2 ¹ God Yawe i tokim mi olsem, ² "Go na autim dispela tok long Jerusalem na tokim ol olsem God Yawe i tok, Mi tingim yet dispela kontrak bilong mi wantaim yu we yu bin bihainim gut tru long taim bipo long ples drai we sid kaikai i no save karim. Dispela em laikim bilong yu long mi we yu bin makim long en. ³ God Yawe i makim ol Isreal olsem namba wan kaikai i redi long kisim. God Yawe i tokaut olsem, yupela husait i kaikai long namba wan kaikai bai yupela i gat asua na bagarap bai i kamap long yupela." ⁴ Yupela ol pikinini bilong Jakop long haus lain bilong Isreal, harim dispela tok bilong God Yawe. ⁵ God Yawe i tok, "Mi mekim wanem rong long ol papa bilong yupela na ol i go longwe long mi? Na ol i wok long lotuim ol samting nating na bagarapim ol yet. ⁶ Ol i no mekim wanpela tok olsem dispela God Yawe, em i kisim mipela long Isip i kam i go long ples long Araba we ples i no gat wara na kaikai na ples pulap long tudak, dispela ples i nogat man i stap na raun long en. ⁷ Tasol mi kisim yupela i go long ples Kamel, we yupela i kaikai ol prut na i stap gut, maski ol gutpela samting mi mekim, yupela i mekim doti long graun bilong mi na ol samting bilong mi i kamap stingpela gen. ⁸ Ol pris na saveman bilong lo i no tingting moa long God Yawe. Ol wasman bilong sipsip i mekim sin na birua long mi na ol profet i mekim tok profet long giaman god Bal na laikim ol samting bai i no inap helpim ol. ⁹ God Yawe i tokaut olsem, mi bai sutim tok long yu na ol tumbuna pikinini bilong yupela. ¹⁰ Olsem na yupela bai i go long hap sait long nambis ples bilong ples Kitim na lukluk long salim man bilong karim tok i go aut long ples Keda na painim aut long lukim i gat dispela kain samting i stap tu o nogat. ¹¹ Tru em i no trupela god, ol lain bilong mi i senisim God bilong ol na i givim olgeta gutpela bilong ol i go long olgeta samting bai i no inap helpim ol. ¹² Long dispela as God Yawe i tokaut olsem heven bai guria na ol bai pret na i no inap sindaun gut. ¹³ Ol lain manmeri bilong mi i mekim tupela rong. Ol i givim beksait long mi olsem wara i gat laip na tu ol yet i mekim tenk wara i bruk nabaut na em bai i no inap long holim wara moa. ¹⁴ Olsem wanem na ol Isreal i kamap stil man? Ol i no wokboi nating, ol i kamap long haus bilong bosman. ¹⁵ Ol birua i wankain olsem strongpela laion i singaut long em long mekim planti nois na mekim graun bilong em i bagarap. Biktaun bilong em i bin bagarap na nogat man i stap. ¹⁶ Na tu ol man bilong Memfis na Tapanes bai rausim gras long het bilong yupela. ¹⁷ Yupela i save mekim dispela long yupela yet, taim yupela i givim beksait long God Yawe, long taim em i kisim yupela i kam. ¹⁸ Olsem na bilong wanem yu laik i go long Isip na Asiria long drinkim wara long Sio na wara Yufretis? ¹⁹ Ol sin bilong yupela i stretim yupela na bikhet pasin bilong yupela i mekim save long yupela. Olsem na yupela i mas tingting na luksave olsem dispela em i sin na bai em i givim pain long yupela taim yupela i givim beksait long God Yawe, olsem na mi nogat pret long em- dispela em tok bilong God Yawe bikpela. ²⁰ Olsem mi brukim pinis ol hevi bilong yu we yu i gat long taim bilong ol tumbuna; Mi pulim daun ol samting i save pasim yu tasol, yu