10 ¹ Nau Ahab em i gat 70 tumbuna i stap insait long Samaria. Jehu i raitim pas na salim i go long Samaria, long ol bikman bilong Jesrel, makim ol elda na ol lain i save was long tumbuna bilong Ahab na i tok, ² "tumbuna bilong masta bilong yu i stap wantaim yupela na yupela i gat karis na ol hos na strongpela biktaun na klos pait. Olsem na sapos dispela pas i kam long yupela, ³ makim wanpela gutpela man long tumbuna bilong masta bilong yupela na em bai i stap long sia bilong papa na pait long helpim famili bilong masta". ⁴ Tasol ol i pret nogut tru na ol i tok namel long ol yet olsem, "Lukim, dispela 2pela king i no inap sanap wantaim Jehu. Olsem wanem bai yumi inap sanap?" ⁵ Olsem na man husait i save lukautim banis bilong king na man husait i save was long biktaun, wantaim ol elda na ol lain husait i save lukautim pikinini, ol i salim tok i go bek long Jehu na tok, "Mipela i wokman bilong yu olsem na mipela bai mekim olgeta samting yu tokim mipela. Mipela bai i no inap mekim wanpela man i stap olsem king. Mipela bai i mekim gutpela pasin long ai bilong yupela." ⁶ Na Jehu i raitim pas namba tu taim long ol na tok, "Sapos yupela i stap long sait bilong mi na yupela inap long harim maus bilong mi, yupela i mas kisim ol het bilong ol tumbuna man bilong masta bilong yupela na kam long mi long Jesrel long tumora long dispela taim. "Olsem na 70 tumbuna bilong ol king i stap wantaim namba wan man bilong biktaun na namba bilong ol i go antap. ⁷ Taim pas i kam long ol, ol i kisim pikinini man bilong king na kilim ol. Na 70 man ol i putim het bilong ol i go insait long basket na salim ol i go long Jehu long Jesrel. ⁸ Wanpela man bilong karim tok raun i kam long Jehu na i tok, "Ol i kisim het bilong ol pikinini man bilong king i kam. Olsem na em i tok, "Bungim ol long 2pela hap insait long rot i go long dua inap long moning." ⁹ Long moning taim tru Jehu i sanap long pes bilong ol manmeri na tok, "Lukim Yupela i nogat asua. Mi bin tok pait wantaim masta bilong mi na mi bin kilim em, tasol husait tru i kilim ol arapela man? ¹⁰ Olsem na nau yu mas save olsem dispela em i no hap bilong tok bilong God Yawe, tok em i autim long famili bilong Ahab, bai i pundaun long graun. God Yawe i mekim wanem tok em i autim long wokman bilong em Elaija. ¹¹ Olsem na Jehu i kilim olgeta lain i stap long famili bilong Ahab long Jesrel, ol namba wan man, wantok i stap klostu na ol pris, i no gat wanpela bilong ol i stap laip. ¹² Na bihain Jehu i kirap na lusim ol i go long Sameria. Taim em i wokabaut em i kamap long Bet Eked long wasman bilong sipsip, ¹³ em i bungim brata bilong Ahasia king biong Juda. Jehu i tok olsem long em, "Yu husait?" Na em i bekim tok olsem, "Mipela brata bilong Ahasia na mipela i go daun long tok amamas long pikinini bilong king na pikinini bilong kwin Jesebel." ¹⁴ Jehu i tok long ol man bilong em olsem, " Kisim ol man i stap laip" .Olsem na ol i kisim ol man i stap laip na kilim ol long hul wara bilong Bet Eked. Olgeta 42 man em i no lusim wanpela bilong ol i stap laip. ¹⁵ Taim Jehu i lusim dispela hap, em i bungim Jehonadab pikinini man bilong Rekap i kam long bungim em. Jehu i tok amamas na em i tok olsem, "Bel biong yu i stap wantaim mi, olsem bel bilong mi i stap wantaim yu?" Jehonadab i tok, "Yes bel bilong mi i stap wantaim yu." Jehu i tok, " Sapos em i olsem, mitupela sigan." Olsem na tupela i sigan na Jehu i kisim Jehonadab i go antap long karis bilong em. ¹⁶ Jehu i tok olsem, "Kam wantaim mi na lukim strongpela laik mi gat long God Yawe." Olsem na em i kisim Jonadab na em i kalap long karis bilong em. ¹⁷ Taim em i kam ong Sameria Jehu i kilim olgeta tumbuna bilong Ahab i stap long Sameria, inap em i bagarapim famili bilong