3 ¹ Dispela tok em inap long ol manmeri i ken bilip long en. Sapos wanpela man i laik kamap hetman bilong sios, orait em i laikim gutpela wok. ² Olsem na dispela hetman bilong sios i no ken i gat asua. Em i mas i gat wanpela meri. Dispela man i mas stap namel na i gat wanpela tingting, stretpela pasin na luk save long olgeta manmeri. Em mas i gat pasin bilong skulim ol narapela lain. ³ Em mas i no ken i gat pasin bilong spak,na hariap long pait, em i mas i gat pasin bilong givim bel na laikim ol narapela lain,na em i no ken laikim tumas mani. ⁴ Em mas i gat pasin bilong lukautim ol samting long haus bilong em gut , na ol pikinini tu mas i gat pasin bilong harim tok na bihainim em. ⁵ Sapos wanpela man i no save gut long lukautim ol samting bilong em yet, orait olsem wanem bai em i lukautim sios bilong God? ⁶ Em mas i no ken wanpela nupela tanim bel, na em bai pulap wantaim pasin bilong apim em yet, na pundaun long sin olsem satan. ⁷ Em mas i gat gutpela pasin wantaim ol lain autsait, long wanem  em bai i no inap pundaun long mak bilong asua na trep bilong satan. ⁸ Ol hetman, bilong sios tu mas mekim wankain pasin, wokabaut stret, na no ken mekim tupela toktok. Yupela mas no ken drink planti wain o i gat pasin bilong laikim tumas. ⁹ Ol i mas bilip long tok tru na save long wanem samting em i tru wantaim stretpela tingting. ¹⁰ Ol tu i mas kisim tok orait pastaim, na bihain ol bai mekim wok bilong wanem ol i nogat asua. ¹¹ Ol meri tu i mas i gat pasin bilong wakabaut stret na ol mas no ken i gat pasin birua. Ol i mas stap namel na stap tru long olgeta samting ol i mekim. ¹² Ol hetman bilong sios i mas i gat wanpela meri tasol. Ol mas lukautim ol pikinini bilong ol gut tru na olgeta samting bilong haus. ¹³ Husait ol i bin mekim gut long ol yet, ol i sanap strong na i gat strongpela bilip na ol i stap tru long bihainim Jisas. ¹⁴ Mi raitim ol dispela samting long yu, na mi gat tingting long kam long yu klostu taim. ¹⁵ Tasol sapos mi no kam, mi raitim bai yupela i ken save na stap insait long haus bilong God, em i sios bilong God i stap laip oltaim oltaim na em ol strongpela bilip manmeri bilong tok tru. ¹⁶ Em i hat tru long haitim tok tru na pasin bilong God i antap tru. " Em i  kamap wantaim bodi, Holi spirit i tokaut klia, ol ensel i lukim, tok aut namel long olgeta hap long olgeta kantri, na olgeta hap graun i bilip long em, na em i bin i go antap long Heven insait long Glori ".