15 ¹ Long 27 yia bilong Jeroboam king bilong Israel, Asaria pikinini man bilong Amasia kamap king bilong Juda na i bosim ol. ² Asaria em i bin 16 yia boi taim em i kisim pawa na posim ol na em i stap 52 yia long Jerusalem. Mama bilong em i Jekolia na em i bilong Jerusalem. ³ Em i bin mekim ol gutpela pasin long ai bilong God Yawe, olsem papa bilong em Amasia i bin mekim. ⁴ Yet ol i no bin rausim ol ples bilong lotuim ol giaman god, ol manmeri i go yet long mekim ofa na kukim ol ofa bilong givim gutpela smel long dispela ples. ⁵ God Yawe i larim hevi i kamap long em wantaim sik leprosi i go inap long dispela taim em i bin i stap long narapela haus na em i dai. ⁶ Ol arapela samting tu Asaria i bin mekim, ol pasin bilong em, ol i bin raitim long buk bilong ol king bilong Juda. ⁷ Orait Asaria i dai na i go malolo wantaim ol tumbuna bilong em; ol i bin planim em wantaim ol tumbuna bilong em long biktaun bilong Devit. Jotam, pikinini man bilong em, i kisim ples bilong em na i kamap king. ⁸ Long 38 yia bilong Asaria king bilong ol Juda, Sekaraia pikinini man bilong Jeroboam i bosim Israel long Samaria inap 6-pela mun. ⁹ Em i mekim pasin nogut long ai bilong God Yawe, olsem ol papa bilong em i bin bihainim. Em i no go longwe long ol sin bilong Jeroboam pikinini man bilong Nebat. ¹⁰ Salum pikinini man bilong Jabes i pasim tok wantaim ol man long bagarapim Sekaraia, ol i bihainim em i go na holim em long Ibleam na kilim em. orait em i kisim ples bilong em na i kamap king. ¹¹ Ol arapela samting Sekaraia i bin mekim, ol i bin raitim i go daun long buk bilong ol king bilong ol Israel. ¹² Dispela em tok God Yawe i bin mekim long Jehu, em i tok, ''Ol tumbuna bilong yu bai sindaun long sia king bilong Israel inap long 4 pela lain tumbuna. ''Dispela em wanem i bin kamap. ¹³ Salum pikinini man bilong Jabes i stat long bosim ol insait long 39 yia bilong Asaria king bilong ol Juda, em i bosim ol Samaria long wanpela mun tasol. ¹⁴ Menahem pikinini man bilong Gadi i lusim Tirsa na i go antap long Samaria. Long hap em i kirapim pait long Salum pikinini bilong Jabes, long Samaria. Em kilim em na kisim ples bilong em na kamap king. ¹⁵ Long ol arapela samting Salum i bin pasim tok wantaim ol hait tingting em i bin kamapim, ol i bin raitim insait long buk bilong ol king bilong ol Israel. ¹⁶ Orait Menahem i kirapim pait long Tipsa na long ol lain husait i stap long dispela hap na long ol boda i raunim Tisa, long wanem ol i no tok orait na larim em long kisim dispela biktaun, olsem na em i kam na pait na em i katim bel bilong ol meri i gat bel long dispela taun na ol i dai. ¹⁷ Long 39 yia bilong Asaria king bilong Juda, Menahem pikinini man bilong Gadi i stat long bosim ol lain Israel; em i bosim ol inap 10-pela yia long Samaria. ¹⁸ Em i mekim ol pasin i no stret long ai bilong God Yawe. Long olgeta taim long laip bilong em, em i no go longwe long ol sin bilongJeroboam pikinini man bilong Nebat, husat i kirapim ol Israel long mekim sin. ¹⁹ Orait Pul king bilong Asiria i kam pait long dispela ples na Menahem i givim Pul 1000, silva, olsem bai Pul i stap beksait na strongim kingdom bilong Israel long han bilong em. ²⁰ Menahem i laik bosim ol dispela man i kam long ol lain Israel bihain long em i makim