1 ¹ Dispela em i tok bilong God Yawe i kam long Joel pikinini man bilong Petuel. ² Harim gut dispela, yupela ol hetman na ol manmeri i stap long ples graun long hap. I gat wanpela ol kain samting i bin kamap long taim bilong yupela na long taim bilong ol tumbuna bilong yupela? ³ Tokim ol pikinini bilong yupela long dispela, larim ol pikinini bilong yupela i ken tokim pikinini bilong ol na pikinini bilong ol i ken tokim pikinini tumbuna lain bai kam bihain. ⁴ Wanem bikpela namba bilong binatang olsem grasopa i kaikai na lusim, ol bikpela grasopa bai kaikai, wanem ol bikpela grasopa kaikai na lusim, ol grasopa bai kaikai na wanem ol grasopa i kaikai na lusim, ol binatang olsem snek i save i stap long lip bai kaikai. ⁵ Kirap na krai yupela ol spak man. Wari na krai i go yet. yupela ol man bilong dringim wain, bilong wanem switpela wain i pinis long yupela. ⁶ Wanpela kantri i strong tumas na i no i gat planti man i kam long graun bilong mi. Tit bilong en i olsem tit bilong laion na em i gat tit bilong bikpela laion. ⁷ Em mekim gaden wain bilong mi i kamap ples nating na tu rausim olgeta fik diwai bilong mi. Em i rausim ol skin bilong en na tromoi i go longwe, ol han bilong en i kamap waitpela. ⁸ Krai olsem yanpela meri i putim bilakpela klos long yangpela man bilong em i dai. ⁹ Ol ofa bilong kaikai olsem rais na ofa bilong dring i pinis olgeta long haus bilong God Yawe. Ol pris na ol wokman bilong God Yawe i singaut bikpela na krai. ¹⁰ Olgeta hap graun i bagarap nogut tru, ples i pulap long wari na krai, bilong wanem olgeta kaikai olsem rais i bagarap pinis. Ol nupela wain i drai na ol wel i lus pinis. ¹¹ Yupela ol lain bilong planim kaikai na ol wain diwai, yupela i mas sem long kon na rais bilong yupela. long wanem olgeta kaikai bilong gaden long kisim i bagarap pinis. ¹² Olgeta wain i lus na fik diwai i drai pinis, ol pomegrenet diwai, ol pam diwai, ol epol diwai na olgeta diwai bilong graun i lus pinis. Ol hamamas bilong tumbuna pikinini lain bilong man i lus pinis. ¹³ Putim bilakpela klos bilong sori na krai, yupela ol pris! Krai i go yet, yupela ol wokman bilong alta, putim bilakpela klos bilong sori na i stap i go long nait, yupela ol wokman bilong God bilong mi. Ofa bilong kaikai olsem rais na ofa bilong dring yupela i holim bek gen long haus bilong God bilong yupela. ¹⁴ Singaut i go long ol long lusim kaikai na tingim bikpela, singaut i go long ol long kam bung na tingim bikpela. Bungim ol hetman na ol manmeri i stap long dispela hap graun long go long haus bilong God Yawe God bilong yupela, singaut i go long God Yawe. ¹⁵ Sori tru long dispela dei! Dei bilong God Yawe i kam klostu nau. Wantaim dispela bai bikpela bagarap i kam long man em i Strongpela. ¹⁶ Yupela i no luksave olsem ol kaikai i go pinis long ai bilong yumi na ol amamas long haus bilong God bilong yumi? ¹⁷ Ol sid bilong kaikai i stin aninit long graun, haus bilong putim rais ol rausim skin pinis i bagarap na gaden haus bilong putim kaikai i bruk i kam daun, bilong wanem i no gat kaikai olsem rais i stap yet. ¹⁸ Ol animol i pilim pein, ol animol lain bilong bulmakau i kisim bikpela bagarap, bilong wanem i no gat gras bilong kaikai na tu ol animol lain bilong sipsip i kisim bikpela bagarap. ¹⁹ God Yawe, mi krai long yu. Bilong wanem paia i kukim pinis gutpela gras long ples nating, paia i kukim ol diwai long olgeta hap. ²⁰ Ol animol bilong olgeta hap i sot win pinis long yu, bilong wanem ol liklik han wara i drai pinis na paia i kukim olgeta gutpela gras long ples nating.