¹ E me sain tolgen nga ang ziminen ngase. "Abang dangan ditaselak me gazop tamolpain azugen o tolgen audinlon itasawoi." ² Nga get angngapayang sain nga imug ge ngaselak, ge gazo e nga so ngamadelak nga azu gunoi ngapayang ngame tamolpain ite i get audipaslak, meg tamolpain dangan, luwantap nga ang izinen ngaso tap, nga so i ngapas oi. ³ Ge o Azu malik bazani ume Jesus Kristus i nga lon ikibiai ime. I siben so ilon sali ngawoi, tea, i Ujanzen mok tiwon dangan ang langamilon. ⁴ Ge i yakabazek lak imat lak inad muzuan joaze , ge i Ujanzen ge idimai tamadowoi Anut inan tiwonzen lon. ⁵ O sibe dalangano ina ilolon maliknen. O Anut inan azu lon ukol ge made? O sibe inaso? O, O sibe so ulong Jesus Kristus i o lon i madoime - oinan batanaek lon ubaludu tat ? ⁷ Ge gazo e am Anut izinen agod o abang salan ta so nau oi, ge so egin am gozop inan batanaek melon so abaladuwoi, tea ge o kagin gauai mon uzi oi, o inan auan so uzi tap o inan kibeng tuzugusi woi. ⁸ Am abang salan ta anaunen so iduse inan maliknen oi, ge inan maliknen mon. ⁹ Mewoi am sain dangan jumaisa ime sain am tiwoma tea meg o tiwo dangan . Am o woi agod ame pa o i malan abang dangan o nauoi. ¹⁰ Ge nga ngagaze abang abang e woi sain nga oi izinen so ngamade, mewoi ge sain nga ang mai ang so buzun lon nguduzangoi, ang Anut inan azu memon uzip pa so abaladu woi. ¹¹ Teigaz , liugaz ang dangan jumaisa , faun amul pa atamani, tata stamaneknen apani , buben taimon, Mazozlon amado; Anut inan ilo panek meg mazoz i ang mai ijenoi. ¹² Tamolpain Azu auanyabek gauai lon abi, Azu dagomlon ikibiai, dal lon ikibiai ma ta i ilon so alan ge i jaun isawoi. Anut inan azu gamun lon mon kibiai. ¹³ Map dangan i o azu gauai depauoi. ¹⁴ Ujanzen ai Jesus Kristus inan suzuzum i o mai Anut inan buben, meg auan Uzgun inan tiwon i ang stamanangoi, i ang duzangoi, ang dinangoi map i ang mai sansan pe madowoi.