¹ Ari kam ginamur emayta na tihiqiyan Meri Mekdalin teq Meri jems anan teq Salome inaq in Yesus amen masil ahuran dimun diqta na gizayim ad hodhod-ab tilehiy. ² Ari kam amilikmo tihiqiyan kam zeq gwahsa in hodhod-ab tilehiy. ³ In lehad in an bulonad kazaq bilaq yaqay nog teq hodhod aqezab gig na otbiliy daq? haqyaqay. ⁴ Ari in lehad gime leh gig yay aqez ituqan usta na tiyasiy, gig na in ayahtamo. ⁵ Ari in lehadmo hodhod aduginib tugwahtiqiy, gwahtiqimmo in mat araq minminta ahol tuwaqiy mat na in tubusan husta sisaqta emim giabunban ossa in ahol waqad in gihol turu nam. ⁶ Ari nab in tigibilan ne hi rabiy ham. Ne Yesus Nasaret-ibta na nagunay e? ham. Mat ayib dom woliyta na in eraqim tilah, in kab haiq, ago ban kaway ussaq ham. ⁷ Ad ne leheq disaipel bunmo gibilenad ne Pita inaqmo buloniy ham. Yesus ameb Galiliy-ib tileh ham. Ne nab leheq teq Yesus ahol tuwaq daq ham. ⁸ Haqan on na gihol ritenim harar nemsa in hodhodhulosim gwahiqim tukim tilehiy,lehad inrab titayad mat araq a hi buloniy. ⁹ Ari kam nab Yesus hodhod hulosim in danmeb Mariya uliq Makdlin ago hib tugwahtim. Kwazimo Yesus in aw ago bugaw meqinta 7nazaq gimuzta. ¹⁰ An teq Mariya lehim mataw Yesus inaq luwiyta na gaqat ginadnad emad ossa in gibilan. ¹¹ Yesus hodhhodab eraqim ossa ya aho ltuway ham.Haqan mataw na Mariya ago gamuk huritim anan helmo a hi haqiy. ¹² Abeb disaipel giger na danib lehsa Yesus ahol awaqan lul araq diq iyim in gigerab gwahtim. ¹³ Gwahtiqan giger na muleqim ta lehim disaipel ta asor na gibilenan in helmo a hi haqiy. ¹⁴ Ari kam nab disaipel bunmo humab wolim ossa Yesus gilikmanib tugwahtim. Ad Yesus in nan bilaqad in tiginadad in bilam, ne nagaqgo ya inan helmo a hi haqiy ham. ¹⁵ Ad in bilam, ne og saw bunmo lehad on mataw gibileniy ham. ¹⁶ Teq nog in anad helta ussa na yuw tawonta na huzsa God in tuwaq daq ham. Ni nog ninad helta a hi us daqta na ni hazizir-ib turdaq ham. ¹⁷ Ari mataw in tow nab gwahtiqeq in ya ibinib meqinta na tigimuz daqay ham. Ad teq in gamuk muturta bilaq daqay ham. ¹⁸ Ad teq in naga ahuliq naqta gibenab tuwaz daqay, teq in yuw meqinta uluweq in a hi moq daq ham. Ad teq in mataw meqinta na giben amalib emad in gihol tidimniy daq ham. ¹⁹ Ari Iyahta in tigibilenim tihiq iyan, in Heven-ib tugwahlah. Gwahlehim in God abenab aben aqabun ban tuqos ham. ²⁰ Ari disaipel in og saw bunmo lehad gimam abin bilaqsa gimam ago Bugaw Dimunta na in gilum sihsa in daq amo amo em yaqayta ham.