9 ¹ Profet Elisa i singautim wanpela pikinini bilong profet na i tokim em, "Yu mas bilas bilong wokabaut, na kisim dispela liklik botol wel na holim long han bilong yu na go long Ramot Giliad." ² Taim yu i go kamap, lukluk long Jehu pikinini bilong Jehosafat pikinini bilong Nimsi na go insait na mekim em i kirap namel long ol lain bilong em na wokabaut wantaim em stret na i go insait long haus bung. ³ Na yu kisim botol wel na kapsaitim antap long het bilong em na tok, ' God Yawe i tok olsem: "Mi bin makim yu i kamap king bilong Israel." Na yu opim dua na ran i go; noken isi isi." ⁴ Olsem na yangpela man na yangpela profet i go long Ramot Giliad. ⁵ Taim em i go kamap em i stop na kepten bilong ol ami i sindaun i stap. Olsem na yangpela profet i tok, "Mi bin kam antap long kisim wanpela samting long yu, kepten." Jehu i bekim, "Long husait long mipela? "Na yangpela profet i bekim tok olsem, "Long yu kepten. ⁶ Olsem na Jehu i kirap na i go insait long haus na profet i kapsaitim wel antap long het bilong em na i tokim Jehu, "Yawe God bilong Israel i tok olsem: 'Mi bin kapsaitim pinis wel long het bilong yu long kamap king long lukautim ol manmeri bilong God Yawe bilong ol Israel. ⁷ Yu mas kilim ol famili bilong Ahap bosman bilong yu, olsem na mi mas bekim dispela rong bilong blut bilong ol wokboi na profet na blut bilong olgeta wokboi bilong God Yawe, husait i bin i dai long han bilong Jesebel. ⁸ Bilong olgeta famili bilong Ahap bai i go lus na bai mi katim ol olgeta long Ahap na olgeta pikinini man, em i wokboi o em ino wokboi na em i stap nating. ⁹ Bai mi mekim haus bilong Ahap bai i kamap olsem haus bilong Jeroboam pikinini bilong Nebat na bai olsem haus bilong Basa pikinini bilong Ahisa. ¹⁰ Ol dok bai kaikai Jesebel insait long Jesril na bai i no gat man long planim bodi bilong em." Na profet i opim dua na em i ran i go. ¹¹ Na Jehu i kam ausait na i go long ol wokboi bilong bosman bilong em na wanpela i tokim em, "Ating olgeta samting i stap orait? Bilong wanem dispela longlong man kam long yu?" Jehu i bekim tok bilong ol, "Yu save long man na ol kain samting em i tok." ¹² Na ol i tok, "Dispela em i giaman. Tokim mipela." Jehu i bekim tok, "Em i tok dispela na olsem long mi na tu em i tok, 'Dispela em wanem samting God Yawe i tok: Mi bin kapsaitim wel long yu olsem king long lukautim olgeta Israel." ¹³ Na olgeta wanwan i hariap na rausim olpela klos bilong em na putim nupela klos bilong king na putim em aninit long Jehu na putim em antap long lata. Na olgeta i winim biugel na tok, "Jehu em i king." ¹⁴ Insait long dispela rot Jehu pikinini bilong Jehosapat, pikinini bilong Nimsi i mekim ol tok hait bilong kamapim birua long Joram. Nau Joram i bin strongim Ramot Giliad, na olgeta Israel, bilong wanem Hasael i stap king bilong Aram. ¹⁵ Tasol king Joram i go bek pinis long ples Jesril long mekim orait ol sua na pen long bodi bilong en, em ol lain Aramens i givim long em, taim em i bin pait wantaim Hasael king bilong Aram. Jehu tokim ol wokboi bilong Joram. "Sapos dispela em wok mak, orait noken larim wanpela man i ranawe na i go ausait long biktaun, insait long tok orait i ken i go tokim dispela nupela tok long Jesril." ¹⁶ Olsem na Jehu i kalap long karis na i go long Jesril; Joram i malolo i stap long hap. Nau Ahasia king bilong ol Juda i bin kam daun long lukim Joram. ¹⁷ Na wasman i sanap i stap antap long tawa long Jesril na em i lukim olgeta samting bilong Jehu i kam longwe yet; na em i tok "Mi lukim planti man i kam longwe yet." Joram i tok, "Kisim man bilong ron long hos, na salim em i go aut long bungim ol; na tokim em long tok olsem, 'Ating yupela kam wantaim bel isi isi?" ¹⁸ Olsem na ol i salim wanpela man i go antap long baksait bilong hos long i go bungim em; na em i tok, "Na king i tok olsem; 'Ating yupela kam wantaim bel isi?" Na Jehu i tok, "Wanem samting bai yu mekim wantaim bel isi? Tanim na kalap long hos na bihainim mi. " Olsem na wasman bilong tawa i tokim king, "Man bilong karim tok i go