wanwan mani man long baim 50 sekel bilong silva long em na em bai givim i go long king bilong Asiria. Olsem na king bilong Asiria i lusim ol na i go bek na em i no sindaun long graun bilong ol. ²¹ Ol arapela pasin Menahem i kamapim na ol samting em i bin mekim, ol i bin raitim insait long buk bilong ol king bilong Israel. ²² Oslem na Menahem i dai na i go malolo wantaim ol tumbuna bilong em na Pekahia pikinini man bilong em i kisim ples bilong em na i kamap king. ²³ Insait long 50 yia bilong Asaria king bilong ol Juda, Pekahia pikinini man bilong Menahem i stat long bosim Israel long Samaria; em i bosim ol long tupela yia. ²⁴ Em i mekim ol pasin i no stret long ai bilong God Yawe. Em i no givim baksait long ol sin bilongJeroboam pikinini man bilong Nebat, bihain long em i mekim ol Israel long mekim sin. ²⁵ Pekahia i gat wanpela ofisa nem bilong em Peka pikinini man bilong Remalia i pasim tok long daunim em. em wantaim 50 man bilong Gileat, Peka i kilim Pekahia olsem em i bin kilim Arkob na Arie long Samaria, insait long ples hait long haus bilong king. Peka i kilim Pekahia na i kisim ples bilong em na i kamap king. ²⁶ Ol arapela pasin bilong Pekahia, ol samting em i bin mekim, ol i bin raitim long buk bilong ol king bilong ol Israel. ²⁷ Long 52 yia bilong Asaria i stap king bilong ol Juda, Peka pikinini man bilong Remalia i stat long bosim Israel long Samaria; em i stap 20 yia. ²⁸ Em i mekim ol pasin nogut long ai bilong God Yawe. Em i no i go longwe long sin bilong Jeroboam pikinini man bilong Nebat, husat i kirapim ol Israel long mekim sin. ²⁹ Long taim bilong Peka i stap king bilong Israel, Tiglat-Pilese king bilong Asiria i kam na i kisim Ijon, Abel Bet Maka, Janoa, Kedes, Haso, Gileat, Galili na ol graun bilong ol Naptali. Em i kisim ol manmeri i go long Asiria. ³⁰ Olsem na Hosea pikinini man bilong Ela i pasim tok hait long daunim Peka pikinini man bilong Remalia .Em i pait long em na i kilim em. Na em i senisim em na i kamap king, long 20 yia bilong Jotam pikinini man bilong Usia. ³¹ Long ol arapela pasin bilong Pekahia, ol samting em i bin mekim, ol i bin raitim long buk bilong ol king bilong Israel. ³² Long namba tu yia bilong Peka pikinini man bilong Remalia, king bilong Israel, Jotam pikinini man bilong Asaria, king bilong ol Juda i stat long bosim ol. ³³ Em i winim 25 yia taim em i kamap king na em i bosim Jerusalem long 16 yia . Nem bilong mama bilong em i Jerusa; em i pikinini meri bilong Sadok. ³⁴ Jotam i mekim gutpela pasin long ai bilong God Yawe. Em i bihainim ol pasin bilong papa bilong em Asaria i bin bihainim. ³⁵ Olsem na, ol ples bilong lotuim ol God giaman i stap yet. Ol manmeri i mekim ol ofa wantaim ol ofa bilong kukim smel long ples bilong lotu, Jotam i wokim ol bikpela ol dua long haus bilong God Yawe. ³⁶ Ol arapela tingting na pasin bilong Jotam na ol samting em i bin mekim ol i bin raitim long buk bilong ol king bilong ol Juda. ³⁷ Long ol dispela taim God Yawe i stat long givim baksait long Juda Resin king bilong Aram na Peka pikinini man bilong Remalia. ³⁸ Jotam i dai wantaim ol tumbuna bilong em na ol i planim em wantaim ol tumbuna bilong em long biktaun bilong Devit, tumbuna bilong em. Ahas, pikinini man bilong em i kisim ples bilong em.