1 ¹ Mi Pol, mi aposel bilong Krais Jisas long laik bilong God em yet i makim mi. Mi wantaim brata bilong yumi Timoti, ² Mitupela i raitim dispela pas long yupela ol manmeri bilong God i stap long taun Kolosi yupela ol brata susa i bilip long Krais God papa bilong yumi i ken marimari long yupela na mekim bel bilong yupela i stap isi. ³ Yumi givim tenkyu long God papa na Bikpela bilong yumi Jisas Krais, na olgeta taim mipela beten long yupela. ⁴ Mipela i harim bilip bilong yupela long Krais Jisas na laikim yupela i gat long olgeta manmeri husat God i bin makim, ⁵ Olsem na long dispela pasin wei yupela i gat strongpela tingting na long wanem samting God i bin mekim bilong yupela long heven. Yupela i harim pinis long stat long nambawan dei long strongpela tingting long lanim pasin sori God i stap insait long tok tru, ⁶ wei em i bin kam long yupela, dispela gutnuis i karim kaikai na i kamap bikpela long olgeta hap long graun, wankain olsem yupela tu, long dispela dei yupela i bin harim na kam save long marimari bilong God na long dispela tok tru. ⁷ Dispela i gutnius yupela i bin lainim long Epafras, em gutpela wokman bilong yumi, em i wanpela bilip wokman bilong Krais. Em i save helpim mipela na mekim gut tru long wok bilong Krais long yupela. ⁸ Epapras i bin tokim mitupela long dispela laikim tru ol manmeri insait long Spirit . ⁹ Long taim mipela i harim tok bilong pasin bilong laikim yupela, mipela i no save malolo long prea na askim God long helpim yupela bai yupela i save gut tru long laik bilong em. Na bai Holi Spirit i ken pulapim yupela ol kain gutpela save na tingting, na dispela i ken pulap tru long yupela. ¹⁰ Na mipela prea olsem wokabaut long pasin bilong ol manmeri tru bilong Bikpela, na bai em i laikim olgeta pasin bilong yupela na bai yupela mekim kain gutpela wok. Na bai yupela i save long God na oltaim dispela save bai kamap bikpela moa. ¹¹ Mipela prea olsem God i ken givim olgeta kain strong long yupela, bai yupela inap sanap strong na karim olgeta hevi, bai yupela i stap isi na wetim ol hevi i pinis na bai yupela i ken amamas. ¹² Mipela prea olsem dispela bai kamap olsem na yupela bai amamas na givim tok tenkyu long Papa, em i bin mekim yupela i bihainim gutpela pasin inap long yupela i ken kisim ol gutpela samting em i bin makim long yupela. Bai yupela i kisim wantaim olgeta manmeri bilong God, em dispela ol manmeri ol i stap long lait bilong em. ¹³ Yumi bin i stap aninit long strong bilong tudak, na em i bin kisim bek yumi na putim yumi insait long lain bilong pikinini bilong en, em dispela pikinini em i save laikim tru. ¹⁴ Pikinini bilong God em i bin baim bek yumi, na lusim ol sin bilong yumi. ¹⁵ Pikinini man em i piksa bilong God yumi i no inap lukim long ai. Em i nambawan long olgeta samting God i bin wokim, ¹⁶ ,Long em olgeta samting i kamap, em ol samting insait long heven na antap long graun, ol samting yumi inap lukim na ol samting yumi i no inap lukim. Em i bin wokim olgeta samting na ol i bilong em. Maski king o hetman o gavman na ol man i gat bikpela namba. ¹⁷ Em i bin stap paslain long olgeta samting, na long em, olgeta samting i pas gut wantaim. ¹⁸ Sios em i bodi bilong Krais, na Krais em i het bilong sios. Em i as bilong sios, na em i nambawan man long kirap bek long dai olsem na em i kisim nambawan ples long olgeta samting. ¹⁹ Dispela i kamap God i amamas na i tingting olsem olgeta laip bilong em, bai stap insait long Krais, ²⁰ na long pikinini bilong en, em bai mekim olgeta samting i kamap wanbel wantaim em yet. God i mekim dispela taim em i kamapim bel isi wantaim blut bilong pikinini man bilong em long diwai kros, maski ol samting i stap long heven o samting i stap long graun. ²¹ Na yupela tu, long wanpela taim i bin i stap longwei long God, na i birua long em long tingting na long ol pasin nogut bilong yupela. ²² Tasol nau God i mekim yupela i kamap wanbel wantaim em long bodi bilong Krais long dai, em i mekim olsem long mekim yupela i stap klin, nogat asua, na nogat lain bai bagarapim yupela long ai bilong God, ²³ sapos yupela i go moa yet long bilip,na wokim haus bilong yupela antap long strongpela graun na sanap strong, long bilip bilong yupela na no ken lusim dispela strongpela tingting yupela i gat long tok bilong God, olsem yupela i bin harim na olsem tok i bin tokim yupela long olgeta samting God i wokim aninit long heven, long dispela gutnuis, mi Pol, kamap wok man bilong God. ²⁴ Nau mi, Pol, mi amamas long karim pen bilong yupela, na pulimapim bodi bilong mi wantaim wanem hevi Krais i bin karim i stap i no pinis yet long bodi bilong em, na dispela bodi em sios. ²⁵ Mi kamap wokman bilong sios na bihainim wanem wok God i bin givim mi long mekim long helpim yupela, na long inapim dispela tok bilong God. ²⁶ Tok i bin stap hait - dispela tok i bin stap hait bipo tru na bilong lain tumbuna pikinini tasol nau, dispela tok i kamap ples klia long ol lain bilong em husait i kamap klin long ai bilong em, ²⁷ Na dispela lain God i laik mekim yumi save long wanem samting i gutpela tru na bilong olgeta lain manmeri bilong olgeta hap, olsem Krais em i stap wantaim yupela, na strongpela tingting olsem Krais em i Bikpela na bai yupela i kisim gutpela samting long heven. ²⁸ Dispela em husait mipela i save autim, mipela save autim tok klia long olgeta manmeri na mipela save lainim planti lain wantaim olgeta save olsem taim mipela i kisim olgeta manmeri i kam long pes bilong Bikpela bai ol i nogat asua insait long Krais. ²⁹ Mi wok hat tru, na wok strong long wanem Krais em yet i givim strong long mi.