25 ¹ Long namba 9 yia taim Sedekaia i stap king bilong Juda, long namba 10 dei insait long namba 10 mun, Nebukanesa, king bilong Babilon i kam wantaim olgeta ami bilong em na raunim Jerusalem. Em i bin stap hapsait na kamapim stronpela banis autsait long biktaun. ² Olsem na biktaun i bin stap aninit long stronpela banis inap long 11-pela yia Sedekaia i stap king. ³ Long namba 9 dei insait long namba 4 mum long dispela yia, hangere igo bikpela tru long biktaun na nogat kaikai moa long ol manmeri bilong dispela ples. ⁴ Nau ol bin brukim biktaun igo insait na olgeta man bilong pait i ranawe long nait namel long tupela banis long gaden bilong king taim ol lain Solden i raunim biktaun stap na King i bin go long rot bilong Araba. ⁵ Tasol ol ami bilong solden i bihainim King Sedekaia na aburusim em long ples daun bilong Wara Jordan klostu long Jeriko na ol ami bilong em i bin ranawe nabaut. ⁶ Ol i bin holim pasim king na kisim em kam long king bilong Babilon long Ribla na ol i bin kotim em. ⁷ Na ol pikinini man bilong Sedekaia, ol i bin katim nek bilong ol long ai bilong em, em i bin rausim ai bilong em na ol i bin pasim em wantaim bras sein na kisim em kam long Babilon. ⁸ Nau insait long namba 5 mun, long namba 7 dei long dispela mun we King Nebukanesa i stap king bilong Babilon klostu 19 -pela yia, Nebuzarandan wokboi na komanda bilong ol wasman i bin kam long Jerusalem. ⁹ Em i bin kukim haus bilong God Yauwe na ples bilong king na olgeta haus long Jerusalem wantaim olgeta haus i gat biknem insait long biktaun. ¹⁰ Na long banis bilong Jerusalem, ol ami bilong Babilon husat i stap aninit long komanda bilong wasman i bin brukim na daunim olgeta. ¹¹ Na long ol manmeri husait i stap bek long biktaun, ol lain husait i bin ranawe i go long king bilong Babilon, na liklik lain husait i bin stap bek Nebuzarandan, komanda bilong wasman i kisim ol i go long kalabus. ¹² Tasol komanda bilong wasman i lusim sampela turango lain i stap bek long wok long ol gaden vine na graun. ¹³ Ol bras pos long haus bilong God Yauwe wantaim ol arapela samting long haus bilong God Yauwe, ol solden i bin brukim i go liklik na karim i go bek long Babilon. ¹⁴ Ol sospen, ol spait, samting bilong laitim lam; ol spun na olgeta kainkain samting bilong bras ol pris i save usim long haus lotu, ol solden i bin kisim olgeta i go. ¹⁵ Ol sospen bilong rausim sit paia na ol dis we ol i bin mekim wantaim gol na silva, kapten bilong wasman bilong king i kisim go wantaim tu. ¹⁶ Tupela pos, ol bikpela gutpela samting i dia tumas Solomon i bin mekim long haus bilong God Yauwe i gat planti moa bras sapos ol inap long skelim hevi bilong en long skel. ¹⁷ Longpela bilong namba wan pos i olsem 8 mita na long pela bilong bras kalamap bilong en i olsem 1 mita na ol bilasim pos gut tru wantaim bras tasol .na nalapela pos, ol i bilasim wankain tasol olsem namba wan pos. ¹⁸ Na komanda bilong wasman i kisim hetpris Serariah wantaim namba tu pris zapanaia na tri pela wasman blong geit. ¹⁹ Long dispela biktaun em i kisim kalabus ofisa i lukautim ol soldia, 5 pela man bilong ol lain husait i save givim tingting long king, husait i stap yet long biktaun. Em i kisim tu kalabusman, ofisa bilong ami bilong king i lukautim wok bilong kisim niupela man i kam insait long ami wamtaim 60 bikman long dispela ples husat i bin stap bek long biktaun. ²⁰ Orait Nebuzarandan, komanda bilong wasman, i kisim ol i kam long king bilong Babilon long ples Ribla. ²¹ Na king bilong Babilon i kilim ol i dai long ples Ribla long hap graun bilong Hamat. Long dispela rot, Juda i lusim graun bilong em na i go kalabus. ²² Na long ol lain manmeri husait i stap bek long graun bilong Juda, ol lain husait Nebukanesa king bilong Babilon i bin lusim, em i putim Gedaraia,pikinini man bilong Ahikam, pikinini man bilong Sapan, i kamap lida bilong ol. ²³ Nau taim olgeta ol komanda bilong ol soldia, ol wantaim ol man bilong ol i harim olsem king bilong Babilon i mekim Gedaraia i kamap gavana , ol i go long Gedaraia long Mispa. Ol dispela lain man em Ismel pikinini man bilong Netenaia, Johanan pikinini man bilong Karia, Seraia pikinini man bilongTanhumet bilong lain Netopatait na Jasanaia pikinini man bilong Makatai, ol wantaim ol man bilong ol. ²⁴ Gedaraia i mekim tok promis long ol na lain man bilong ol na i tokim ol olsem, '' yupela noken pret long ol Solden ofisol. Stap long dispela graun, aninit long king bilong Babilon na yupela bai stap gut.'' ²⁵ Na em bin kamap olsem, long namba 7 mun Ismel pikinini man bilong Netenia, pikinini man bilong Elisama long lain femili bilong king wantaim 10-pela man i bin kisim pait i kam long Gedaraia. Gedaraia i bin dai wantaim ol man bilong Juda na ol lain Babilon husait i stap wantaim em long Mispa. ²⁶ Na olgeta manmeri, liklik i go inap long bikpela na ol komanda bilong ol soldia i kirap na i go long Isip long wanem ol i pret long ol lain Babilon. ²⁷ Bihain long 37 yia taim Jehoiacin king bilong Juda i stap long kalabus, insait long 12 mun long dei 27 long dispela mun, Awel Maduk king bilong Babilon i bin rausim Jehoiacin king bilong Juda long kalabus. Dispela i bin kamap long yia taim Awel Maduk i stap king. ²⁸ Em i bin mekim gutpela toktok long em na givim em sia i gat namba antap moa long ol narapela king i bin stap wantaim em long Babilon. ²⁹ Awel Maduk i bin rausim klos bilong kalabus antap long Jehoiacin na sidaunim em long tebol na em i bin kaikai wantaim em olgeta dei long laip bilong em. ³⁰ Ol i bin givim em makmak bilong kaikai olgeta dei long laip bilong em.