¹ Mmo hena ena Yesusiva Kapenamu'i vine. Hesana vaindi nrase ora vano riane Yesusiva nrau'i varina. ² Iyo va'ara nrase ora vano nrinda kuairasinda siavao nrau ega'i heva'a iyo variva mmatava'a vaine. Yesusiva su'e kua hisa timmamminae. ³ Vaindi mmo siasa Yesusira nrainianra vaindi mmo su'u sa'u hesa utina; tarama tarama vaindi vano mmia tainasa vatenda varenda nrianae. ⁴ Mmisa he iyo nrau'i Yesusira nra'asa viva vaune na'amave va'ara nrase ora siavanda, hisa hirirara Yesusiva varinandai ra'use vaindi su'u sa'u utina mmia taina va'a savaro tunine. ⁵ Yesusiva mmianra utave iyana ako su'u sa'u uti vaindirara tiso,"Mapuho, ri kora sai'a taunrusoko." ⁶ Mmosisa hindutasia vaindisa hesana kua hosara rapihasa mmisava'a mmatasa varinda sato tinda variane. ⁷ "Ndatatiove ha vaindiva hiva mmita kua mmia tiso! Mmiva Kotira mmo'ana kua tiso, he iyo vaindi mmo vano korasai'a hutina ra'uanahove. Kotiva guavano iyo mmia ra'uanove?" ⁸ Ammanramaso Yesusiva hisa vura vusato'i hindutasio tis, ne nanrave mmianra vusato tuavo? ⁹ Na kuavanove ihasama vaiso vaindi su'u sa'u utivaho, 'ri taunru mmatoko, diakuane, rera tariva'a vare kuane'? ¹⁰ Ne hindutasiate vaindi nra'inra vano hesana sagueva'a sivave mata aino ivai vaindivano utina io taunusanaove. Yesusiva vaindi su-u sasu vano utuina mia timamio. ¹¹ "Yesusiva mmia timmamio tiso re diakuane, dia rera tainava'a vare rera nraunri kuane." ¹² Hiva mmi'anra mmia diovio nai tariva'a varo, hesanasa vusa nrau'indo nrammemanro visanda, hisa hesa mmo'are Kotira nrutu tuaherenda iyavo," Te he iyo mmo hinrainda hatasina akoranave." ¹³ yesusoiva mmi mmatusara so nambu sanrenrasa visanda nrase ora va'aravano mmia nraini nriane, hiva hisa kua timma o'a sine. ¹⁴ Mmiva vio vario akesaro Rivaiva Arviusira mmapuvano vario takisi varesaro mmianra tiso, "nria ni vatane." Hiva nrio mia vatene. ¹⁵ Yesusiva Revira nrau'i sara nresanda va'ara takisi varasava'amase korasai'a hutuasa va'a miava'amase mia disaiporiva'a vari sara nranae, hisa va'aravano mia vatane. ¹⁶ kua hosara hindutasia sava'a Varisivano ako varo Yesusiva kora sai'a huti takisi varasava'a vari sara nresanda, hisa disaipori'ara iyavo,"Datatiove hiva kora sai'a huti takisi varasava'a vario sara nreso?" ¹⁷ Yesusiva mi kuara riero hiva hitama misa timamiso, "Vaindi nrase ora vano hisa mamanavano sague asiariva miva he iyo totanrai kuanahove; dasave nri'avisa nrasu vive. He ne avu avuma variasara tunuokavave, korasai'a hutuasara tunuokavave." ¹⁸ Sonira vata vaindisava'a varisi vanova'a sara nronra nrane. mmo sia vaindisa nruma mianra iyavo, "Datamave Sonira vatasa va'amase Varisi vatasa va'a kuairasi sara nravo?" ¹⁹ Yesusiva hisara tiso,"Nrase varano iyari vaindiva he variranda iyove nrase ora hisa nruma kuairasiva? Nrata vati varano tiva variranda mia sara nreve, he siranda mia he nreve. ²⁰ Hisara mo nrianahove vai'a nrata varano iyari vaindiva hisa so viranda, mi hisara mino hisa sara nreve. ²¹ He vaindi mo vano nraa buru'asa karaa buru'a vato aa'irasinaove, karaa vatarava hiva va'a nraa mia rarata nronrama sanove. ²² He vaindi mo vano kara waini varaso torua waini nringa i vatanarove, vai'a waini hiva nringa mia hanaseraho mi i kuairama vinda raubiri sivave. Hita sinora, kara waini mia kara waini nringa mi i vata." ²³ Yesusiva manra hisarasa witi huta'i vine, mia disaipori vano witi varane. ²⁴ Varisivano miara iyavo, "Akane, datama vaisandave manra hisarasa he hutuate iyana hisa hutuavo?" ²⁵ Hiva hisara hita tiso, "ne he tuaniane siso na hinrainda Devitiva nratasisaro hutina__hiva va'amase vaindi miava'a varisa___ ²⁶ datamave hiva Kotira nrau'i vine Abitariva iyata prisi varisaro, bereti mia ati vaindi vano he nrate pirisi vano nrasu'a nrate iyana nrenro miava'a variasava'a mmine?" ²⁷ Yesusiva tiso, "Manra hisara hiva vaindiara vaine, he vaindivano manra hisara mianra variane. ²⁸ Vaindi Nra'inra hiva Nronrave, Manra hisara miava'a.