1 ¹ Dispela em ol tok bilong Jeremaia pikinini bilongHilkaia, wanpela long ol pris long Anato long graun bilong Benjamin. ² Tok bilong God Yawe i kam long em long ol de bilong Josaiah pikinini man bilong Amon, King bilong Juda, inap 13 yia bilong en. ³ Tu em i kam long ol de bilong Jehoiakim pikinini man bilong Josaia, King bilong Juda, inap 5pela mun long 11 yia bilong Zedekia pikinini man bilong Josaia, King bilong Juda, taim ol i ksim ol manmeri bilong Jerusalem i go na kalabusim ol. ⁴ Tok bilong God Yawe kam long mi , na i tok, ⁵ ''Yu no kamap yet long bel bilong mama, mi makim yu, taim yu kam aut long bel bilong mama mi makim yu,mi wokim yu long kamap profet long ol kantri.'' ⁶ '' Lord God Yawe.'' Mi tok, '' Mi no save long tok tok, mi yangpela tasol.'' ⁷ Tasol God Yawe tok i long mi, ''No ken tok mi yangpela, yu mas go long olgeta hap mi salim yu, yu mas tokaut long wanem mi tokim yu! ⁸ No ken pret long ol, mi stap wantaim yu long lukautim yu God Yawe i tokim em olsem.'' ⁹ Na God Yawe i putim han bilong em kam aut na holim maus bilong mi na i tok, '' Nau mi putim tok long maus bilong yu. ¹⁰ Mi makim yu tude long karamapim kantri na kingdom long kamautim na brukim, bagarapim na tromoi olgeta na wokim na planim.'' ¹¹ Tok bilong God Yawe kam long mi na tok, ''Yu lukim wanem, Jeremaia?'' Mi tok, "Mi lukim han bilong diwai almon.'' ¹² Yawe i tok long mi, ''Yu bin lukim gut, mi lukautim tok bilong mi i mas go aut gut." ¹³ Tok bilong God Yawe kam long mi namba 2 taim na tok, "Yu lukim wanem samting?'' Mi tok, "Mi lukim sospen i hot, antap bilong en i boil na kapsait aut long not.'' ¹⁴ God Yawe i tok long mi, "Hevi bai kam aut long not antap long olgeta husat i stap long dispela graun. ¹⁵ Olsem na mi singautim olgeta lain manmeri long ol kingdom i stap long not, God Yawe i tok aut. Ol bai i kam na olgeta bai redim sia king long dua bilong Jerusalem, banisim olgeta wantaim ol biktaun bilong Juda. ¹⁶ Mi bai tok aut long belhat bilong mi na olgeta nogut ol i mekim long mi na kukim sanda na smel long ol arapela god giaman, lotu long god giaman ol yet i wokim long han. ¹⁷ Redim yu yet ! Sanap na tokim ol wanem samting mi bai tokim yu. No ken luk daun long ol o bai mi brukim yu go nabaut long ai bilong ol! ¹⁸ Harim! Tude mi bin wokim stronpela biktaun long yu ,long ain na bras banis long olgeta graun, pasim ol king bilong Juda wantaim ol ofisa na ol pris na ol manmeri long dispela hap graun. ¹⁹ Ol bai pait wantaim yu, tasol ol bai i no inap winim yu, bai mi stap wantaim yu long helpim yu, dispela em God Yawe i tok,"