2 ¹ Na bihain long 14 krismas, mi go bek antap long Jerusalem wantaim Banabas, na kisimTaitus i go wantaim mi. ² Mi bin go antap long Jerusalem, long wanem, mi kisim wanpela tokhait na mi tokaut long gutnius long ol we mi bin autim namel long ol arapela manmeri. Mi toktok hait tasol long ol het man, long soim ol olsem, mi no ran nating. ³ Tasol Taitus em i wanpela Grik, husait i bin stap wantaim mi na ol ino bin tok strong long em i ken katim skin. ⁴ Ol giaman brata i kam hait tasol long lukstil long mipela i gat dipela pasin bilong stap fri insiat long Kraist Jisas. Ol i tingting long mekim mipela i wok kalabus, ⁵ tasoI i no gat wanpela taim mipela i bin daunim mipela yet na stap aninit long ol, long mekim dispela tok tru bilong gutnius i stap yet wantaim yupela. ⁶ Tasol husait ol man mi bin ting ol i nambawan (Maski ol i wanem kain man, God i no save mekim pasin bilong wansait) em ol lain husait mi bin tok olsem ol i bikman,ol i no bin mekim wanpela samting long mi. ⁷ Long narapela sait, ol i lukim olsem God i bin givim mi wok long autim gutnius long ol lain i no bin katim skin bilong ol wankain olsem, God i bin givim wok long Pita long autim gutnius long ol man i bin katim skin. ⁸ God em husait i bin wok insait long Pita long wok olsem aposel long ol lain i katim skin bilong ol. Em dispela God tasol i wok long mi tu long wok aposel long ol arapela manmeri. ⁹ Taim Jems, Sifas na Jon, husait ol manmeri i luksave olsem ol i bin kirapim sios, i luksave long marimari God i bin givim long mi, na ol i givim namba long mitupela Banabas long mekim wok bilong lotu. Ol i mekim olsem long mitupela i ken go long ol ararpela manmeri, na bai ol yet i ken go long ol lain husait i bin katim skin. ¹⁰ Ol i askim tasol long mipela i mas tingim ol turangu, em dispela samting tasol mi bin igat laik long mekim. ¹¹ Tasol taim Sifas i kam long Antiok, mi kros long em long pes bilong en, long wanem, ol i tok olsem em i bin asua. ¹² Pastaim sampela man i no bin kam yet long Jems, Sifas i bin kaikai wantaim ol arapela man ol ino Juda.Tasol taim ol dispela man i kam, em i stop na i stap longwe long ol arapela man ol ino Juda. Em i pret long ol dispela man husait i tok strong long pasin bilong katim skin. ¹³ Na ol narapela Juda tu i bihainim dispela giaman tingting. Na Banabas tu abrusim rot long pasin bilong bihainim dispela giaman tingting bilong ol. ¹⁴ Tasol taim mi lukim olsem pasin bilong ol i no bihainim tok tru bilong gutnius, mi tokim Sifas long pes bilong olgeta man olsem, "Sapos yu wanpela man Juda, tasol sapos yu no stap olsem man Juda, olsem wanem bai yu tok strong long ol man ino Juda long ol i ken stap olsem ol Juda?" ¹⁵ Mama i karim mipela, na mipela yet i stap olsem man bilong Juda, na mipela i no sin man olsem ol arapela man husait ino bilong Juda; ¹⁶ tasol mipela i save olsem, nogat man bai i kamap stretpela long ol wok bilong lo, tasol long rot bilong bilip insait long Kraist Jisas. Mipela tu i bilip long Krais Jisas long mipela i ken i kamap stretpela man insait long Kraist Jisas long rot bilong bilip na i no long wok bilong lo. Long wok bilong lo, nogat man bai i kamap stretpela. ¹⁷ Tasol sapos taim yumi painim rot long kamap strepela man insait long Kraist, yumi tu i bin stap olsem ol sin man, na yupela i ting Kraist i strongim pasin bilng mekim sin, a? Nogat tru! ¹⁸ Sapos mi kirapim gen ol samting mi bin bagarapim pinis, orait mi kamap olsem man bilong brukim lo. ¹⁹ Long rot bilong bihainim Lo, mi stap olsem man i dai pinis na long dispela rot mi ken i stap laip insait long God. ²⁰ Ol i hangamapim mi wantaim Kraist long diwai kros, na mi no stap laip moa, tasol Kraist i stap laip insait long mi. Laip nau mi stap long dispela bodi, em mi stap laip long pasin bilong bilip insait long pikinini bilong God, husait i laikim mi na i givim em yet long baim bek mi. ²¹ Mi no putim marimari bilong God long sait, tasol sapos mi kisim stretpela pasin long rot bilong bihainim lo, orait, Kraist em i dai nating.