20 ¹ Long dispela taim, Hesekia i sik nogut tru na stap long mak bilong dai. Olsem na Aisaia pikinini bilong profet Amos i kam long em na i tokim em, "God Yawe i tok, 'Stretim haus bilong yu, long wanem yu bai dai na yu i no inap stap laip.'" ² Bihain ,Hesekia i tanim pes bilong em i go long wol na beten long God Yawe na i tok, ³ "Plis, God Yawe, yu bin tingim mi taim mi bin wokabaut long ai bilong yu wantaim olgeta bel bilong mi na mi bin mekim gutpela pasin long ai bilong yu." Olsem na Hesekia i krai strong moa yet . ⁴ Aisaia ino go yet autsait long namel bilong banis na tok bilong God Yawe i kam long em, i tok olsem, ⁵ "Tanim bek na tokim Hesekia, lida bilong ol manmeri bilong mi. 'Dispela em i wanem God Yawe, God bilong tubuna bilong yu Devit, i tok olsem, "Mi harim beten bilong yu na mi lukim aiwara bilong yu. Mi laik oraitim yu long namba 3 dei na bai yu go antap long haus bilong God Yawe. ⁶ Mi bai surukim narapela 15 yia long laip bilong yu. Mi bai kisim bek yu na dispela biktaun long han bilong king bilong Asiria. Mi bai banisim dispela biktaun long gutpela bilong mi na wokman bilong mi, Devit.'"" ⁷ Olsem na Asaia tok, "Kisim sampela fig i kam." Ol kisim kam na putim long sua bilong em na em i orait. ⁸ Hesekia askim Aisaia, "Wanem mak bai God Yawe soim olsem mi bai orait na bai mi go antap long haus lotu bilong God Yawe long namba dei?" ⁹ Aisaia i bekim tok,"Dispela em bai mak bilong yu i kam long God Yawe olsem God Yawe yet bai mekim ol dispela samting, Em yet i tokaut. Bai seido bilong san bai go pas 10 -pela lek mak, o go bihain 10 -pela lek mak?" ¹⁰ Hesekia i bekim tok, "Em isi tru long seido bilong san bai igo pas 10 -pela lek mak. Olsem na maski, larim seido bilong san i go bek 10- pela lek mak." ¹¹ Olsem na profet Aisaia i singaut long God Yawe na em i mekim seido bilong sani surik i go bek 10- pela lek mak i go bihain antap long leta bilong Ahas long ples bipo em i stap long en. ¹² Long dispela taim, Maduk Baladan,pikinini man bilong Baladan, king bilong Babilon i harim olsem, Hesekia i sik na em i salim pas na sampela presen i go long em. ¹³ Hesekia i harim toktok bilong dispela pas na em i soim ol man i bringim pas i kam long em, olgeta gutpela samting insait long haus olsem silva, gol na ol paura na sanda wel, na olgeta samting bilong pait insait long haus kago bilong em. Hesekia i no haitim wanpela samting insait long haus bilong em o kingdom bilong em long ol. ¹⁴ Bihain profet Aisaia i kam long king Hesekia na askim em, "Ol dispela man i tok wanem long yu na ol i kam long wanem hap ples?" Hesekia i tok, "Ol i kam longwe tru long ples Babilon." ¹⁵ Aisaia askim em, "Ol i lukim wanem samting long haus bilong yu?" Hesekia i bekim tok olsem , "Ol i lukim olgeta gutpela na bikpela prais samting long haus bilong mi. Mi no haitim wanpela gutpela samting bilong mi long ol." ¹⁶ Olsem na Aisaia i tokim Hesekia, "Harim dispela tok bilong God Yawe; ¹⁷ 'Lukim ,taim i wok long kam nau bai olgeta samting long haus bilong yu na olgeta samting ol tumbuna bilong yu i bin bungim long em i kam inap nau, ol lain Babilon bai kisim olgeta na nogat wanpela samting bai i stap, God Yawe i tok. ¹⁸ Ol pikinini man, yu karim long em na yu yet kamap papa long ol, bai ol i rausim ol pikinini man bilong yu long han bilong yu. Ol bai mekim ol pikinini man bilong yu i kamap bikman long haus bilong king bilong Babilon. ¹⁹ Bihain, Hesekia i tokim Aisaia "Dispela tok bilong God Yawe yu autim long mi i gutpela tru." Em i ting,"Ating bai nogat bel isi na pasin bilong stap wanbel long dei bilong mi?" ²⁰ Na long ol narapela samting i toktok long Hesekia, long taim em i gat strong long em, na em i bin mekim raun wara na rot bilong pulim wara i go long biktaun, ating ol ino raitim long buk bilong ol samting i kamap long ol king bilong Juda? ²¹ Hesekia i dai na ol i planim em wantaim ol tumbuna bilong em na pikinini man bilong em, Manase i kisim ples bilong em na i kamap king.