1 ¹ Mi Pol, na aposel bilong Kraist Jisas long laik bilong God, na mi raitim i go long ol stretpela manmeri bilong Efesas,long husait ol lain i bilip na sanap strong insait long Kraist Jisas. ² Marimari na bel isi bilong God Papa bilong yumi na Jisas Kraist, Bikpela bilong yumi i ken stap wantaim yupela. ³ Yumi litimapim nem bilong God, em Papa bilong Bikpela bilong yumi Jisas Kraist,Em husait i bin givim yumi olgeta gutpela blesing bilong spirit Bilong heven insait long Krais. ⁴ God i bin makim yumi pinis insait long Kraist, taim graun i no kamap yet, bilong yumi i ken stap holi na i no gat asua long ai bilong em. ⁵ God i bin laikim yumi,na i tingim pinis  pastaim insait long Jisas Kraist long mekim yumi i kamap pikinini bilong em long laik na long gutpela tingting em i bin i gat long mekim. ⁶ Long dispela as yumi litimapim nem bilong God long marimari na gutpela pasin em i mekim long yumi long Jisas Kraist pikinini em i laikim . ⁷ Insait long Jisas Kraist, long blut bilong em God i bin baim bek yumi na i klinim ol sin bilong yum,em i mekim olsem long wanem, marimari bilong em i pulap tru. ⁸ Em i kapsaitim dispela marimari bilong em antap long yumi wantaim olgeta gutpela save tingting. ⁹ God i mekim i kamap ples klia long yumi hait tingting i stap long em, wanem em i gutpela long em, na soim antap long wok Jisas i mekim long diwai kros. ¹⁰ em i tingim pinis wanem taim em i makim pinis long bungim olgeta samting, em ol samting i stap long heven na long graun,na bai krais i ken istap  het bilong ol. ¹¹ God i makim yumi pinis bipo,na i bungim yumi wantaim Krais,wanem em i ting i orait long em,na i mekim ol samting long laik na tingting bilong em. ¹²  God i mekim olsem long Jisas, long  kamap namba wan lain husat i bilip long Jisas,na bai God i ken kisim biknem na glori . ¹³ Taim yupela i harim tok tru, em dispela gutnius bilong Kraist i kisim bek yupela. Yupela i bilip long Krais na em i makim yupela pinis wantaim Holi Spirit, em i bin tok long givim yupela, ¹⁴ Holi Spirit em i mak i soim olsem yumi bai i kisim ol samting God i bin promis.Em i bikpela samting long litimapim nem bilong em. ¹⁵ Long dispela as tasol taim mi harim tok long bilip bilong yupela long Bikpela Jisas na pasin bilong laikim bilong yupela long ol stretpela manmeri bilong God, ¹⁶ mi no bin malolo long beten na tok tenkyu long God long yupela, taim mi save beten long yupela. ¹⁷ Mi beten long God olsem long Bikpela bilong yumi Jisas Kraist, dispela Papa i stap long bikpela lait bilong em,em i ken givim yupela spirit bilong gutpela tingting na save long wanem em i bin kamapim long yupela. ¹⁸ Mi beten olsem spirit ai bilong yupela i ken op, na yupela i ken save olsem,wanem kain ol gutpela samting ol bai i kisim, em ol manmeri husat em i makim bilong em yet. ¹⁹ Mi save beten olsem long yupela i ken save long bikpela pawa bilong em i save wok long mipela husait i save bilip long em , dispela i bihainim wanem bikpela pawa i stap long em. ²⁰ Dispela wankain pawa tasol God i bin mekim long kirapim Jisas long dai na sindaunim em long hansut bilong Papa bilong em long heven. ²¹ Em i putim Kraist i go antap tru long ol arapela hetman na ol man i gat namba na ol samting i gat pawa na strong na i stap antap tru long lukautim ol samting i gat nem. Kraist bai i stap hetman bilong olgeta samting long nau na bihain tu. ²² God i putim olgeta samting aninit long lek bilong Kraist na mekim em i stap het bilong Sios long olgeta hap. ²³ Olsem na sios em i bodi bilong Kraist, na em i pulap long sios bilong em long olgeta hap wantaim pawa bilong em.