1 ¹ Bihain long dai bilong Sol, Devit i stap long Sikla inap tupela dei olgeta bihain long pait wantaim ol lain Amalek. ² Long namba tri dei, wanpela man i kam long kem bilong Sol wantaim graun long het na bruk klos.Taim em i kam long Devit em i pundaun long pes i go daun long graun na mekim em yet long amamasim Devit. ³ Devit i askim em olsem, "yu kam long wanem hap?" Na em i bekim tok olsem, " mi ranawe long kem bilong ol lain Israel." ⁴ Devit i askim em, " plis tokim mi long pait i go olsem wanem," Na em i bekim tok olsem, "ol man i ranawe long pait. " Na planti man tu i dai. Sol na pikinini man bilong em Jonatan tu i dai long dispela pait." ⁵ Na Devit i askim dispela man olsem, "yu save olsem wanem long Sol na pikinini man bilong em Jonatan tu i dai?" ⁶ Na dispela yanpela man i bekim tok olsem, " taim mi kamap antap long maunten Giboa, mi lukim olsem Sol i slip long spia bilong en na klostu ol karis wantaim ol birua i kam kisim em." ⁷ Sol i tanim na lukim mi na i singaut long mi. Na mi bekim tok bilong em olsem, " hia mi stap." ⁸ Na em i askim mi olsem, " yu husait?" Na mi bekim tok bilong em olsem, " mi bilong Amalek." ⁹ Na em i tok olsem long mi, " plis inap yu kilim mi i dai, long wanem bikpela pen i kisim mi pinis, tasol mi stap laip yet." ¹⁰ Olsem na mi sanap antap long em na kilim em i dai, long wanem mi save olsem em bai ino inap i stap laip. Na mi kisim hat king bilong em na bilas bilong han i kam long yu, bikman bilong mi." ¹¹ Na Devit i brukim klos bilong em na olgeta man bilong pait tu i brukim ol klos bilong ol. ¹² Ol i lusim kaikai na sore krai i go inap long apinun, long Sol na pikinini man bilong en Jonatan na ol manmeri bilong God Yawe na ol haus bilong ol lain Israel, long wanem ol i dai long bainat. ¹³ Devit i askim dispela yangpela man, " yu bilong wanem hap", na dispela man i tok, " mi pikinini man bilong man long narapela ples em Amalek." ¹⁴ Na Devit i asikim dispela man olsem, "bilong wanem han bilong yu no pret long kilim dispela king God Yawe i makim?" ¹⁵ Na Devit i tokim wanpela yangpela man olsem, " Go na kilim em, " na dispela man i go na kilim dispela man Amalek i dai. ¹⁶ Na Devit i tokim dispela daiman bilong Amalek olsem, " blut bilong yu i pas long het bilong yu yet long wanem maus bilong yu yet i tokaut olsem yu kilim king God Yawe i makim." ¹⁷ Na Devit i singim song bilong sore long Sol na pikinini man bilong en Jonatan. ¹⁸ Na em i tok strong long ol i mas lainim dispela song long ol pikinini man bilong Juda, olsem ol i bin raitim long buk bilong Jasha. ¹⁹ Israel, ol bikpela man i gat nem na ol strongpela man bilong pait i dai antap long ol maunten ples bilong yupela. ²⁰ Noken tokim dispela samting long Gat na long ol liklik ples insait long Askelon, long wanem, mi no laik bai ol pikinini meri bilong ol Pilistia i amamas, olsem na ol pikinini meri bilong ol lain ino katim skin ino ken amamas. ²¹ Ol Maunten bilong Giboa, noken larim ren na wara bilong nait i kam long yu na ol gaden i no ken givim ol kaikai long mekim ofa, long dispela hap ol strongpela man i kisim bagarap. Na ol i no moa makim na welim hap plang bilong Sol. ²² Long blut bilong ol dispela lain ol i kilim na long bodi bilong ol bikpela man i gat nem, bunara bilong Jonatan ino tanim bek na bainat bilong Sol ino kam bek nating. ²³ Pasin bilong laikim na marimari i stap long Sol na Jonatan, na long dai bilong tupela ino mekim tupela i stap longwe long tupela. Tupela i save muv hariap olsem tarangau na strong bilong tupela i winim strong bilong laion. ²⁴ Yupela ol pikinini meri bilong Israel, krai long Sol,em i save bilasim yupela wantaim ol gol na ol samting i dia tumas. ²⁵ Olsem wanem na ol strongpela man bilong pait i dai namel long pait. Na ol i kilim Jonatan i dai long ol maunten ples bilong yupela. ²⁶ Jonatan brata bilong mi, mi gat bikpela bel sore long yu, long wanem yu save mekim gut long mi. Na laikim bilong yu long mi i winim tru dispela laikim bilong laikim ol meri. ²⁷ Olsem wanem na ol strongpela man bilong pait i dai na olgeta samting bilong pait i pinis olgeta?"