1
Bele beha Itou Idau nomo hilou bele.
2
Hilou bele beha, ''isau. Ji fai ete yeme bele malalamudu lewei nomo boni, amug hinidu, huru tu wehenga goyon bona onowehenga, no ne name jala haiya hanonbona.
3
Ha fai uwau langa, fai hurau ete no yauredu benou lewau, 'Anyakaro nomo yala haiya fuwagu. Nomo yala tiginimu fuwagu.''
4
Jon yage bisemu nigigou fai ,no ha ete fai uwau langa haipaiha no fai-aita bagu huwanyanege ubuludu bode, yage bisen togonga, Itou no nebere une ulu nagonbona, waha bona beele malalamudu lenigaiha.
5
Ono wainga, Judia bagu Jerusalem fai-aita bagu oruwanga nere Jon bagu goidu, nebere une ulu wanenga, Jon no nere Jordan yage langa, yage bisemu nigaiha.
6
Jon no kolos kamel osoko langa atane waha tanigai
no let ungu langa tagugai. Ariya,no dangamu nomo sisi amimi bagu nyigai.
7
No bele malalamudu,benou lewaiha ,''Fai ete no ji mogofe maina waha,no nomo danga ji yame danga feiya tuwou.Onou waha bona ,ji afefe tuburu kutudu boni no nomo su nomo malu dagou waga,futu fuwei nomo ji fai hilon uwa.
8
Ji tere yaga langa,bisumu tigini.Ariya,no tere hauri gunni nomo danga la yaga bisemu tigon bona.
9
Saina Waha langa,Giduhaigou Itou no Nasaret tano,Galili awadu bona mayaiha.Ono wainga,Jon no Giduhaigou Itou Jordan yage langa,yage bisemu tuwaiha.
10
Ono wainga Giduhaigou Itou no fele du ha laluwa helufa wainga uraiha,Ono gainga,Hauri Guni nei buna dorofe nobagu ma.
11
Ono gainga,ha laluwa langa, belenege ete benou yauredu lewai,''Ne game magana,Ji ne gaude hinini.Ji yama huwanfafe ne bona edega dena,''
12
Saina waha langa tigina,Hauri Guni no Giduhaigou Itou haudu ha fai uwai langa goyai.
13
Onodu Giduhaigou Itou no ha fai uwau langa fati 40 yafa gainga,satan no wala-waia tuwaiha.No kata kui bagu yafa ganenga,ensel,no hoyo tuwai.
14
Saina nere,Jon dagou mata langa tafa tuwane yafa gainga,giduhaigou Itou no galili langa mai heigedu bona,no Itou nomo hilou bele malalamudu lewaiha.
15
No benou lewai,''Itou no saina hangada wai waha ,no amina heigaha,no mai jugu waha.Tere huwanyatege ubuludu bonada,hilou bele bonade,huwanyatege ngalengawou.
16
Giduhaigou Itou no,galili yaga katiwou mou langa golo bona,Saimon Andru ngare neriraiha.NereYaga katiwou langa ,hagoma ayawou haruwe tare nere howe langa howa elegou fai kusewei nomo haruwa tetedere.
17
Ono garenga Giduhaigou Itou no benou lenirai , ''Tere maidu ji ojo hiyaderenga, ji tere fai elege nigei nomo isisiwou tiron boni.
18
Ono wainga , nere fasayadu bodere ,hagoma wanga awaru ware oto gainga , nere goidu Giduhaigou Itou ojo tewareha.
19
Ono Giduhaigou Itou no menenga onou golodu goi bona ,Sebedi idau gane nga nonounga,Jems jon ngare nerigai. Langa yafa bodere, neire hagoma dada koraiwai waha erere bodere yafare.
20
Ono garenga, giduhaigou Itou no nere nirainga, nere amenere Sebedi haruwe fai bagu bot langa awa higidu bodere , giduhaigou Itou ojo tuwareha.
21
Gidu Haigou Itou no fai ila bagu Kapenaum taun langa so yane Itou. Onodu bode, saini nere Juda nebere bori nomo fati heigainga,giduhaigou Itou no lenigaiha.
22
Ono wainga, fai-aita bagu nere giduhaigaou Itou nomo bele isidu bode, horoto dewaneha , tate bona giduhaigou Itou no fai-aita bagu isisiwou nigai wa, nere nuuni bele isou fai ono-onode dorefe uwa. Giduhaigou Itou no fai unyi bagu dorefe, isisiwou nigaiha.
23
Saine waha lange, fai ete no Juda nebere bori mata hawanya langa yafai wa, hauri inyaba ete no langa inyai. Onodu no benou yaurai.
24
Gidu Haigou Itou Nasaret, ne ere adadu ono higau ganga mainaha? Ji ne isi hinini. Ne fai hilo bianga tigini beha,
25
ono wainga, Gidu Haigou Itou no hauri inyaba waha honggoro tubona benou letuai , "Ne hurate fosokodu bonahe, fai wa awa tuwau.