i kam i bungim ol, tasol em i no inap i kam bek. ¹⁹ Na em i salim namba tu man gen antap long baksait bilong hos, em i kam long ol na tokim ol, "Na king i tok olsem; 'Ating yu kam wantaim bel isi?" Jehu i bekim tok, "Bai yu mekim wanem wantaim bel isi? Tanim na kalap long hos na bihainim mi." ²⁰ Namba tu taim gen wasman i go tokaut olsem, "Em i bungim ol, tasol em bai i no inap i kam bek. Long dispela rot karis bilong em i bin i go aut pinis, Jehu pikinini man bilong Nimsi i kisim i go; em i draivim krangki tru. ²¹ Olsem na Joram i tok, "Redim karis bilong mi." Na ol i redim karis bilong em na Joram king bilong Israel na Ahasia king bilong ol Juda i kalap long karis bilong em na i kam aut long bungim Jehu. Na ol i painim em wantaim olgeta samting bilong Nabot bilong ol lain Jerelait. ²² Taim Joram i lukim Jehu na em i tok, "Ating yu kam wantaim bel isi Jehu?" Em i bekim tok, "Wanem bel isi i stap long hap, pasin bilong lotu long giaman god na pasin pamuk na yusim ol strongpela spirit nogut em mama bilong yu Jesebel i gat planti. ²³ Olsem na Joram i tanim karis bilong em na i laik ranawe na i tokim Ahasia, "I gat ol gutpela pasin tasol i gat ol pasin nogut tu i stap insait long en, Ahasia." ²⁴ Na Jehu pulim bunara bilong em na taitim wantaim olgeta strong bilong em na sutim Joram long namel bilong sol; na spia i go stret insait long leva na em i pundaun i go daun insait long karis bilong em. ²⁵ Nau Jehu i tokim Bidkar kepten bilong em," kisim em kam antap na tromoi em i go daun long graun nating bilong Nabot bilong lain Jerelait. Tingting long olsem wanem yu na mi i ron wantaim bihain long Ahap papa bilong em, God Yawe putim strongpela tokhait bilong em long bagarapim em: ²⁶ Aste mi lukim blut bilong Nebot na blut bilong ol pikinini bilong em--God Yawe i kamapim ples klia--na mi bai tru tumas mekim yu i baim dispela graun--God Yawe i kamapim ples klia. Olsem na nau, kisim em kam antap na tromoi em antap long dispela graun nating, i bihainim tingting na tok bilong God Yawe." ²⁷ Taim Ahasia king bilong ol Juda i lukim dispela, em i go antap hariap long rot long Bet Hagan. Tasol Jehu i bihainim em, na tok, "Kilim em tu insait long karis," na ol i sutim em long sait bilong ples Gur, em long Ibleam. Ahasia i go hariap long Megido na em i dai long hap. ²⁸ Ol wokboi bilong em i karim bodi bilong em insait long karis na karim em i go long Jerusalem na planim em insait long matmat bilong em wantaim papa bilong em insait long bikpela taun bilong Devid. ²⁹ Nau em 11-- pela yia bilong pikinini bilong Joram, pikinini bilong Ahap em Ahasia i bin stat bosim olgeta Juda. ³⁰ Taim Jehu i kam long Jesril, Jesebel i harim long en na em i penim ai bilong em na stretim gras bilong em na lukluk i go ausait long windo. ³¹ Taim Jehu i go yet long bikpela dua na em i tokim em, "Ating yu kam wantaim bel isi, yu Simri, bosman bilong yu ol i kilim pinis?" ³² Jehu i lukluk i go antap long windo na em i tok, "Husait i stap long sait bilong mi? Husait?" Orait tupela o tripela man i bin rausim bol long en i lukluk i go ausait. ³³ Olsem na Jehu i tok, "Tromoi em i kam daun." Orait ol tromoi Jesebel i go daun na sampela blut bilong em i pas nabaut antap long banis na ol hos na Jehu i krugutim em aninit long lek bilong en. ³⁴ Taim Jehu i go insait long haus king, em i kaikai na dring. Nau em i tok, "Lukim dispela meri nogut olsem na planim em long wanem em i pikinini meri bilong king." 35 ³⁵ Na olgeta i go long planim em, tasol ol i no painim wanpela bodi tasol ol i lukim bun bilong het tasol na lek na insait bilong han bilong em. ³⁶ Olsem na ol i kam bek na tokim Jehu. Em i tok, "Dispela em tok bilong God Yawe em i toktok long maus bilong wokman long em Elaija bilong taun Tisbet, i tok olsem, 'Insait long graun long Jesrill ol dok bai kaikai mit bilong Jesebel, ³⁷ na bodi bilong Jesebel bai i olsem pekpek bilong bulmakau i stap ples klia long graun nating long graun bilong Jesril, olsem na nogat wanpela bai i tok, "Dispela em Jesebel."""