2 ¹ Olsem na nambawan samting, mi laikim yu putim ol kain askim olsem, ol prea, yu makim ol manmeri na beten, na givim tenkyu bilong ol manmeri i go long God, ² Prea long ol King na ol gavman, long yumi i ken stap bel isi na sindaun gut, na ol pasin God i laikim na pasin em i gat gutpela nem. ³ Dispela pasin em i gutpela na em i orait tru long ai bilong God, man bilong kisim bek yumi. ⁴ Em i gat strongpela laik long olgeta manmeri long kam bek long em na save long as bilong tok tru. ⁵ Long wanem i gat wanpela God , na i gat wanpela namel man tasol long God na long man, na dispela man em i Krais. Jisas. ⁶ Em i givim em yet olsem peman bilong olgeta man, olsem testamoni long rait taim stret God yet i makim. ⁷ Long dispela as, God yet i makim mi long kamap man bilong autim gutnius olsem aposol. Mi tok tru. Mi no giaman. Mi tisa bilong ol lain i no Juda long pasin bilong bilip na tok tru. ⁸ Olsem na mi laikim olgeta man long olgeta ples long apim holi han bilong ol, long prea na noken belhat na kros pait. ⁹ Long wankain tingting, mi laik ol meri i ken putim naispela na gutpela klos, long karamapim gut skin bilong ol na lukautim ol yet gut. Ol i no ken stailim grass bilong ol, o putim gol, o bis na ol klos i dia tumas. ¹⁰ Mi laikim ol meri long bilas gut wantaim ol klos inap long karamapim gut skin bilong ol na bilas gut na dispela bai tokaut long pasin God i laikim na tu soim ples klia gutpela pasin bilong ol. ¹¹ Meri i mas lainim long stap isi tru na stap aninit olgeta taim. ¹² Mi no larim ol meri long skulim ol narapela, or stap het bilong man, tasol em i mas i stap isi tru. ¹³ Long wanem God i wokim Adam pastaim, na bihain Ive. ¹⁴ Satan i no giamanim Adam, tasol em i giamanim Ive na em i kamap meri bilong brukim lo. ¹⁵ Olsem na, God bai kisim bek ol meri long wok ol mekim bilong karim ol pikinini, na tu sapos ol i strong long holim pasin bilong bilip na pasin bilong laikim; na i stap klin wantaim gutpela tingting.