26
"Ono wainga,hauri inyaba fai waha waridu bunyu banyi tudu bona, inyangaro nidu ,fai waha awa tuwaiha.
27
Ono wainga, nere fai-aita bagu oruwanga waha uredu bode, horoto wane. Onodu bode, nere-nere benou leguruwane, "Tate dada elebe beha heigena? Fai beha no bela ege ete malalamudu lena, onodu no bele lena waha, no fai unyi bagu dorofe.Onodu, saini no hauri inyaba bele lenigai ganga, nere nomo bela isi-iside.
28
"Ono wainga Gidu Haigou Itou no dada onowai waha nomo bele fasayadu Galili distrik oruwanga la, golo boro waiha.
29
.29 Giduhaigou Itou no faita ila bagu bori mata awadu bode malala heigedu; nere tigininga Andru saimon ngare neire mata langa goyane. ono ganerga, Jems ,Jon ngare fere, nere gara goyanaha.
30
Saimon tangabumu aita ,no kabalila agore inyaiha , tate bona, no taura tubona gogala ngasu karuwai ono wainga nere fasayadu orou Saimon tangabumu aita taura tuwai waha,giduhaigou letuwanenga isai.
31
Ono wanenga, Giduhaigou Itou no saimon tangabumu aita bagu goidu bona , owo yasudu jaimu tuwai. Ono wainga, Saimon tangabumu aita no taura jige tawainga, nebere da haiy nagaiha.
32
Esuwa hona mani joro gainga, nere taura fai baingaro hanigedu bode , Giduhaigou Itou bagu mayane fai-aita hauri inyaba bagu fere orourga , hanigedu bode mayaneha.
33
Nere taon wahaha fai-aita bagu oruwanga,mai mata waha jauli arasai hinomu langa komo waneha.
34
Ono wanenga, Giduhaigou Itou no fai-aita baingaro, taura hogo fere-fere bagu waha,nebere taura jigemunagai.Ono bona, hauri inyaba baingaro so nigaiha. Hauri inyaba nere Giduhaigou Itou bodu edai, waha bona, nere bele lewoguga bona,Giduhaigou Itou no nere karu nigaiha.
35
Erange hamba oruwa,Giduhaigou Itou no jaidu malala langa heigedu bona, haumu ete fai uwau langa goidu, walanga hauya bona yafaiha.
36
Ono gainga inga,Saimon no ilibumu gane bagu goidu, no kuru tuwane.
37
Nere goi toroba tudu bode, Giduhaigo Itou benou letuwane,"Nere fai-aita tamuaro,ne kuru hinide."
38
Ono wanenga, Giduhaigau Ito u no benou lenigai, ono urona ere taon jugu-jugu inyede waha langa goyo boya. Ji nere fere bele malalamudu le nigon boni, taate bona, ji haruwe beha tei nomo boni meeneha.''
39
Onodu Giduhaigou Itou no Galili Distrik oruwa langa kolilidu golo bona, nebere bori mata huwanya langa goidu, bele malalamudu leniga bona, hauri inyaba so nigaiha.
40
Fai ete no lepra taura bagu, maidu bona Giduhaigou Itou dangabagu isoki tuwai. Fai waha, no afo tuburu yafa bona, Giduhaigou Itou benou letuwai, ''ne gau hinei mata wonga, ne edo langa, ji figini hiyahenga, Itou ago langa e-ge heigon boni.''
41
Ono wainga, Giduhaigou Itou no fai waha bona danga bagu aau warainga owo jaula langa tafa bona, benou letuwai, ''ji gau hina. Ne e-ege heigau.''
42
Ono wainga, fasayadu onou lepra taura, fai waha awa tuwainga, fai waha no e-ege heigaiha.
43
Ono wainga i Giduhigou i Tou no fai wana fasayadu huru tuwaing goinga, bele danga bagu.
44
Benou letnwai, ''ure dewau. Ne fai ete te, dada ne langa heigaha beha adai hai fuwau. Uwa. Ne goidu bonahe, name gete gala eris abitimu tuwau, onodu, ne name gete gala ege heigaha waha abitimuwou, Moses lewai onou uya mure warau. Ono wahenga, nere fai-aita bagu ne name taura jige hinaha, iwou isodbode.''
45
Aria, fai waha no goidu bona, dada oruwanga no gogala langa heigai waha, fai-aita bagu hai naga. No asa waha, ha-ha oruwa langa hai nagai. Onou bona, Gidu Haigou Itou no nere fai-aita bagu agenege langu, taon ete huwanya goyei nomo edo uwa. No ewe dui langanga, ulate fai uwau langa yafai.Ono gainga, ha-ha fai-aita bagu oruwanga, no bagu mayaneha.