wokim gen tasol bai mi brukim i go daun gen. Ol narapela bai kolim ol kantri bilong ol pasin nogut ol manmeri husait God Yawe i mekim tok bilong bagarapim ol oltaim. ⁵ Ai bilong yupela yet bai lukim dispela na yupela bai i tok olsem, God Yawe em i bikpela tumas na i abrusim mak bilong Israel." ⁶ "Pikinini man i save givim biknem long papa bilong em na wokboi i save givim biknem long bosman bilong em na biknem bilong mi i stap wei? Sapos mi bosman, luksave bilong mi stap we? God Yawe bilong olgeta i tokim yupela ol pris husait i save bagarapim nem bilong mi. "Tasol yupela kirap na tok mipela bagarapim nem bilong yu olsem wanem?" ⁷ Yu givim ofa bilong bret i nogut i kam long alta bilong mi na yu tok mi bagarapim yu olsem wanem? Yu tok olsem tebol bilong God Yawe em samting nating. ⁸ Taim yu kisim ai pas abus i kam givim ofa, em pasin nogut a? Na yu kisim abus i no wokabaut gut na i gat sik long givim ofa em i no pasin nogut a? Yu givim i go long gavana bilong yu. Em bai wanbel na kisim ofa bilong yu o em bai apim pes bilong yu? God Yawe bilong olgeta i tok. ⁹ Olrait yu wok long askim long pes bilong God long em bai marimari long yumi. Tasol God Yawe bilong olgeta tok i olsem wantaim dispela kain ofa long han bilong yu, yu ting em bai litimapim pes bilong yu? ¹⁰ I moa gutpela sapos i gat bilong yu husait inap long pasim dua long haus bilong God na yu bai wokim paia nating long alta bilong mi. God Yawe i tok mi i no amamas long yu na mi i no inap wanbel long ofa yu givim long han bilong yu. ¹¹ Long san kamap na i go long san i go daun, nem bilong mi bai i stap bikpela namel long ol kantri na long olgeta ples bai kukim gut pela smel smok na givim mi gutpela na klinpela ofa long nem bilong mi. Mi God Yawe bilong olgeta i tok. ¹² Tasol yu wok long bagarapim na tok olsem dispela tebol bilong Bikpela i bagarap na ol prut na ol kaikai em ol i nogut olgeta. ¹³ Yu save tok, mi les tumas long dispela na yu pulim nus long en'' God Yawe bilong olgeta i tok yu kisim abus, wel abus i bin kilim o abus lek i bagarap o abus i gat sik na yu karim i kam, yu ting mi bai kisim dispela ofa long han bilong yu? God Yawe i tok. ¹⁴ Tru tumas man i save giaman em bai kisim bagarap husat i mekim man abus long ol abus bilong em na promis long givim mi na givim ofa i kam long mi, Bikpela, wanen em dispela "Mi bikpela king, "God Yawe bikpela bilong olgeta i tok," ol bai litimapim nem bilong mi namel long olgeta kantri.