22 ¹ Josaia i kamap king taim em i stap 8-pela krismas; em i stap king bilong Jerusalem long 31 yia. Nem bilong mama bilong en em Jedida em pikinini meri bilong Adaia bilong Boskat. ² Em i mekim stretpela pasin long ai bilong God Yawe. Em i wokabaut long rot bilong Devit tumbuna bilong em, na em i no tanim i go long han sut o han kais. ³ 18-yia bilong king Josaia, em i salim Shaphan pikinini bilong Azalia, pikinini bilong Meshullam, saveman bilong Lo, i go long haus bilong God Yawe na tok, ⁴ "Go lukim Hilkia Het Pris, na tokim em long kauntim moni ol i bin kisim i go long aus bilong God Yawe, we ol wasman bilong Tempel i kisim long ol manmeri na bungim. ⁵ Ol i mas givim i go long ol wokman husait i save lukautim aus bilong God Yawe, na larim ol i givim i go long ol wokman husait i stap long haus bilong God Yawe, long ol i ken stretim ol bagarap i kamap long Tempel. ⁶ Larim ol i ken givim moni i go long ol man bilong wok wantaim ol plang na ol man bilong wok wantaim ol ston, na ol man bilong mekim haus, bai ol i ken baim ol plang na katim ol ston bilong stretim tempel." ⁷ Tasol noken kisim ripot bilong ol moni, mi save bai ol i wok gut. ⁸ Hilkia Het Pris i tokim Shaphan save man bilong Lo olsem, "mi painim buk bilong Lo long aus bilong God Yawe." Hilkia i givim buk i go lo Shaphan, na em i ridim. ⁹ Shaphan i kisim buk i go long king, na tu tokim em olsem, "wokman bilong yu i kisim moni ol i painim long tempel na ol i givim long han bilong ol wokman husat bai i was na lukautim haus bilong God Yawe." ¹⁰ Orait Shaphan save man bilong Lo i tokim King olsem," Hilkia Pris i givim mi buk," Orait Shaphan i ritim long King. ¹¹ Taim King i harim ol dispela toktok bilong Lo, em i burukim klos bilong em. ¹² King i tok strong long Pris Hilkia, Aikam pikinini bilong Shaphan, Akbok pikinini bilong Micaia, Shaphan saveman bilong Lo na Asaia wokman bilong em, i tok, ¹³ " Go na toktok wantaim God Yawe long me, na long olgeta lain manmeri bilong Juda, olsem toktok bilong dispela buk ol i bin painim. Bikpela belat bilong Yawe bai i kamap long mipela long wanem ol tumbuna bilong mipela i no harim toktok bilong dispela buk na bihainim wanem samting ol i raitim lo mipela i mas bihainim." ¹⁴ Orait Pris Hilkia, Aikam, Akbor, Saphan na Asaia i go long Profet Hulda, meri bilong Shallum pikinini bilong Tikva pikinini bilong Harhas, wasmeri bilong ol klos, em i save stap long Jerusalem na ol i toktok wantaim em. ¹⁵ Em i tokim ol olsem, dispela em God Yawe, God bilong ol Israel i tok olsem.Tokim man husait i salim yu i kam long mi, ¹⁶ Dispela em i wanem God Yawe i tok, lukim, mi bai bagarapim dispela ples na hap yu stap lo en, bihainim olgeta tok ol i raitim long dispela Buk King bilong Juda i ridim. ¹⁷ Bilong wanem,ol i givim beksait long mi na mekim ofa i go long ol arapela God, olsem na ol i putim bikpela belat long mi long ol samting nogut ol i kamapim, olsem tasol belat bilong mi bai i kamap long dispela ples na em bai i no inap pinis. ¹⁸ Tasol long King bilong Juda, husait i salim yu long toktok wantaim God Yawe, em wanem yu mas tokim God Yawe. God bilong Israel i tok olsem , long ol toktok yu i harim, ¹⁹ Bel bilong yu i stap isi na yu daunim yu yet aninit long God Yawe, taim yu harim ol tok mi i mekim long dispela ples na hap yu stap long en olsem bikpela bagarap na hevi bai kamap na yu burukim klos bilong yu na krai nogut tru. Mi harim yu, God Yawe mi tokaut. ²⁰ Lukim, mi bai putim yu long hap bilong ol tumbuna bilong yu wantaim bel isi na ai bilong yu i no inap lukim ol bagarap i kamap long dispela ples. Orait ol man i kisim tok i go bek long King.