Ahab, olsem God Yawe i bin tokim em long maus bilong Elaija. ¹⁸ Na bihain Jehu i bungim olgeta manmeri na tokim ol olsem, "Ahab i lotu long Bal likilik, tasol Jehu bai lotu long Bal moa. ¹⁹ Olsem na singaut long olgeta profet bilong Bal, olgeta lain i save lotu long em na ol pris. Noken larim wanpela i stap, mi gat bikpela ofa long mekim long god Bal. Husait i no kam bai i no inap stap." Tasol Jehu i bin mekim dispela pasin giaman wantaim baksait tingting long kilim ol lain i save lotu long giaman god Bal. ²⁰ Jehu i tok, "Makim taim long holim wanpela bung bilong Bal." Olsem na ol i tokaut. ²¹ Olsem na Jehu i go long olgeta hap bilong Israel na toksave long ol lain i save lotu long Bal, olsem na olgeta i kam na i no nogat wanpela man i stap bek. Ol i kam insait long tempel bilong Bal na i pulap long wanpela sait i go olgeta long narapela sait. ²² Jehu i tok strong long husait man i holim klos bilong ol pris, "Bringim ol klos bilong ol lain i save lotu long Bal." Olsem na em i bringim dispela klos i kam long em. ²³ Olsem na Jehu i go wantaim Jehonadab pikinini man bilong Rekab insait long haus bilong Bal na em i tok olsem long ol lain i save lotu long Bal, "Painim ol gut inap wanpela man i noken i stap wantaim yu wokman bilong Yawe God, tasol ol lain i save lotu long Bal." ²⁴ Orait ol i go long mekim ofa, em ofa bilong paia i kukim olgeta i go long God. Olsem na Jehu i bin makim 80 man husait i stap autsait na i tokim ol, "Sapos wanpela man husait mi bringim i kam long han i ranawe, o sapos wanpela man i larim em i ranawe, orait laip bilong dispela man bai i kisim ples bilong dispela man husait i ranawe." ²⁵ Na bihain taim ol i lukim olsem Jehu i mekim ofa bilong paia i kukim olgeta i go long God, em i tokim wasman na keptain, "Go na kilim ol na noken larim wanpela i kam aut." Olsem na ol i kilim ol wantaim bainat, wasman na keptain i tromoi ol i go aut na go insait long rum i stap insait tru long haus Bal. ²⁶ Ol i bin rausim dispela ston i stap long haus bilong Bal na ol i kukim long paia. ²⁷ Olsem na ol i brukim daun ston Bal na bagarapim haus bilong Bal na mekim olsem samting nating long dispela dei. ²⁸ Long dispela rot Jehu i rausim na bagarapim Bal lotu bilong Israel. ²⁹ Tasol Jehu i no lusim sin bilong Jeroboam pikinini man bilong Nebat, long wanem em i bin mekim ol Israel i pundaun long sin. Ol i bin mekim piksa bilong bulmakau long gol na lotu long en insait long Betel na Dan. ³⁰ Na Yawe God i tokim Jehu olsem, "Long wanem yu bin mekim gutpela pasin i stret long ai bilong mi, olsem yu bin mekim long haus bilong Ahab, em yu inapim stret olgeta samting i stap long bel bilong mi. Tumbuna bilong yu bai i sindaun long sia bilong Israel i go inap long namba 4 tumbuna pikinini i kamap bihain". ³¹ Tasol Jehu i no tingting long wokabaut insait long lo bilong God Yawe, Bikpela God bilong Israel, wantaim olgeta bel. Em i no bin tingting long lusim sin bilong Jeroboam, long wanem em i bin mekim ol Israel i pundaun long sin. ³² Long dispela taim Yawe God i stat long givim baksait long ol Israel na Hasael i winim ol Israel insait long mak bilong Israel, ³³ long hap san kamap bilong wara Joden, olgeta graun bilong Giled, Gadit, Ruben na Manase, stat long Aroa, em ples daun na stret bilong Anon, long olgeta hap bilong Giled i go long Basan. ³⁴ Tasol long olgeta arapela samting Jehu i mekim na olgeta pawa bilong em, ol i no bin raitim insait long buk bilong ol samting i save kamap long ol king bilong Israel? ³⁵ Jehu i bin slip wantaim ol tumbuna bilong em na ol i planim em long Samaria. Na bihain Jehoas pikinini bilong en i kamap king na kisim ples bilong em. ³⁶ Insait long 28 yia, Jehu i stap king na lukautim ol Israel long Sameria.