4 ¹ Taim Modekai i painim olgeta samting i bin kamap, em i brukim klos bilong em na em i putim bruk laplap na rapim sit bilong paia. Em i go insait namel long biktaun na em i krai bikmaus na i singaut strong. ² Em i go antap inap long haus dua bilong haus King, long wanem ol i save larim wanpela bai i putim bruk laplap klos na go insait. ³ Insait long olgeta Provins, long ol ples toksave bilong king i go aut, na bikpela krai i kamap namel long ol Juda, wantaim dispela ol i lusim kaikai na prea sori na wari. Planti bilong ol i putim laplap i bruk na sit bilong paia. ⁴ Taim ol yangpela wokmeri bilong Esta na ol wokman i kam tokim em, kwin i bel hevi nogut tru. Em i salim ol klos bilong Modekai bai werim ( em mas senisim dispela bruk laplap ), tasol em i no kisim ol displa. ⁵ Orait Esta i singautim Hatak, wanpela ofisa bilong king husait em i makim bilong helpim em. Em i salim em i go long Modekai long save wanem samting i kamap na em i minim wanem. ⁶ Orait Hatak i go long Modekai long rot bilong biktaun long haus dua bilong king. ⁷ Modekai i stori long olgeta samting i bin kamap long em, na olgeta silva Haman i bin promis long skelim aut na putim insait long mani bilong king inap olgeta Juda i mas dai. ⁸ Na tu em i givim tok orait pas bilong king long bagarapim ol Juda long ples Susa. Em i mekim olsem inap Hatak i mas soim em long Esta na dispela em bai givim wok bilong go long king long sapotim em na sori wantaim em long makim ol manmeri bilong em. ⁹ Orait Hatak i go na tokim Esta long ol toktok Modekai i bin tokim em. ¹⁰ Orait Esta i tokim hatak long go bek long Modekai. ¹¹ Em i tok, ''Olgeta wokman bilong king na ol manmeri insait long provins bilong king i save olsem sapos wanpela man o meri go insait long rum bilong king i nogat tok save, i gat wanpela lo tasol; Ol i mas kilim em i dai_inap sapos wanpela usait i holim gol stik bilong king em bai i stap laip. Ol i no bin singautim mi kam long king insait long dispela 30 de.'' ¹² Olsem na Hatak i stori long olgeta tok bilong Esta long Modekai. ¹³ Modekai i salim dipela tok i go bek; ''Yu no ken ting olsem insait long haus bilong king, yu bai ranawe olsem ol arapela Juda. ¹⁴ Sapos yu stap isi olsem long dispela taim, helpim bilong ol Juda bai i kamap long ol arapela ples, tasol yu na ol lain bilong papa bilong yu bai pinis. Husait i save yu kam na yu gat dispela nem long kain taim olsem?'' ¹⁵ Orait Esta i salim dispela tok i go long Modekai ¹⁶ Yu go, bungim olgeta Juda husait i stap insait long Susa, na lusim kaikai long mi. Yupela i no ken kaikai na dring long 3pela de, de na nait. Mi wantaim ol yangpela wokmeri bilong mi wantaim bai i no inap kaikai wankain olsem yupela. Orait mi bai i go long king, maski mi brukim lo, na sapos mi dai, mi dai.'' ¹⁷ Modekai i go na i mekim olsem Esta i bin tokim em long mekim.