1
Pol, ngai Takauni sinan urat geak, ge Yesus Kristus sinan apostel ran,Takauni sinan tamotpain bubendi sakar ngupanai siyak,ge ruw rumok ngalong yak, ge Takauni sinan tureng ida seka yaw siyak,
2
ge madok uyan so tiya siyak, Takauni so itubalad siyak, digen mon ipanad o ibol ge yens siyak.
3
Yak ge sinan nal a mok, in sinan ruw walal igiy ge ngai urat en in buben da mok ipanag. Takauni yak id ninged o imat man idinag.
4
Ong Titus, konok tamot uyan bube sakar mok, Takauni id Tamad ge Kristus Yesus id ilingiad man sinandi balai ge ilondi uyan ong siria yaws.
5
Urat en geiy o ngai ong Krit a ngibiliyo,melmel so itaur mandi kibinai pe itaur dip, tamot titakau siti fuduwan ilondia suwtai man di, Takauni sinan dawai panaiy, ngai sule ngupano mago.
6
Tamot urat igeiw yak magan, in, tinina ruw tiya, iwon sekmon,diringaman ruw dilong do di so digei so digeila siyak.
7
In urat takau, Takauni sinan tamotpain ituruwai yak,gufona ge tinin a ruw-tureng saiyandi yak so dite mon. In girager so igeiy siyak, brika tingen so yens siyak, yauw sakar so ilumi siyak, ge in tamot melmel so ipurnisiyak.
8
In gurop tamot low yabi siyak,ge ruw-tureng uyan man mon in ilon ibol siyak.In ilon itaur mon yak,Takauni sinan tureng iri do uyan mon imados siyak ge sibentinin alou ipani siyak.
9
In Takauni sinan ruw-urat sinan sule muga ingo ne mangon,in yabi sakar,dipe in gurop tamotpain sule uyan ge sakar ipanai,dipe ainta di awan disupasi duman ilondi ibuliw.
10
Tamotpain kurum mok ruw disupasi do ruw nungonditiya mandi ge,ruw tubalek yak tamot-diringak utindi silingon dituri diman o dibol yaws.
11
Di mago digiy do,sule miyainiandi duman,tamotpain diringak fona dininuai diman, di so digei uyak, digei.
V 12 Sibendi sinandi profit ran muga ibol, ''Krist anen di tubalek mandi sayan, bor-gaun ge kalis mandi sayan yak''.
13
Ruw ibol en in rumok yak mago gufonag ong dawai geip, ilondi buli, pe bubendi sakar ingane.
14
Dipe di yudaman sinandi niro ge,tamotpain ruw rumok dibiling ditor diman,awandi so diri mon.
16
Di walal a dibols, di Takawni sinan dilong,ge,aini ya,di sinandi tureng fona.In ditubalis. Di gulomandi sayan,ge,ruw so dilong siyak.Di urat sek uyan yak so digiy anen.