2 ¹ Mi laikim yupela i mas luksave long dispela bikpela hat wok mi mekim bilong helpim yupela, wantaim ol manmeri long Laodisia na ol manmeri husat i no lukim pes bilong mi. ² Mi wok long bel bilong ol i ken kisim strong na kam bung na sanap strong wantaim pasin bilong laikim arapela na bai ol i ken save long samting hait bilong God, em i Kraist. ³ Insait long em tasol olgeta gutpela kain save na tingting i hait i stap. ⁴ Mi tokim yupela dispela tok long wanem bai i nogat wanpela man bai trikim yupela wantaim ol tok gris bilong ol. ⁵ Maski mi no stap wantaim yupela long bodi, tasol mi stap wantaim yupela insait long spirit. Olsem na mi amamas tru long lukim yupela i stap gut na bilip strong insait long Kraist. ⁶ Taim yupela kisim Kraist Bikpela bilong yu, wokabaut insait long em. ⁷ Yupela i mas planim yupela yet strong insait long em, na kamap bikpela insait long em, na sanap strong long bilip, wankain olsem mi i bin lainim yupela, na yupela mas pulap long tok tenkyu. ⁸ Lukaut gut, nogut wanpela man i holim pas yupela wantaim ol giaman save, na tingting na toktok nating bilong ol wantaim ol pasin bilong man. Na bai mekim yupela i bilip long ol pasin nogut bilong dispela graun na i no long Kraist. ⁹ Long wanem olgeta pasin bilong God i stap insait long bodi bilong em. ¹⁰ Na yupela pulap tru insait long em, husat em het bilong olgeta pawa na namba. ¹¹ Insait long em yupela i bin kisim pasin bilong katim skin, i no long pasin ol man i save katim skin wantaim han bilong ol yet, Kraist yet i bin rausim olgeta sin bilong yupela pinis. Dispela i olsem pasin bilong katim skin. ¹² Ol i bin planim yupela wantaim em taim yupela i bin kisim baptais, na i kirap wantaim Krais insait long bilip long pawa bilong God i kirapim em long matmat. ¹³ Taim yupela i bin istap olsem dai man long sin bilong yupela na i no katim skin bilong bodi, em i mekim yupela kisim laip wantaim em na lusim olgeta sin bilong yumi. ¹⁴ Em i rausim olgeta dinau ol i raitim long buk wantaim lo bilong em. Na i bin rausim olgeta sin bilong yumi na nilim ol antap long diwai kros. ¹⁵ Em i rausim ol pawa na namba na mekim ol kamap rabis na putim ol long ples kilia, na winim pait antap long diwai kros. ¹⁶ Olsem na, yupela i no ken larim ol arapela i skelim yupela na tok, yupela no save bihainim ol lo bilong kaikai na dring, na ol lo bilong de bilong lotu, na de bilong amamas long nupela mun na bilong de sabat. ¹⁷ Dispela ol samting i olsem piksa nating tasol bilong ol samting bai kam bihain, tasol samting tru nau em Kraist. ¹⁸ Na yupela i no ken larim wanpela man husat i laik daunim em yet na i lotu long ensel skelim yupela na rausim yupela long prais bai yupela kisim. Dispela kain man i save i go insait long ol samting em lukim na em i solap wantaim tingting bilong bodi. ¹⁹ Em i no save pas long het, na em i save givim kaikai long olgeta hap bilong bodi na mekim olgeta join na rop i givim kaikai na i holim wantaim, em i gro long strong bilong God. ²⁰ Sapos yupela bin dai wantaim Kraist, na lusim olgeta bilip bilong dispela graun, orait bilong wanem yupela i bilipim ol na stap aninit long ol yet? ²¹ Em i olsem, "Yu no ken holim, yu no ken testim, na yu noken tatsim." ²² Dispela em ol lo man yet i kamapim na lainim yumi long bihainim, na em bai ol i pinis. ²³ Dispela ol lo i gat lo bilong ol lotu, em ol man i kamapim, na ol giaman lo bilong daunim yupela, na i save bagarapim bodi tasol, na i no inap long helpim yupela long rausim ol pasin nogut bilong olpela bel.