1 ¹ Driman bilong Aisaia, pikinini man bilong Amos we em i bin lukim long ol lain Juda na Jerusalem insait long ol taim bilong Usia, Jotam, Ahas na Hesekia, ol king bilong Juda. ² Harim, ol heven na putim yau dispela graun, God Yawe i bin tok. "Mi bin givim gutpela kaikai na kamapim ol pikinini tasol ol i kirap na mekim nogut long mi. ³ Bulmakau i save long man i save lukautim em na donki i save long bokis kaikai bosman i save givim kaikai long em tasol ol Israel i no save na tingim." ⁴ Sore tru, dispela kantri, ol manmeri bliong mekim sin, man i pulap wantaim pasin nogut, ol pikinini bilong ol lain bilong mekim pasin nogut na ol pikinini man husat i save mekim na bihainim ol tingting nogut. Ol i lusim God Yawe, ol i luk daun long Man i Holi tru bilong Israel na ol i rausim ol yet long em. ⁵ Bilong wanem ol i wok long daunim yupela yet? Bilong wanem yupela i mekim nogut long mi moa yet? Olgeta man i sik na bel bilong ol i nogat strong. ⁶ Long aninit bilong lek i go antap long het, i nogat wanpela hap i no bagarap. Ol sua tasol wantaim ol sigirap long bodi bilong ol na sua olsem nau tasol ol i katim i op tru, ol i no bin pasim ol, klinim ol, karamapim ol na putim marasin long ol. ⁷ Kantri bilong yupela i bagarap, paia i kukim ol biktaun bilong yupela na ol hap graun bilong yupela long ai bilong yupela. Ol man bilong narapela ples i bagarapim ol, rausim na larim ol i stap bilong sting na bagarap na ol man bilong narapela ples bai bosim ol. ⁸ Pikinini meri bilong Saion i olsem liklik haus i stap insait long gaden wain na i olsem haus win i stap insait long gaden kukamba olsem wanpela biktaun ol ami i raunim em. ⁹ Sapos God Yawe, papa bilong olgeta samting i no larim ol liklik hap ples i stap yet, bai mipela i kamap olsem Sodom na Gomora. ¹⁰ Harim tok bilong God Yawe, yupela ol man i save bosim Sodom na harim ol lo bilong God bilong mipela, yupela ol manmeri bilong Gomora. ¹¹ "Wanem bikpela namba bilong ol samting yupela i save mekim ofa long mi?" God Yawe i tok. Mi les pinis long ol man sipsip yupela i save kukim olsem ofa, ol fatpela animol tru na blut bilong ol bulmakau, pikinini sipsip o ol meme mi i no save amamas. ¹² Taim yu kamap ples klia long ai bilong mi husat i bin mekim ol dispela samting long yu long pulap tru long ples bung bilong mi. ¹³ Noken bringim ol ofa i nogat as bilong ol i kam long mi, paura bilong givim gutpela smel i save givim smel nogut long mi na bung yupela i save mekim long ol nupela mun na long dei Sabat, mi i no inap tingim ol dispela bung nogut. ¹⁴ Mi i no laikim ol bung yupela i save mekim long ol nupela mun na ol pati yupela i yet makim, ol i givim hevi long mi na mi les long lukim ol i stap. ¹⁵ Na taim yu opim han bilong yu long beten, mi karamapim ai bilong mi long yu, maski yu mekim planti beten, bai mi i no inap harim, bilong wanem blut i pas long han bilong yu. ¹⁶ Waswas, klinim yu yet na rausim olgeta pasin nogut long ai bilong mi, maski long mekim pasin nogut, ¹⁷ lainim long mekim gutpela samting, painim gutpela pasin, noken daunim narapela, mekim gutpela pasin long ol pikinini i nogat papa na helpim ol meri man bilong ol i dai pinis long taim ol i go insait long hevi ." ¹⁸ "Kam nau na larim mipela i stretim toktok wantaim," God Yawe i tok. Maski sin bilong yupela i no pinis gut, ol bai kamap wait tru olsem sno, maski ol i luk olsem tudak tru, ol bai i kamap olsem gras bilong pikinini sipsip. ¹⁹ Sapos yupela i laik harim na bihainim, yupela bai kaikai ol gutpela kaikai bilong dispela graun, ²⁰ tasol sapos yupela i les na mekim pasin nogut, bai yupela i bagarap nogut tru long bainat," em maus bilong God Yawe i tok olsem. ²¹ Olsem wanem biktaun i save harim tok na stap aninit long mi i kamap olsem pamuk meri, em i pulap tru long ol stretpela pasin tasol nau em i pulap tru long ol man bilong kilim man. ²² Silva bilong yupela i kamap doti na wain bilong yupela i gat wara. ²³ Ol pikinini man bilong ol king bilong yupela i man nogut tru na pren bilong ol stilman, olgeta i save laik long mekim wok long moni tasol na kisim moni long olgeta wok ol i mekim. Ol i no save mekim gut long ol pikinini i nogat papa na ol meri man bilong ol i dai pinis long taim ol i bringim ol hevi na wari i kam long ol. ²⁴ Olsem na dispela em Bikpela God Yawe, papa bilong olgeta samting i tok, em Strongpela Man bilong Israel, "Sori tru long ol, bai mi kisim bek ol long han bilong ol birua bilong mi na bai mi yet i pait long ol birua bilong mi, ²⁵ bai mi i no inap mekim nogut long yupela na rausim olgeta sin bilong yupela olsem strongpela marasin. ²⁶ Bai mi pulapim gen ol jas bilong yupela olsem long pas taim na ol kaunsil bilong yupela olsem long bipo tru, bihain long dispela bai ol i kolim yupela olsem bitaun bilong stretpela pasin, taun bilong harim tok na bihainim. ²⁷ Bai mi kisim bek Saion wantaim stretpela kot na ol manmeri bilong en husat i tanim bel long stretpela pasin. ²⁸ Bai mi krungutim ol man nogut na ol sin man aninit long lek bilong mi na mekim wankain long ol lain i givim baksait long mi. ²⁹ "Bai yupela i pilim sem long dispela man i holi tru we yupela i save laikim na yupela bai pilim nogut tru long ol man yupela yet i bin makim. ³⁰ Bai yupela i olsem diwai ol lip bilong en i pinis na olsem ol gaden i nogat wara." ³¹ Strongpela man bai i kamap olsem samting bilong statim paia na wok bilong bilong em i olsem man bilong statim paia, tupela bai i paia wantaim na nogat wanpela man bai kapasaitim kolwara bilong inapim laik bilong tupela.