¹ Hamia Kotira mapu Yesusi Karaisira su-e mvasasa toharena. ² Aisaihava asoma nrianri kuara ravandena-i vaiva tiso, akate nee ni toruari kuari vaindira soko. Mmi vaindiva davave nii hataru vio avu avu siariva. ³ Hasara mmovano umina vai mmatara indairo nrio tiso, Nronrani hatoru avu avu siate, su-emase avu avu mandate. ⁴ Soniva nrase ora umina vai mmatarasa nrampu mio, kotira kua timamio tiso nena vura tu-anda inda narampu varevao ni kora sai-a ra-usarive. ⁵ Hesa Suda ina nrase oravanova-a Serusarem inasava-a horo mia akanae. Hitasisanda hisa neri kora sai-a tima oh-a siavaro hisa nrambu Sodani-i nrambu mminae. ⁶ Soniva mburu-a kameri sauhi-o su-emandana hututero, kikapa-o nai tavarana rumbato, hiva kakumava-amaso kavuri hana-inanra va-ama nrenave. ⁷ Hiva sague amaso hita tiso, "Vaindi mmovano vai-a ni nrandara nrianaove, mmia sague hiva ni sague va-a satarevave. ne orasiokavave he iyo ama mmia su-u indai sana mmia su-u tatatutena ra-uane. ⁸ Ne ni niane ati nrambu-o ni mmioko, hiva vai-a sotuta mmanra-unra sague -o ni nrambu mmianahove. ⁹ iyo mmi hisararava nrisao, Yesusiva Nasareti mmata Gariri-i nrisa-o, Soniva nrambu Sodani-i mmia nrambu mmine. ¹⁰ Yesusiva nrambu varaso iyo akesaho nau mmatusa vano handuesaro Sotuta Manra-unravano mmia-i kuri votimmaso tunine. ¹¹ Nruna mmovano naunridairotunio tiso, mmia ni nra-inra tuananrarava, mmianra orama ni mundusa vaiso. Ne mmianra mmo-aroko. ¹² Mminando mmia, Sotuta Manra-unravano mmia vito he vaindi variana-i vine. ¹³ Yesusiva 40 hisara umina vai mmatara-i varisaro, sataniva nruma mmia hamatene.Hiva wagusa-i paati ama varia vaikurisa va-a varisaro Kotira ensorivano tuma yesusira saho-ene. ¹⁴ Nrambu mmina Soninra mmia tavatakuse karavu nrau-i vatavo, Yesusiva Gariri-i nrumaro Kotira kua timma oh-a sio, ¹⁵ hitatiso, "Hisarahiva mate ovarasiso. Kotira mmatusa hiva mmata-a ovarasiananrove, nena vura tu-anda-i su-e mmasasa mmianra utave iyate." ¹⁶ Yesusiva nrambu sanrera Gariri tosa'i nriva, tara tata vase Saimoisa Endurusa tana akene. Mmi tana neri vahe nrambu'i senda variavo,na'amave mmitana nrosana vara vaindi tanasave. ¹⁷ Yesusiva mmitana timma mmio hita tiso, ne tatana nrinda ni vatate, nee va'a vaindi vitana ni taravitane. ¹⁸ Ammanramase mmitana neri vahe se mmia vatanave. ¹⁹ Yesusiva pata'a sesa'asa viva, horo Sebedira nra'inra Semsirava'amaso Soninra mmia ata vasaa va'ama akene. Mmitana vari neri vahe vari avu avu siane. ²⁰ Yesusiva mmitasananra mahe tisanda neri ora Sebedirava'a mmia sai'a vaindi hisava'a senda nri Yesusira vatane. ²¹ Hisa matusa Kapenammu'i manra hisarasa nrumaravaro, Yesusiva Suda mmanra nrau'i horo mmanra kua hisa timmamine. ²² Hiva nrutuva'a siasa vano timammianemaso tisanda hisa orama nrisarasiavo, hiva vaindi nrutuva'asiva tinemaso iso ,he kua manra iya vaindisa votisiso. ²³ Mina vaindi