4 ¹ ''Tasol yu, pikinini man bilong man, kisim simen na putim klostu long yu, orait katim na mekim biktaun bilong Jerusalem long en. ² Orait putim go daun ol man bilong pait long en na mekim hap bilong ol man bilong pait bai i stap long en. Mekim mak long namel, mekim ol selhaus klostu na mekim mak bilong pait. ³ Orait yu mas kisim ain kontena na mekim olsem ain banis namel long yu na biktaun, putim pes bilong yu i go long dispela hap bilong wonem bikpela bagarap bai i kamap long ol. Dispela bai i soim sain long ol lain manmeri bilong Israel. ⁴ Orait slip long han kais bilong yu na putim sin bilong ol lain manmeri bilong Israel long en. Yu bai karim sin bilong ol long sampela dei taim yu slip go daun pas wantaim ol lain manmeri bilong Israel. ⁵ Mi yet mi makim yu long mekim dispela wok, wanpela de long makim wanwan yia long mekim save long ol. 390 dei, long dispela rot, yu bai karim sin bilong ol lain manmeri bilong Israel. ⁶ Taim yu pinisim ol dispela dei, orait slip go daun namba tu taim long han sut bilong yu, bilong wonem yu bai karim sin bilong ol lain manmeri bilong Juda long 40 yia. mi makim yu long mekim dispela wok, wanpela dei long wanwan yia. ⁷ Putim pes bilong yu i go long Jerusalem we bikpela bagarap i kamap na yu noken karamapim han bilong yu tasol tokaut long wonem bai i kamap. ⁸ Stap redi, mi bai putim banis raunim yu na yu no inap tanim i go long saitsait inap yu pinisim olgeta dei bilong bikpela bagarap i kamap long yu. ⁹ Yu mas kisim wit plawa, bali, bin, lentil, millet na spelt. Putim ol insait long wanpela kontena na mekim bret bilong inap long mak bilong ol dei yu bai slip long sait. Yu bai kaikai inap long 390 dei. ¹⁰ Kaikai yu bai kaikai long en bai skel bilong en i olsem 200 grem long wanwan dei na yu bai kaikai long taim mi makim long en long wanwan dei. ¹¹ Orait yu bai dring 23 lita wara long taim mi makim long en. ¹² Yu bai kaikai olsem wit bret, tasol yu bai kukim long stronpela pekpek bilong ol man long namel long ol taim ol i lukluk i stap. ¹³ God Yawe i tok, ''as tingting bilong dispela i olsem ol manmeri bilong Isrel bai kaikai bret i doti, namel long ol arapela kantri mi bai rausim ol.'' ¹⁴ Tasol mi tok, ''no, God Yawe. Mi no bin mekim wanpela samting i doti, mi no bin kaikai wanpela samting i bin dai pinis o ol samting ol animol i kilim long en, long taim mi yangpela man i kam inap nau na ol sampela abus nogut i no go insait long maus bilong mi.'' ¹⁵ Orait em i tokim mi olsem, lukim mi givim yu pekpek bilong bulmakau na i no pekpek bilong man long yu i ken kukim bret bilong yu. ¹⁶ Na tu em i tokim mi olsem, ''pikinini man bilong man, harim mi bai i no inap givim bret i go long Jerusalem na ol bai i gat liklik hap bret wantaim wara na dring liklik wara wantaim pret. ¹⁷ Bilong wonem ol bai nogat inap bret na wara, olgeta man bai i stap long bikpela pret long brata bilong em yet na bai i dai long pasin nogut bilong ol.''