1 ¹ Dispela em tok profet Habakuk i kisim, ² God Yawe, hamas taim bai mi krai long kisim helpim na yu bai i no inap harim? mi krai i go long yu, kros pait!, tasol yu bai i no inap helpim. ³ Bilong wanem yu mekim mi i lukim planti hevi i kamap na lukluk i go long mekim ol pasin nogut? Na bagarapim ol gutpela pasin na kamapim ol pait paslain long mi na pasin kros i kirap antap. ⁴ Olsem na Lo i no gat strong, na pasin bilong skelim kot i no stap longpela taim, olsem na pasin nogut i karamapim gutpela pasin, olsem na giaman kot tu i go aut. ⁵ Lukim ol kantri na skelim ol. Ol i kirap nogut na ol i pulap long kainkain tingting, long mi tru tru mi tingting long mekim ol samting insait long dei bilong yu na yu bai i no inap bilip olsem ripot i kam long yu. ⁶ Orait lukim ! Mi redi long kirapim ol Babilon bai i kam wantaim bel hat na i save pait strong long ol taun na ol i save wokabaut strong long olgeta hap bilong graun na kisim olgeta samting long haus em i no bilong ol. ⁷ Ol i save bihainim laik bilong ol yet na mekim ol manmeri i pret long ol na ol i no save bihainim wanpela lo. Ol i save bihainim laik bilong ol yet. ⁸ Ol hos bilong ol i save ron hariap wankain olsem ol welpusi, na ol i save ron hariap i winim ol weldok. Olsem na hos bilong ol i save kalap na ol hosman bilong ol i kam long longwe ples tru, Ol i flai olsem ol tarangau pisin i hariap long kaikai. ⁹ Olgeta bai i kam long kamapim ol hevi, ol i planti tumas i go olsem win bilong ples drai na ol i bung na kamap strong na planti olsem wesan bilong nambis. ¹⁰ Olsem na ol i tok bilas na lap long ol king na ol man bilong bosim ol, ol i lap na tok bilas long ol. Na ol i lap long olgeta strongpela banis na ol i bungim graun i go antap na kisim ol. ¹¹ Na win bai i go hariap, em bai i go abrusim ol man i gat asua, ol lain man husait strong bilong ol em god bilong ol." ¹² Ating yu i no bilong longtaim, God Yawe God bilong mi, wanpela stretpela bilong mi, Mipela i no inap i dai. God Yawe i bin givim tok orait long ol man bilong stretim tok na yu, ston, yu kamapim ol long stretim ol. ¹³ Ai bilong yu em i klin tumas long lukluk long ol pasin nogut na yu i no inap long lukluk long ol pasin nogut wantaim gutpela bel na bilong wanem na yu lukluk long ol lain wantaim gutpela bel? Bilong wanem yu stap isi taim ol pasin nogut i daunim ol gutpela pasin i stap? ¹⁴ Yu wokim ol man olsem ol pis i stap long solwara, olsem ol samting i no gat ol bos i lukautim ol. ¹⁵ Em i bringim olgeta i kam antap wantaim huk bilong kisim pis, em i pulim strong ol man i go insait long umben bilong kisim pis, em i bungim ol olgeta insait long umben ol i save pulim na em i save amamas na singaut. ¹⁶ Olsem na nau em i mekim ofa long umben bilong em na paia wantaim paura bilong kamapim gutpela smel i go long ol lain i stap long kalabus, long dispela umben em i stap insait long gutpela sindaun na kaikai bilong em i planti na i stap antap moa yet. ¹⁷ Ating em bai rausim yet ol samting insait long umben bilong em na bai i no inap sori long ol manmeri bilong ol kantri na kilim ol?"