¹ Ge ong,ubol yaup sakar utur ruw mangandi ilon. ² Tamot dinowmandi sule panaiy pe di sibendi tinidi gaipe idup, pe sibendi tinid guluman digaiy pe,gayap ilond sakar,pe bubendi sakar urat mangandi mago siben digaiyp yauw. ³ Pain dinowdinow sekamon sibendi tinidi diyabip idu sinandi kagin a,sakar mok ditur pe. gigek yaouw sina urat gaik so disaidu mon,ge di disaidup melmel uyan mangandi sinandi tisa uyak. ⁴ Dal enfona di gorop sinandi kakampain dipitingai uyak pe,sinandi iwondi tamot uyak ge, sinandi biringak, ⁵ ge gorop ilondi uyan man ge,nun tia gaig ge,di abb ilon dituwi lok uyan uyak pe,iwondi tamot uyak didurwai lok uyan pe paiyndiya gorop Takauni sinan ruw so dunuwi uyak. ⁶ Dal sek enfona, kakam urat tureng apayaiy pe ilondi uyan igaiy. ⁷ Dal fuduwanmon sibe tini wala gaip pe umug so urat ta mangandi ilondi ya.Ong sinan sule panaiy a,ruw romok itaur uyak pitingai,ong yanga sa idu mon. ⁸ Ge ruw itaur mandi mon ningendiwo ubol patu paik ge tinge sayan,pe aita in ong sina ruw naun igaiy siak gorop miyaiy ifuni uyak meltawo di muga ruw tia id ningedo dibolo. ⁹ Urat gaiyik sule panaiy pe sinadi urat taman awan dilong urat biyabiiy fuduawan ilona, pe ilondi igaiyp uyan uyak pe tingendi saiyan pe dida so dipaumon. ¹⁰ Diya kitkit sumokta digimon, pe pitngai dite bube sakar mangan gorop, dal fuduwan ilona di sinandi sule fona takauiyak jesus diau dipanai uyak. ¹¹ Takauni sinan ilon melmel tureng fuduwan mon muga isaidu pe tamotpain tan ena ilingyaiy uyak. ¹² Id ipitingads,pe id tamoi uyak iulod sakar tanen latena sinan ilo insaisa melmel sek fona,id gorop tumado uyak pe sibed tinid titurwi uyak sinad baras ilona ge Takauyak sinan dal a. ¹³ Pe id abang titep yauw dipe tu subuni pe tingane sinad ilod sakar,ge man sinad takauyak ge Takauni in ilingiad man Yesus Kristus sinandi melmel balai mangandi ipalup isaidup tinganew uyak. ¹⁵ Ruw endi ningendiwo abol,pe tamotpain ruw payaiy dilong pe urat digai,ge itaur uyak panaiy sinan uyan yak fon.Biliyaiy pe ong a ilondi so igaiy mon.