less long bihainim mi bilong wanem yu save brukim skru long ol bikpela maunten na aninit long diwai i gat planti lip, yupela i kamap olsem ol pamuk lain. ²¹ Mi planim yu olsem wanpela gutpela diwai wain we sid bilong em i gutpela stret tasol, olsem wanem na nau yu senisim yu yet i go bagarap na lusim gutpela piksa bilong yu. ²² Maski yu klinim yu yet long wara o waswas wantaim sop ol sin bilong yu i stap olsem doti long ai bilong mi- dispela em bikpela God Yawe i tokaut. ²³ Olsem wanem na yu tok olsem mi doti, mi no save bihainim giaman god Bal. Lukim, wanem samting yu mekim long ples daun na tingim wanem samting yu mekim- yu kamap olsem liklik meri kemol i save ran i go na i kam. ²⁴ wanpela wel donki olgeta taim em i save stap long ples drai, taim em i sot win husait tru i ken pasim laik bilong em? Long dispela taim nogat wanpela man donki bai hatwok long painim meri donki long inapim laik bilong em. ²⁵ Yu mas lukautim lek bilong yu long bagarap na nek bilong yu, nogut bai yu angre long wara, tasol yupela i tok mipela i no filim gut, mipela i laikim tumas ol autsait god na i laik bihainim ol. ²⁶ Wankain olsem wanpela stil man em i pilim sem long taim ol i panim aut stil bilong em, dispela em i wankain tasol long ol king, ol hetman na ol pris wantaim ol profet long haus bilong Isreal. ²⁷ Ol i save tokim diwai olsem, yu papa bilong mi na long ol ston olsem yu karim mi. Ol i soim beksait bilong ol na i no soim pes bilong ol. Tasol taim ol i gat trabel long ol, ol i save tokim bikpela olsem kirap na savim mipela. ²⁸ Tasol we i stap ol dispela god we yupela ol lain Juda i save mekim? Larim ol i kirap, sapos ol i gat tingting long savim yupela taim yupela i gat trabel. ²⁹ God Yawe i tokaut long ol na i tok, olsem wanem na yu sutim tok long mi olsem mi gat asua? Yupela olgeta mekim sin na birua long mi. ³⁰ Mi mekim save long ol lain bilong yupela long stretim yupela, tasol ol i no laik senisim pasin bilong ol. Yupela i laik kilim ol profet olsem laion i kilim abus. ³¹ Husait yu bilong dispela ol lain! harim dispela tok bilong mi gut tru, Yupela ting mi ples drai bilong ol Isreal? O ples pulap wantaim tudak? Ol lain bilong mi bai i tok wanem, Larim mipela raun paul nambaut na bai mipela painim hat long kam long yu. ³² Yupela ting ol yanpela meri bai lusim bilas bilong ol na ol meri i maret nau tasol inap long lus tingting long bilas bilong ol? Tasol ol lain bilong mi i lusim tingting long mi long liklik taim tasol, i no winim namba dei. ³³ Wanem kain rot stret bai yu mekim long painim pasin bilong maret. Yu save lainim pasin nogut bilong ol pamuk meri. ³⁴ Dispela ol blut i pas antap long klos, em i soim laip bilong ol rabis man i nogat asua. Ol i no painim aut ol dispela pasin nogut. ³⁵ Tasol yu save tokaut olsem, mi i nogat asua, tru tumas belhat bilong em i lusim mi. Tasol bai mi kotim yupela bilong wanem yupela i tok mi nogat sin. ³⁶ Olsem wanem na yu mekim mi isi long senisim rot bilong yupela? Ol Isip bai bagarapim yupela wankain olsem yupela i stap aninit long ol Asiria. ³⁷ Yupela tu bai i kisim dispela hevi wantaim han antap long het. Dispela em God Yawe i les long ol lain husait i bilip long en, olsem na ol bai i no inap helpim yupela.