¹ Get mok azu ien, Azu me Anut mai ien, Azu me Anut. ² Azu e get mok Anut mai ien. ³ Abang dangan i inaulak. I tiap abang ta so ienoi, gazo ienime. ⁴ Ilonen bas ien, Bas me tamolpain dangan nadin lalaman. ⁵ Lalaman i mafuz ilonen itase, ge mafuz so towani. ⁶ Anut i tamol ta inaug ise, nian Johanes. ⁷ I lalaman ibol itasawoi ise, meginpa tamolpain dangan i ladin lon malikoi. ⁸ Johanes i siben so lalaman e, ge i lalaman e ibol itasawoi. ⁹ Lalaman malik i tan e lak iduwoi, i tamolpain dangan lalaman pinidinoi. ¹⁰ I tan e lak imade, siben inaulak, ge tamol iwoi so dilong. ¹¹ Inan fun panu lon ise, ge inan tamolpain iso dingale. ¹² Ge tamolpain aenta i nian oi ladin lon malik ge i dingale, i bagoz inau, i Anut nanun gaz. ¹³ I daz lon tea, o tinin lon or tamol ilon lon tea, i Anut inan ilon ibol lak lon. ¹⁴ Azu i tamol itase, id lingad lon imade. Id inan tiwon uyan, bingan me tanasi, i ai bagoz dangan i Mam lon ge ise, i kanim mok azu malik mai. ¹⁵ Johanes i bengten iwog ge egin ibol, Tamol e woi nga egin ngabol, i nga uzagpa isouwoi, ge bingan dangan, fun me i get mok imade. ¹⁶ I lon kanim uyan, kanim me lon i id dangan oi inou gauai. ¹⁷ Moses i kibeing inou, kanim, azu malik mai Kristus Jesus lon mon. ¹⁸ Tamol ta i sain ta lon Anut so inasi, i siben taimon i Anut, i taman izinen madoime, i taman inaug bengten itase. ¹⁹ Azu e Johanes inan, sain Juda gaz i Jerusalem nen pris meg Levai dinaug diseg sodoz dipani, " O etei mok? ²⁰ I Azu so imengani, i egin ibol, "nga so Kristus Jesus." ²¹ Ge i sodoz depani, "O itei mok? O Elija?" Ge i egin ibol, "Nga tea," ge faun sodoz depani, " O Profet tat?" Ge ibol, "tea." ²² Mewoi megin dipei, " O sibe oi ubol o itei, gazop am dinuamalakme nadi awan yabek ipinidin oi, O sibe oi dodin ubol oi?" ²³ Egin ibol, "Nga klagun mon ta iwog ime fatu udau abuz se lon, 'Uyanzen inan dal tiduk unau,"' profet Isaia ibol lak egin. ²⁴ Farisia gaz ainta dinaug melak dile. I egin sodoz depanig dibol, ²⁵ "O abangteoi O tamol flana, megin O so Kristus, O so Elija o profet ta?" ²⁶ Johanes i egin awadin yabig pidin, "Nga naz lon flanek ngepinidin. Ge ang langami lon tamol ta imadoime, me ang iwoi so along. ²⁷ Tamol me nga muzignen isowoi. Nga so iduse inan nian aten mol ngepasiwoi. ²⁸ Betani, Jodan naz tinin aintanen abang e ditase, Johanes flaneknen gun pinidin. ²⁹ Nal alounen lon, Johanes i Jesus ise meg inasi, Anasi ngan Anut inan Belelek Nanun i tan e inan aupasek pasinen oi! ³⁰ Tamol e woi naga ngabol, 'Tamol nga uzag ge isoime bingan dangan, i get mok imade. ³¹ Nga iwoi po so ngabol, ge nga tamol nazlon ngeflana, i bengten itasawoi, Israel inan tamolpain ilonen." ³² Johanes i bengten ibol, "nga Uz ngenasi didnen ge idu, ma bun egin, idug fonlak imade. ³³ Nga iwoi po so ngabol ge tamol it nga nuag tamol flanawoi ipaiag, "Tamol it i Uz fonlak idu, Tamol me i tamol ainta Awan Uz Gun lon flanawoi." ³⁴ Nga ngenasig ngabol, I Anut Nanun Ai. ³⁵ Alouge nal ta lon, sain Johanes inan megalaum azugen ta mai diyuz meg, ³⁶ i Jesus itoz ge ile meg denasi, ge Johanes i ibol, " Nasi me Anut inan Belelek Nanun." ³⁷ Megalaum azugen i Johanes awan dilong ge i Jesus duzi. ³⁸ Sain i Jesus duzig dile meg, Jesus idangseg sodoz ipinidin, " Ang abangtewoi lami ibol?" Ge i awan diyabi, "Rabai(inan fun'petenganek tamol') O domten madoume?" ³⁹ Ge i ipidin," Asop anasi." Mewoi dileg inan aben me denasi. i imai dimade nal me lon, fun ad matalain fo yuzalon. ⁴⁰ Megalaum azugen me ilonen ta, it Johanes awan long azu ilong ge Jesus uzig ile lak me Andreas, Saimon Petrus tain. ⁴¹ Me mizinen i tain Saimon bezanig ipai, " Am Mesias anasi,"( inan fun ' Kristus'). ⁴² I iduzig Jesus izinen ise. Ge Jesus i inasig ibol,"Saimon, o Johanes nanun. Gazop o nia Sifa deblaniwoi, (fun me egin, 'Petrus')." ⁴³ Nal alounen lon, sain Jesus Galilia nen ilawoi, i Filipus bezanig ge i egin ipai, "Nga uzag". ⁴⁴ Filipus, Andreas meg Petrus mai me fatu Betsaida inan. ⁴⁵ Filipus i Nataniel ibezanig, i egin ipai, "Tamol e Moses meg profet gaz nadin kibeing ibol lak me am anasi, me Jesus, Josef Nasaret nen me nanun. ⁴⁶ Nataniel i ipai, "Nasaret nen abang gauai ta itasenen iduse?" Ge Filipus i ipai, "Sibe usop nasi." ⁴⁷ Jesus Nataniel inasi izinen isemeg ibol, "Nasi, i Israel tamol mok, sekok so inauime!" ⁴⁸ Nataniel ibol, "O dodin nga woi ulong?" Jesus i awan yabi, "Filipus o so iwigio meg, sain o guzab ya pain lon made meg, nga get nganaso." ⁴⁹ Nataniel awan yabig ibol, "Rabai, O Anut Nanun! O Israel nadin King." ⁵⁰ Jesus i awan yabi, "Ngawoi ilo lon malik, abantewoi nga owoi azu e ngabol, 'Nga o ngenaso guzab ya pain lon?' O abang uyan uyan e nanazi lak me nasiwoi.'" ⁵¹ Jesus ibol, "malik mok nga ngepau, o nasiwoi, did auan fuep Anut inan engel didu dimul oi, Tamol Nanun fonlak.