2 ¹ Bihain long dispela Devit i askim God Yawe na i tok, ''Inap mi go long wanpela bilong ol biktaun bilong ol Juda?'' God Yawe i bekim, ''go antap.'' Devit i tok, ''Long wanem biktaun bai mi go?'' God Yawe i bekim, ''Long Hebron.'' ² Orait Devit i go antap wantaim tupela meri bilong en, Ahinoam long Jesril, na Abigel long Karmel, Abigel bipo em meri bilong Nabal tasol Nabal i dai na Devit i maretim em. ³ Devit i kisim ol man istap wantaim em, ol wanwan i kisim ol femali, bilong ol long kantri Hebron, ol i stap long dispela hap. ⁴ Orait ol Juda man i kam na kapsaitim oil makim Devit olsem king long haus bilong Juda. Ol i tokim Devit, ''Ol man bilong Jabes Gilead ol bin planim Sol.'' ⁵ Orait Devit i salim man i go tokim ol man bilong Jabes Gilet na tokim ol,'' God Yawe i blesim yupela, Taim yupela i sori long king bilong yupela Sol na planim em. ⁶ Nau bai God Yawe i bihainim kontrak na soim sori. Mi bai mekim dispela gutpela samting long wanem yu bin mekim pinis. ⁷ Nau, larim han bilong yu mas strong; tingim king bilong yupela Sol i dai pinis na ol lain Juda i makim mi olsem king bilong ol.'' ⁸ Tasol Abna pikinini bilong Ner, ofisa bilong ol ami bilong sol, i kisim Isboset pikinini bilong Sol na kisim em i go long Mahanaim. ⁹ Em i mekim Isboset i kamap King bilong ples Gilet, Aser, Jesril ,Efraim, Benjamim na long olgeta hap long Isarel. ¹⁰ Isboset pikinini bilong Sol, em i gat 40 krismas pinis taim em i kamap king bilong olgeta Israel, na em i stap king long tupela yia. Tasol ol lain Juda i bihainim Devit. ¹¹ Dispela taim Devit i kamap king bilong Hebron insait long ol lain Juda inap 7-pela yia na 6-pela mun. ¹² Abna pikinini bilong Ner, na wokman bilong Isboset piknini bilong Sol, i lusim Mahanaim na go long Gibeon. ¹³ Joab piknini bilong Serua na ol wokman bilong Devit i go na bungim ol long raun wara Gibeon. Dispela hap ol i sindaun, wanpela lain long narapela sait bilong raun wara narapela lain long narapela sait. ¹⁴ Abna i tok long Joab, larim ol yangpela man i go pas na resis pastaim.'' Orait Joab, i tok, ''Larim ol i go pas.'' ¹⁵ Na ol yangpela man i kirap na bungim ol yet, 12-pela long Benjamin na Isboset pikinini bilong Sol, na 12-pela wokman bilong Devit. ¹⁶ Wanwan man i makim ol birua long het na sutim ol long sait bilong ol birua, na ol i pundaun wantaim. Dispela as ol i kolim dispela ples ''Helkat Hassurim,'' o ''ples bilong bainat,'' i stap insait long Gibeon. ¹⁷ Pait i go bikpela tru long dispela de Abna na ol man long Israel i lus long ol ami bilong Devit. ¹⁸ Tripela pikinini bilong Serua i bin stap; Joab, na Abisa, na Asael. Abisai em i save ran strong olsem wel animol. ¹⁹ Asahel i ronim stret Abna na em i bihainim em na i no tanim long narapela hap. ²⁰ Abna i lukim baksait bilong em na i tok, ''Em yu tasol Asahel?'' Em i bekim, ''Em mi tasol.'' ²¹ Abna i tokim em, ''Tanim i go long han sut o han gais na makim wanpela bilong ol yangpela man na kisim pait samting bilong em.'' Tasol Asahel i no tanim nabaut. ²² Orait Abna i tokim Asahel ken, ''No gen ronim mi. Bilong wanem bai mi isi long yu long graun? Olsem wanem bai mi kamap long pes bilong Joab, brata bilong yu?'' ²³ Tasol Asahel i no tanim en i sakim, na Abna i sutim em insait long bodi het bilong spia kam aut long narapela sait. Asahel i pundaun na dai long hap. Olsem na taim wanpela man i kamap long dispela ples Asahel i pundaun na dai, em i stop na sanap stret. ²⁴ Orait Joab na Abishai i ronim Abna. Taim san i go daun, ol i kam long maunten Ammah, Em klostu long Giah rot i go long ples nating long Gibeon. ²⁵ Ol lain bilong Benjamin ol i bungim ol yet baksait long Abner na sanap antap long het bilong maunten. ²⁶ Orait Abna i singautim Joab na i tok, ''Dispela pait bai i stap longpela taim? Yu no save olsem em bai kamap nogut long pinis bilong en? Wanem taim bai yu tokim ol man bilong yu long lusim pasin bilong ronim ol brata bilong ol?'' ²⁷ Joab i bekim, '' Long nem bilong God i stap laip, sapos yu no tok olsem, ol ami bilong mi inap long ronim ol brata i go inap long moning!'' ²⁸ Orait Joab i winim biugel, na pasim olgeta ami bilong en na ol i no ronim ol Israel moa, ol i no pait moa. ²⁹ Abna wantaim ol ami bilong en i wokabaut long dispela nait long Araba. Ol i brukim wara Jodan, ol i kamap long narapela moning na bihain ol i kamap long Mahanaim. ³⁰ Joab i ronim Abna pinis na ol i kam bek. Em i lainim ol soldia bilong em, usait ol i no bin stap wantaim Asahel na 19 soldia bilong devit. ³¹ Tasol ol soldia bilong Devit i kilim 360 soldia bilong Benjamen wantaim Abner. ³² Bihain ol i kisim Asahel i go antap na planim em long matmat bilong papa, em i stap long Betlehem. Joab wantaim ol soldia bilong em i wokabaut long dispela nait, na tulait i bruk antap long Hebron.