5 ¹ Bihain long tripela dei i go pinis, Esta i werim klos bilong kwin na em i go long sanap long ples bung bilong haus king long pes bilong king. Na king i sindaun i stap long sia king long dispela haus na i lukluk i go long rot ol i save kam. ² Taim king i lukim Esta dispela kwin husait i sanap long ples bung bilong haus king orait king i amamas long lukim Esta. King i holim stik long han bilong em na i makim i go long em. Olsem na Esta i go long em na i holim hap bilong stik gol bilong king. ³ Orait king i tokim em, ''Kwin Esta, yu laikim wanem? Yu laik askim mi long wanpela samting? hap bilong kindom bilong mi, em bai mi givim i go long yu.'' ⁴ Esta i tok, '' king sapos em orait long yu, kisim Haman wantaim na i kam tude long wanpela bung kaikai mi laik redim bilong em.'' ⁵ Orait king i tok, ''Kisim Haman i kam hariap, long mekim wanem samting Esta i tok long em.'' Olsem na king wantaim Haman i go long dispela bung kaikai Esta i bin redim. ⁶ Taim ol i dring wain long dispela kaikai, king i tokim Esta, ''Yu laikim wanem samting na yu askim mi? Mi bai givim yu. sapos yu askim mi long olgeta samting mi lukautim, bai mi brukim long namel na givim i go long yu.'' ⁷ Esta i bekim, ''Askim na wari bilong mi em i olsem, ⁸ sapos yu lukim mi na amamas long mi orait yu mekim wanem mi askim yu long en, yu kisim Haman wantaim na kam long bung kaikai bilong yu mi bai redim long tumora na bai mi bekim askim bilong king.'' ⁹ Haman i go aut long dispela dei wantaim amamas long bel bilong em. Tasol taim Haman i lukim Modekai long dua bilong haus king, olsem Modekai i no laik sanap o brukim skru na em i no pret, olsem na em i belhat nogut tru long Modekai. ¹⁰ Maski Haman i daunim belhat bilong em na i go long haus bilong em. Em i singautim ol wanlain bilong em i kam bung wantaim meri bilong em sires. ¹¹ Haman i tokim ol long ol planti samting em i gat, namba bilong ol pikinini bilong em, ol biknem na namba king i givim em na tokim ol olsem em i antap long ol arapela opisa na ol wokman bilong king. ¹² Haman i tok, ''Kwin Esta i no singautim ol arapela man tasol mi long go wantaim king long kaikai em i redim. Maski long tumora tu bai mi sindaun klostu long em wantaim king gen. ¹³ Tasol mi no pilim amamas long ol dispela samting taim mi lukim Modekai dispela Juda i save sindaun long dua bilong haus king.'' ¹⁴ Orait Seres meri bilong em i tokim Haman wantaim ol wanlain bilong em, ''Larim ol i ken planim longpela pos inap 23 mita longpela bilong en i go antap. Long moning taim tokim king long ol i ken hangamapim Modekai long dispela longpela pos.Orait bihain yu go amamas wantaim king long dispela bung kaikai. ''Haman i amamas long dispela tok na i kirapim ol man long mekim dispela wok.