¹ Long 25-pela yia long taim mipela i stap yet long kalabus, long stat bilong yia long namba 10 dei bilong mun, insait long 14 pela yia bihain long bikpela taun ol i kisim, long wankain dei, God Yawe i kam long mi na i kisim mi i go long hap. ² Long driman, God i kisim mi i go long graun bilong Israel. Em i kisim mi i go long malolo antap long wanpela bikpela mauten, long hap bilong saut i gat ol bikpela ol haus bilong bik taun i stap. ³ Na bihain em i kisim mi i go long hap. Lukim, wanpela man! bodi bilong em i luk olsem wanpela bras ston. Wanpela strongpela rop bilong makim skel na stik bilong makim skel i stap wantaim em long han bilong en na em i sanap long bikpela dua bilong biktaun. ⁴ Dispela man i tokim mi olsem, "Pikinini bilong man, lukim long ai bilong yu na harim long iau bilong yu na putim tingting bilong yu long olgeta samting mi bai soim yu long en, olsem mi bin kisim yu i kam long hia na bai mi soim olgeta samting long yu. Bai yu inap lukim na tokim olgeta samting yu i lukim long en long ol lain manmeri bilong Israel." ⁵ I gat wanpela bikpela banis i raunim dispela tempel. Longpela bilong dispela stik bilong skel i olsem 3 mita. Wanwan sais bilong en i olsem 47 sentimita olsem sais bilong olim long han. Olsem na em i makim banis, skel bilong en i olsem wanpela stik bilong makim. ⁶ Na bihain em i go long dua bilong tempel i stap long hap sait bilong san kamap. Em i wakabaut i go antap long liklik haus bilong dua na makim na mak bilong em i olsem 2 mita. ⁷ Ol rum bilong wasman i save was i olsem, 3 mita long longpela hap na i gat 3 mita long sotpela hap bilong en, na 2 mita long namel bilong tupela rum. Long banis bilong dua bilong tempel bilong go insait, bikpela pos bilong strongim dua i olsem 3 mita i go daun. ⁸ Em i makim pos bilong dua na long pela bilong em i olsem 3 mita. ⁹ Na em i makim pos bilong dua. Longpela hap bilong em i go daun i olsem 3 mita na sotpela hap bilong en i olsem 1 mita. Dispela em i pos i stap klostu long tempel. ¹⁰ I gat tripela rum bilong ol wasman i save was i stap long dua i stap long hap sait bilong san kamap na olgeta tripela yet i gat wankain sais bilong ol na ol banis i skelim ol, i gat wankain sais bilong ol. ¹¹ Bihain dispela man i makim sotpela hap bilong bikpela dua bilong go insait na em i makim longpela bilong en, i olsem 7 mita. ¹² Em i makim banis i stap namel long rum i olsem 2 mita. Ol rum em i makim i olsem 3 mita long wanwan sait bilong en. ¹³ Na em i makim bikpela dua bilong go insait, stat long het bilong rum go long narapela rum, mak bilong en i kamap olsem 14 mita. ¹⁴ Na bihain em i makim banis i stap olsem long rum ol wasman i save was long en, longpela bilong en i olsem 32 mita na em i makim tu pos bilong dua. ¹⁵ Long stat bilong dua i go inap long arere bilong pos i stap long dua i olsem 27 mita. ¹⁶ I gat ol windua ol i bin pasim i stap long ol rum na hap bilong kisim win insait long ol wanwan dua bilong go insait na wankain tu long liklik haus i stap autsait. I gat windua i stap long olgeta sait bilong en, longpela bilong en ol i bilasim long lip bilong pam diwai. ¹⁷ Na bihain dispela man i kisim mi i go long autsait bilong dispela bikpela haus tempel. Lukim! i gat ol rum na i gat ston ol i mekim olsem bet i stap insait long banis na 30 pela rum i stap klostu long dispela hap ol i mekim long ston. ¹⁸ Dispela ston ol i mekim olsem bet, i go antap long sait bilong dua na sotpela bilong en i wankain olsem longpela bilong ol dau. Dispela em daunbilo bilong dispela rot ol i mekim long ston. ¹⁹ Na bihain dispela man i makim hap bilong dua i stap long pes i go inap long dua i stap insait, mak bilong en i olsem 54 mita long hap san kamap na wankain tu long dua i stap long hap not. ²⁰ Na bihain em i makim longpela na sotpela bilong dua bilong haus i stap long not sait bilong banis i stap outsait. ²¹ I gat tripela rum bilong wasman i stap long sait bilong dua na ol pos bilong dua, mak bilong ol i wankain olsem bikpela dua i stap paslain olsem 27 mita long longpela bilong en na 14 mita long sotpela bilong en. ²² Ol windua bilong en, pos bilong en, ol rum i stap insait na ol pam diwai i stap klostu long dua. Mak bilong ol i wankain olsem dua i stap long hap san kamap na seven pela taim i go antap long pos bilong en. ²³ I gat dua i stap long insait banis i stap olsem long not, wankain olsem i stap long hap san kamap, dispela man i makim wanpela dua i go kamap long narapela dua, mak bilong en i olsem 54 mita olgeta. ²⁴ Bihain dispela man i kisim mi i go long bikpela dua i stap long hap saut na ol pos na banis