mmovsno Suda mmanra nrau'i variva, kora manra'unra va'a siva sague amaso hasararo, ²⁴ hita tiso, te va'a na hinraindave risa hutuarana Nasareti'i na vaindi Yesusio? Ohh re ti vara orasianerave nriaro? Te rapihoro re ndavavesiaro. Re Kotira Nra'inra Tasu'uarava. ²⁵ Yesusiva sague amaso hasararo mmanra'unra korasiasa hisara tiso, ne he kua iyate, mmia senda mma'anri tunikuate. ²⁶ Mmia mmi manra'unraava hiva mmia vara mmatasaso,mmino mmia so sague ama hasararo mmia tutaso vine. ²⁷ Hesana nrase ora mmia ake orama nrisara sinda, nai nai saparari iyavo, "Hammia na hinraindave siso? Ohmmia nai mmia kara kuave siso? ²⁸ Manra'unra korasiasava'a mmia kua rienda kuavo!" Gariri'i mmi kuava hiva hesana mmata'i vine. ²⁹ Mmina hisa Suda manra nrau se mma'anri tunuasa, hisa Saimonisa, Edurusa , Sonisa nrau'i kuane. ³⁰ Yesusira timmammi, mmia disaipolivano iyavo, Saimoninra nrata nrova nri'a virara nronra varo variso. ³¹ Hita sisaro Yesusiva nruma mmia sa'usa tio mmia hurumase.Mmi'anra mmia nri'aviva mmia tutasesaro, hiva hisani vusara terasi. ³² Mmi hisarara huari viosesanda, neria neria mmo nri'avira mmo nri'avira va'asiasa va'a, mmanra'unra korasina va'a siasa vite nriane. ³³ Hsana nrase ora mmatusa mmi'inasa nruma nrau enga mmino kuairasiane. ³⁴ Yesusiva va'ara nrase ora mmo'anra mmo'anra sii nri'avirarava'a siasa saho asio mmanra'unra korasiasa ra'iyo, mmia he sesanda manra'unra korasiasa hisa kua iyane, na'amave hisa mmia rapihiavo. ³⁵ Yesusiva to'ammundusa'i he ruvahesaro diosero, mmata mmo'i horo vario nunammu tine. ³⁶ Saimonivava'a hinri mmia disaipori hisa va'a Yesusirara wasiane. ³⁷ Hisa mmia ake , mminra iyavo, "Hesana nrase ora riara wasiavo." ³⁸ Yesusiva hita tiso, "Te nriva'e mmo mmatusari kuare, ne vai'a Kotira kua timma oh'a sianaave. Na'amave ne mmia hosarara hammi'i nrioko." ³⁹ Yesusiva hesa'ama mmatusa Gariri'i nrosirero Kotira kua Suda mmanra nrau'i timma oh'asio mmanra'unra korasiasa ra'ine. ⁴⁰ Waindi mmo tauma va'a siva nruma nai tori tari hapundaso Yesusirara saparario tiso, "Iyo ri mundusa vasirondera mmia, nii nrunga mmatane." ⁴¹ Vura mundusa indairo bootio,Yesusiva sa'u mmiasa vato mmianra tiso, "Nii iyo mundusa vaivavano mmia ri nrunga mmtateso. ⁴² Mmi'anra mmia tauma hiva tai'esaro hiva iyo'asine. ⁴³ Yesusiva vaivarara kua sague amaso tio mmia titesaro viso. ⁴⁴ Yesusiva mmia timmammio tiso, "He vaindi mmo timmammiane ha hinraindava risa ovarasina,haro kotirava-a vari kua iya vaindisa hisa taravite risao-onamianra suemave iyane rera mamanasa, Mosesiva tinema, Nronra vano ri saho-eva hiva vai-a iyo hisa-i kuarive. ⁴⁵ Hiva horo hesana nrase ora timamiso na hinraindave Yesusiva miasa hutina mia. Hitasisaro Yesusiva he matusa nronra mo i viso. Hiva horo maata mo tnatusa mia sesari vaina-i varisanda hesana mata-inda va-ara nrase ora mia nraini nriane.