2 ¹ Bipo yupela i bin i stap long ol pasin nogut bilong sin na yupela i stap olsem man i dai pinis. ² Yupela i bin i stap long ol pasin nogut bilong sin,i bihainim pasin bilong dispela graun. Yupela i stap aninit long tudak pasin Satan i bosim.Yupela i bihainim pasin bilong ol spirit nogut i stap long speis i bosim dispela graun.Nau dispela ol spirit nogut i wok long ol manmeri i save sakim tok bilong God. ³ Wanpela taim yumi olgeta i bin stap namel long ol dispela manmeri bilong sakim tok,ol pasin nogut bodi i laikim na tingting long en. Yumi bin i stap wankain olsem ol arapela na yumi inap long kisim belhat bilong God. ⁴ Tasol God i marimari tumas long yum na em i laikim yumi tru. ⁵ Taim mipela istap daiman long ol pasin nogut bilong yumi, em i mekim yumi i stap laip wantaim Krais, na long marimari bilong em,mipela i kamap orait gen. ⁶ God i kirapim yumi bek wantaim Krais, na em i mekim yumi i sindaun wantaim krais insait long ples heven. ⁷ Em i mekim olsem bilong soim ol manmeri bai i kam bihain, wanem em i bin mekim long  dispela bikpela marimari long pasim yumi wantaim Krais Jisas . ⁸ Long marimari tasol, yu bin bilip na kamap orait , na dispela em ino yu yet i mekim, em i presen i kam long God. ⁹ em i no kam long wok man i mekim,na i nogat wanpela man inap litimapim nem bilong em yet. ¹⁰ Olsem yumi stap wokman bilong God em i wokim yumi long Krais Jisas ,bilong yumi i ken mekim ol gupela pasin,olsem God i ttingim pinis long yumi bai i mekim. ¹¹ Olsem na tingim olsem wanpela taim yupela i bilong narapela lain manmeri. Ol i kolim yupela lain ino bin katim skin bilong kamap olsem ol lain i katim skin long bodi. Tasol dispela samting han bilong ol man i bin mekim. ¹² Long dispela taim, yupela i bin stap longwe long Krais. Yupela ino papa graun insait long ol manmeri bilong Israel. Yupela i bin stap olsem nupela manmeri insait long ol promis bilong ol samting bai kamap bihain, na yupela i no bin i gat tingting na i stap ongwe long God long dispela graun. ¹³ Tasol nau long Krais Jisas, God i bringim yupela i kam klostu long em yet long  blut bilong Krais. ¹⁴ Olsem Em i bel isi bilong yumi. Yumi bin stap tupela, na long bodi bilong em tasol, em i bin brukim dispela banis i pasim yumi na mekim yumi kamap wanpela. ¹⁵ Dispela em i olsem, em i rausim ol lo na laik bilong mekim kamap nupela man insait long em yet, na bel isi i ken kamap. ¹⁶ Krais i bungim tupela lain manmeri long kamap  wanpela bodi wntaim God, antap long diwai kros em  i kilim i dai olgeta birua pasin. ¹⁷ Jisas i kam na kamapim bel isi long yupela husait i bin stap longwe na givim bel isi long ol lain husait i stap klostu long em. ¹⁸ Long Jisas tasol na yumi olgeta inap i stap wantaim God long Holi Spirit bilong em. ¹⁹ Olsem na nau yupela narapela lain manmeri, ino moa bilong narapela hap na bilong longwe ples. Tasol yupela i kamap ol manmeri bilong em,insait long lain femili bilong God. ²⁰ Ol i bin wokim yupela olsem haus,long ol aposol, na long ol profet, na Jisas em yet em i strongpela konaston bilong strongim haus. ²¹ Long em tasol, olgeta haus i kamap gutpela na strongpela,na i wok long kamap bikpela tempol insait long bikpela. ²² Long em tasol na em wokim yumi tu i kamap wantaim na i kamap haus bilong Holi Spirit bilong God i ken i stap insait .