1 ¹ Paul, em i wanpela aposol ino long laik bilong ol man na long wok bilong ol man, tasol long strong bilong Jisas krais na God Papa husait i kirapim em long dai- ² wantaim olgeta brata husait i stap waintaim mi long ol sios i stap long Galasia: ³ Marimari na bel isi bilong God Papa na Jisas Krais i kam long yupela, ⁴ Husait i bin givim em yet long dai long ol pasin nogut bilong mipela long em i ken kisim bek yumi long ol pasin nogut istap nau long dispela graun, long laik bilong God Papa, ⁵ na biknem bai go long em oltaim oltaim. I tru. ⁶ Mi kirap nogut olsem yupela i tanim baksait hariap tru long man husait i bin singautim yupela wantaim marimari bilong kraist. Mi kirap nogut olsem yupela i tanim i go long ol narapela gutnus. ⁷ Mi no tok olsem i gat narapela gutnus i stap, tasol i gat sampela man husait i givim hevi long yupela na i laik senisim gutnus bilong Krais. ⁸ Tasol sapos mipela, o wanpela ensel bilong heven i laik tokaut long arapela gutnus ino wankain olsem miplea i save autim long yupela, orait dispela man i ken bagarap. ⁹ Long bipo, mipela i bin tokim yupela pinis, na nau mi tok gen long yupela, "Supos sampela man i autim gutnus i no wankain olsem gutnus yupela i bin kisim pinis long en, orait dispela man i ken bagarap." ¹⁰ Tasol nau mi painim laik bilong ol man o bilong God? O mi painim rot bilong hamamasim ol man? Sapos mi wok long painim rot yet long hamamasim ol man, mi no stap wokboi bliong Krais. ¹¹ Long wanem mi laik bai yupela i save, ol brata gutnus mi autim long yupela em i no gutnus bilong wanpela man. ¹² Mi no bin kisim dispela gutnus long wanpela man, o wanpela man i bin skulim mi. Tasol Jisas Krais i bin soim long mi. ¹³ Yupla i bin harim pinis stori bilong mi bipo mi bin bihanim pasin lotu bilong ol Judia. Mi bin givim hevi long sios bilong God abrusim mak na i bin traim long bagarapim. ¹⁴ Mi bin i gat bikpela save long pasin bilong lotu bilong ol Juda abrusim ol wanlain bilong mi namel long ol lain man meri bilong mi yet. Mi bin tingting long ol lotu pasin bilong ol papa lain na mi bin jeles moa. ¹⁵ Tasol taim God, husait i bin putim mi insait long bel bilong mama bilong mi, dispela God tasol i bin singautim mi long rot bilong marimari bilong em, ¹⁶ na em i hamamas long soim pikinini bilong em long mi long mi ken autim nem bilong em namel long ol haiden manmeri, na mi no bin hariap tru long kisim tingting long ol man bilong dispela graun. ¹⁷ Mi no bin go antap long Jerusalem long husait ol bin kamap aposol paslain long mi. Tasol mi bin go long Arabia na bihain mi go bek long Damaskas. ¹⁸ Behind long 3 -pela chrismas mi bin go antap long Jerusalem long lukim Sifas na mi bin stap wantim em long 15 -pela dei. ¹⁹ Mi no bin lukim wanpela bilong ol aposol . Mi lukim Jems em brata bilong Bikpela tasol. ²⁰ Long dispela pas mi rait i kam long yupela, na mi tok strong long yupela long ai bilong God olsem, mi no tok kiaman. ²¹ Na bihain mi go long ol hap ples bilong Siria na Silisia. ²² Ol sios bilong Judia insait long Krais i no bin save yet long mi husait. ²³ Ol ibin harim tasol olsem, "Man husait bipo i bin givim hevi long sios bilong God nau i autim tok long dispela tok bilong bilip bipo mi bin traim long bagarapim." ²⁴ Na ol i litimapim nem bilong God long wanem pasin mi mekim.