¹ Id so mok ngagas kaginlon temadowoi. Nga gazop mala nitun yazeklon Ujanzen inan boboalaneklon ngalongoi. ² Nga ngalong tamol i Kristus lon inan umaz, Fourteen bini me i tininlon, me nga so ngalong, me tininlon tea, me nga so ngalong, Anut mon ilong - Tamol melak imade did tollon. ³ Ge ngalong tamol me - i tininlon , me tininlon tea, me nga so ngalong, Anut mon ilong- ⁴ Me i Paradislon made meg ngalong azu bison tezepalek me so kibiai. ⁵ Tamol mewoi pa i binganoi nga Jaug isawoi.Ge nga sibeg oi me, ngainag tinig inan tiwon so iduselak. ⁶ Ge ngainag yatek jaug isanen me gadagad egin tea, kagin malik me ngikibiaioi. ⁷ Mewoige, nga sibeg bingag ngibisanen tea abang ujan mingianeklon, inan pezatiulak inau tinin me nga panaglak - Satan inan kagin melon - nga so pisiagoi, ngabingaoi tea. ⁸ Sain tolgen abang ewoi nga Ujanzen ngasasangani abang me nga binagoi. ⁹ Ge ipajag, " Ngainag kanim me iduse o lon , ngainag tiwon me i tauz mok tealak gazlon." ¹⁰ Mewoige nga Kristuslon mai batek lak tiwog dangan oi, sain salanlon muzuan kubelkubellon ngaduoi. Ge domten tiwog binime, nga tiwon faun nga ngalewoi. ¹¹ Nga bo tamol so gauai ! Ge o abang ewoi sasanganag, o gazop nga kibiai panagoi. Me ngaso i egin ."I ilonen Apostel," me nga tealak mok. ¹² Mewoi Apostel langadinlon bazoz me ujan mok dedengani bazoz me kubel mangau kubel. ¹³ Ge me dodin dab nauk tea o abang sekok egin dunau alan me uboab aenta medaengaz mai, ge nga sibeg omuzuan so ngapano ? Inag saladin me paze idu. ¹⁴ Nasi ! nga kitek tamaip nal tol binimap ngasowoi. Nga o fu so ngabazaniwoi, ge o . Nasi nunumigaz nadin tanadin tamandingazoi jes, abang sagen so denauoi, tea tinen tamangaz i nunudingazoi denauoi. ¹⁵ Nga ilog gauai oi nami nutumioi, uzat nganaup, tinig ngesebazi woi. Nga ilog gauz ngapanag map ang mewoi lami kin mon apanagoi tat ? ¹⁶ Ge megin nga muzuan , ta bo so ngepanaglak ge, nga , sekauk ngenaug se, wozaeklon ngililianglak abolame. ¹⁷ Inad totol ziminen nganauge dilelak i lon nga bulangseg nganautat ? ¹⁸ Titus ilawoi ngansasanganilak taig ta mai nganauk imai dile Titus iziminen, bulases inau ne ? Am Uz taimon lon soatoz lak tat ? Niama ban taimon so apazetat? ¹⁹ Ang gaid lami ibol tat am sebamawoi noaminen pizianek azu abolame ? Anut naunen Kristuslon am abolame, ge kadoigaz, azu dangan ang subuloanangoi abolame. ²⁰ Nga ilog izezime nga ngaseg ang so nganasang, ge ngabazanang ge nganasang; nasi melak me paekpaek, yanain, pasak buzun, pananganek, balanganek, kagin salan ijenme. ²¹ Mewoi ge faun ngaseg, inag Anut nga sibiniag ngadug, nga miz ngapanang kuzum ang auapas so poalong ge malaisek yait kagin me anauame.