bilong en, mak bilong ol i wankain olsem bikpela dua i stap autsait. ²⁵ I gat ol windua i bin pasim i stap long dua na pos bilong en i stap long dua tasol. Dispela dua i stap long saut na pos bilong en mak bilong en i olsem 27 mita longpela hap na 14 mita long sotpela hap bilong en. ²⁶ Long seven pela taim bai yu go antap long dua na pos na i gat ol pam diwai ol i katim na mekim olsem bilas i stap long banis, i stap long tupela sait bilong banis i go insait. ²⁷ I gat dua i stap long insait banis long sait bilong saut na dispela man i stat long makim mak long dua i go long dua i stap long saut bilong go insait, mak bilong en i olsem, 54 mita. ²⁸ Na bihain dispela man i kisim mi go insait long tempel long rot bilong dua i stap long saut, mak bilong en i wankain olsem ol narapela ol dua. ²⁹ Ol rum bilong en, ol banis i raunim na ol pos i stap, mak bilong ol i wankain olsem long ol arapela dua, i gat ol windua i stap long hap bilong go insait we ol pos i sanap long en. Dua i stap insait wantaim pos i strongim dua i olsem 27 mita longpela na 14 mita long sotpela sait bilong en. ³⁰ I gat ol pos i raunim olgeta hap insait long tempel, mak bilong ol i olsem 14 mita longpela na 3 mita long sotpela hap bilong en. ³¹ Dispela pos i stap klostu long autsait banis bilong tempel i stap wantaim pam diwai ol i katim bilong mekim bilas na 8 pela taim bai i go antap long en. ³² Na bihain dispela man i kisim mi i go long insait banis i stap insait long hap san kamap na makim dua na mak bilong en i wankain olsem ol araplea dua. ³³ Ol rum bilong en, ol banis na ol pos, mak bilong ol i wankain olsem ol arapela dua na i gat ol windua i raunim. Dua na pos i stap insait, mak bilong en i olsem 27 mita longpela na 14 mita long sotpela sait bilong en. ³⁴ Ol pos i stap klostu long autsait banis i gat ol diwai i stap long tupela saitsait bilong en na 8 pela leta bilong go antap long en. ³⁵ Bihain dispela man i kisim mi i go long dua i stap long hap not na makim, mak bilong em i wankain olsem ol arapela dua. ³⁶ Ol rum bilong en, ol banis na ol pos, mak bilong ol i wankain olsem ol arapela dua na i gat ol windua i raunim. Dua na pos mak bilong en i olsem 27 mita longpela hap na 14 mita long sotpela hap bilong en. ³⁷ Ol pos i stap klostu long autsait banis, i gat pam diwai i stap long tupela sait bilonng en na 8 pela leta bai ol i go antap long en. ³⁸ I gat rum wantaim dua long wanwan dua i stap insait. Dispela em hap ol i save wasim ol ofa bilong paia i kukim olgeta. ³⁹ I gat tupela tebol long tupela sait bilong pos, ples ol i save kilim abus bilong mekim ofa bilong paia i kukim olgeta, na tu ofa bilong rausim sin na ofa bilong tok sori long pasin nogut bilong ol. ⁴⁰ Long sait bilong banis , i go antap long dua i stap long not , i gat tupela tebol. Wankain long narapela sait tu i gat tupela tebol long saitsait pos bilong dua. ⁴¹ I gat 4 pela tebol long tupela sait bilong dua, ol i save kilim ol abus antap long namba 8 tebol. ⁴² I gat 4 pela tebol ol i mekim long ston bilong givim ofa bilong paia i kukim olgeta, skel bilong en i olsem 1 mita long sotpela na 2 mita long, longpela hap bilong en. Antap long en ol i save putim ol samting bilong kilim ol abus bilong mekim ofa bilong paia i kukim olgeta. ⁴³ Tupela huk i stap long hap, mak bilong ol i olsem 8 sentimita i hangamap raunim dispela pos na ol mit bilong mekim ofa bai ol i putim antap long ol dispela tebol. ⁴⁴ Long autsait bilong dua namel long insait banis, rum bilong ol man bilong singim song, i stap long not i go olsem long saut na narapela i stap long saut i go olsem long not. ⁴⁵ Na bihain dispela man i tokim mi olsem, "Dispela rum i stap olsem long saut, em i bilong pris husat i save wok long tempol. ⁴⁶ Rum i stap olsem long not, em i bilong pris i save wok long alta. Dispela em ol pikinini man bilong Sadok husait i save go klostu long God Yawe na mekim wok bilong en ol i stap namel long ol piknini man bilong Livai." ⁴⁷ Na bihain em i makim banis insait, mak bilong en i olsem 54 mita longpela hap na 54 mita long sotpela hap bilong en na alta i stap klostu long haus. ⁴⁸ Na bihain dispela man i kisim mi i go long pos i save strongim haus na makim ol pos bilong dua, mak bilong en i olsem 3 mita long tupela sait bilong en. Long rot bilong go insait, mak bilong en i olsem 8 mita long sotpela hap na banis i stap long tupela sait i olsem 2 mita long sotpela sait bilong en. ⁴⁹ Longpela bilong dispela pos i olsem 11 mita i go daun na bikpela bilong en i olsem 6 mita. I gat ples bilong wokabaut i go antap na ol pos i sanap long tupela sait bilong en.