8 ¹ God Yawe tokim Moses olsem, ² "Kisim Aaron wantain ol pikinini man bilong em, ol klos na oil bilong kapsaintim long het, wanpela man bulmakau bilong sin, tupela man meme, na wanpela basket bret nogat yist long em. ³ Bungim olgeta manmeri long dua go insait long haus sel bilong miting." ⁴ Olsem na Moses mekim olsem wanem ol samting God Yawe i bin tokim em long mekim, na ol manmeri kam bung wantaim long dua go insait long haus sel bilong miting ⁵ Nau Moses tokim ol manmeri, "God Yawe i bin tok long ol dispela samting mas kamap" ⁶ Moses kisim Aaron na ol pikinini man bilong em kam na wasim ol long wara. ⁷ Long Aaron Moses passim sotpela laplap na passim longpela hap laplap raunim bel bilong em olsem let, putim longpela klos long em na passim narapela laplap raunim bodi bilong em. ⁸ Em putim hap kapa long karamapim bros bilong em, na insait long dispela hap kapa em putim urim na tummim. ⁹ Em putim longpela laplap na raunim raunim het bilong em, na long pes em putim plet ol i mekim long gol na hat bilong king i Holi. Em bihainim tok God Yawe givim long em. ¹⁰ Moses kisim oil bilong makim ol samting bilong Bikpela na kapsaitim lo ples ol manmeri save lotu long em na antap long olgeta samting stap insait. Em mekim olsem long soim olsem ol i bilong God Yawe wanpela tasol, ¹¹ Em tromowe oil long tebol 7-pela taim na kapsaitim oil antap long alta na ol samting bilong mekim ol ofa na dis bilong wasim han insait na autsait, olsem em ol samting bilong Go na bilong mekim wok bilong Em tasol. ¹² Em kapsaitim sampela oil lo het bilong Aaron long makim em bilong stap wokman bilong God Yawe narakain lo ol arapela manmeri ¹³ Moses kisim ol pikinini man bilong Aaron kam na pasim sotpela laplap long ol. Em pasim longpela hap laplap raunim bel bilong ol na kararmapim waitpela laplap long het bilong ol, bihainin olsem God Yawe i tok. ¹⁴ Moses kisim man bulkmakau i kam long wokim ofa bilong sin, na Aaron na ol pikinini man bilong em ol putim han antap long dispela bulmakau long wokim ofa bilong sin. ¹⁵ Em kilim na i kisim blut long pinga na putim antap long kom bilong alta long mekim i kamap klin, na tu kapsaitim blut long as bilong altal long makim olsem em samting bilong God Yawe tasol ¹⁶ Moses kisim olgeta gris stap insait na pass long ol bel rop, ol gris pass lo leva, na tupela kitni na gris bilong ol na Moses kukim olgeta antap long alta olsem God Yawe i tokim em ¹⁷ Tasol bulmakau, skin bilong em, ol mit bilong em, na ol pekpek bilong em, na em kisim go autsait long kem na em i kukim. ¹⁸ Moses kisim i kam man meme bilong mekim ofa bilong paia, na Aaron na ol pikinini man bilong em olgeta putim han antap lo het bilong dispela meme. ¹⁹ Em kilim na kisim blut bilong em na tromowe blut long olgeta sait bilong alta. ²⁰ Em katim katim dispela meme igo liklik hap hap na kukim het na ol dispela liklik hap na ol gris bilong em. ²¹ Em wasim ol samting bilong insait bilong meme na ol lek wantaim wara, na kukim olgeta bodi bilong meme antap long alta. Em ofa bilong paia i kukim olgeta na kamapim gutpela smoke smel, em ofa we em i mekim long paia igo long God Yawe olsem God Yawe Em yet i tokim Moses, ²² Now Moses kisim narapela man meme i kam, em meme bilong mekim wok bilong tambuim, Aaron na ol pikinini man bilong em olgeta putim han bilong ol antap long het bilong dispela meme. ²³ Aaron kilim dispela man meme na Moses kisim sampela blut na putim long arere long han sut yau bilong em na long bikpela pinga long han sut bilong em na long bikpela pinga long han sut lek bilong em. ²⁴ Em kisim ol pikinini man bilong Aaron kam na putim sampela blut long arare bilong yau bilong ol long han sut bilong ol na long bikpela pinga long han sut bilong ol na long bikpela pinga long han sut lek, Moses tromowe ol blut antap long olgeta sait bilong alta. ²⁵ Em kisim gris, gris bilong tel na ol gris insait long bel i pas long leva na tupela kitni na gris bilong ol na lek long han sut, ²⁶ Em kisim wanpela bret nogat yis long em long basket ol bret nogat yis stap long em long ai bilong God Yawe, na wanpela bret ol i oilim long en na wanpela bisket, na putim olgeta antap long gris na long han sut lek bilong meme. ²⁷ Em putim ol dispela samting long han bilong Aron na long han bilong ol pikinini man bilong em na tromoi han igo ikam na mekim ofa long ai bilong God Yawe. ²⁸ Bihain long dispela Moses kisim ol dispela samting long han bilong ol na putim antap long alta, em ofa bilong tambuim na long kamapim gutpela smel. Em ol ofa kukim long paia i go long Bikpela. ²⁹ Moses kisim bros bilong meme na tromoi long han igo ikam olsem ofa igo long God Yawe. Dispela bros bilong meme ol i givim Moses olsem skel bilong em long tambuim pris, olsem God Yawe i tokim. ³⁰ Moses kisim sampela oil na blut stap antap long alta na em i kapsaitim igo antap long Aaron na tu long klos bilong em, na long ol pikinini man bilong em na long klos bilong ol pikinini man bilong em tu. long dispela rot em traim long skelim Aron wantaim klos bilong em na tu wantaim ol pikinini man bilong em na klos bilong ol pikinini man bilong em tu. ³¹ Olsem na Moses tokim Aaron na ol pikinini man bilong em, ''Yupela go boilim mit long dua go insait long haus sel bilong miting na yupela kaikai mit na ol bret we em i stap insait long basket bilong tambuim ol. Mi tok pinis olsem, Aaron na ol ol pikinini man bilong em bai kaikai' ³² Wanem hap mit na bret yupela ino kaikai na stap yet yupela mas kukim olgeta long paia ³³ Yupela mas noken go autsait long dua bilong haus sel bilong miting insait long 7-pela de. Bihain long dispela 7-pela de Bikpela yet bai makim yupela na klinim yupela 7-day long redim yupela olsem wokman bilong God Yawe ³⁴ Wanem ol samting bin kamap nau. God Yawe yet i tokim long bai em i kamap long mekim wok bilong rausim sin bilong yu. ³⁵ Yupela bai stap long dua bilong haus sel bilong miting long san na nait inap 7-pela de na bai yupela bihainim tok bilong God Yawe, olsem bai yupela i nonap dai, bilong wanem Bikpela i tokim mi. ³⁶ Olsem na Aaron na ol pikinini man bilong em mekim kamap olgeta dispela samting God Yawe tok long en long Moses.