¹ Giduhaigou Itou no ege bori mata huwanya langa goyai.Ariya fai ete owow ulate lelekawou, no bori mata huwanya langa yafaiha. ² Ono wainga,fai nere Giduhaigou Itou danga bagu ofa tuwane,tate bona, nere isodbode, Giduhaigoi Itou no bori nomo fati langa, fai owo lalekawou waha jigemu juwana yo, uwa. no bori nomo fati langa, janyimu waha onowai mata wanga, nere Giduhaigou Itou kot langa tafa tuwodbode, ninanege isaneha ³ Ono ganega Giduhaigou Itou no fai owo ulate lalekawou waha, benou latuwai, "Ne belangta mayau." ⁴ Onodu, no fai nere waha benou isoku nigai, "Ere bori nomo fati langa onou hilou onowei nomo edo yo, uwa ere ononwau inyaba onowei nomo edo rute? Eere fai hoyo nigadenga hilou yafode yo, uwa ere edo dunege kote wedenga umeru wode? "Ono wainga nere bele ete gidu lewegu uwa ⁵ Ono wanega, Giduhaigou Itou no hauma mai gainga,ago wenga fele-fele nigai. No nerigai wa, nere huanyanege fosoko wai, waha bona no huwanya ou tuwai. Onodu, no fai owo lalekawou waha benou letuwai,''Ne owone tiginimu wau.''Ono wainga,no owo tiginimu wainga,owo ege hilou waiha. ⁶ Ono wainga, Farisi nere waha uredu bode, jasayadu jaidu mata awadu bode, gaidu Herat nomo gane bagu komowane. Nere jala adadu langa, giduhaigou itou dukote wogunga um on bona waha bele ngado wane. ⁷ Giduhaigou itou no nomo disaipel bagu, matane wana awadu bode Galili yage katiwou la minane. Ono ganenga, fai-aita bagu tumuro giduhaigou itou ojo tuwaneha. ⁸ Fai-aita bagu baingaro, nere Galili distrik bagu. judia distik bagu, nere Jerusalem taonha, nere Idumea distrik bagu, nere oula Jordan yage ulate langa inyina bagu, nere tair, Saidon taon ha bagu, nere giduhaigou itou no dada onona waha bele isidu bode, no bagu mayangaro. ⁹ Ono wanenga, giduhaigou itou no nomo disaipel lenigai" Fai-ata bagu baingaro,gamaji nere mai kitikiti hi bode, inyangaro nu hiyaguga. Tere bot ete taimadu haiya wadenga atowona, fai-aita bagu gai bolowei mata wogunga, ji walanga digon boni." ¹⁰ Amna Giduhaigou itou no fai-aita bagu baigairo taura ji gemu nagaiha, waha bona nere fai-aita taura bagu waha, nere nage owonege Giduhaigou itou langa tajode ono bode, nere nage-nage nu guru bode no hinomu langa goyane. ¹¹ Onodu, saini hauri inyaba nere Giduhaigou itou uredu bode , nere no langa a fenege tuburu kutudu bode, yauredu benou le tutude, "Ne itou Idau. ¹² Onou wa Giduhaigou itou no nogo faiwei waha nere no adai malalamu tuwogu bona danga bagu karu nigigai. ¹³ Giduhaigou Itou no muju ouwe langa manaiha. no fai ila no ngate yafei nomo bona hangada nigona manai. Onodu no fai waha yaure nigainga no baguma yane. ¹⁴ No fai 12 no bagu yafei nomo bona hangada nigaiha, onodu bona no unyinege aposel warai. No huru nigonga goidu bode Itou nomo malalamudu lewei nomo bona onomai, ¹⁵ onodu no hauri inyaba so nigei nomo danga waha nigei nomo ono waiha. ¹⁶ Giduhaigou Itou no fai 12 hangada nigai waha nebere unyinege benou, ete unyi Saimon, ariya Giduhaigou Itou no we unyi ete ubulumudu Pita tuwai. ¹⁷ Onodu no Sebedi idau gane nga nononga Jems bemu Jon ngare fere hangada niraiha. Onodu no unyinere ubulumudu boaneges niraiha. Unyinere waha nomo hugu benou, " Fai nere amili ayana dorofe,. ¹⁸ Onodu nere ila fere hangada nigai waha nebere unyineege benou, Andru wainga Filip wainga Batolomyu wainga, Matyu wainga, Tomas wainga, Alfius idau Jems wainga, Tadius wainga, Simon, no Selot nebere ha fai ete, ¹⁹ ono waingai Judas Iskariot , fai waha no inga fai nere Giduhaigou Itou inyabamu tuwodbode waha owonege langa tafa tuwonbona. ²⁰ Giduhaigou Itou no mata longa gafai. Ono wainga near fai-aito bagu tomuaro egoi maidu komo wane, one wanenga Giduhaigou Itou no nomo disaipel bagu da nyei nomo saini uwau. ²¹ Nere Giduhaigou Itou no dada waha bele isidu bode nere Giduhaigou Itou hawode mayane ha. Nere benou lewai no dabu tayaha. ²² Nere nuni bele isou fai ila Jerusalem langa yafagou waha medu, benou lewane, Belsebul no bagu yafana. No hauri inyab Belsebul nomo danga langa so niginigna. No hauri inyaba neber mora bagu. ²³ Ono wanega Giduhaigou Itou no nere yaure niganga mayanenga muji bele ila lenigai. No benou lenigai, " satan no adadu satan so tuwonbona? ²⁴ Kantri etenga nomo fai nere fore ngadu nere nage wara bode wai, kantri waha no dana otowei nomo edo uwa. ²⁵ Onodu nere fai mata etega langa jafadu waha, nere foure ngadu bode nere nage wara wode wa, mata waha danga bagu otowei nomo edo uwa. ²⁶ Onodu satan no nogo bona hongoro fai heigonga, nomo fai nere foure ngawei mata wode wa, no danga bagu otowei nomo ado uwa. No usu dewonbona. ²⁷ Fai ete te no fai danga bagu ete nomo mata huwanya langa goidu bona, dada ila ewe elegei nomo edo uwa. No amugedu fai danga bagu waha malu langa dage tuwonbona. No onouwei mata bona wonga no edo langa fai danga bagu waha nomo mata bona wonga, no edo langa fai danga bagu waha nomo mata langa dada elegonbona. ²⁸ Ji ngalenga letigini, Itou no fai-aita bagu nebere une oruwanga nere bele inyaba lede waha bagu oruwanga ulu nagona bona. ²⁹ Ariya fai no Hauri Guni bele inyaba letuwei mata wona wa Itou no fai waha nomo une waha elebe bagu linga hunta bagu no ada ulu fuwonbona. Une waha fai waha langa gai -gai inyonbona Giduhaigou Itou no ono lena. ³⁰ Tate bona, nere benou letuwane. " Hauri inyaba no langa inyina tuwane. ³¹ Saini waha langa Giduhaigou Itou anya no bemu ngare bagu mayaneha. Nere maidu bode malala langa oto bode, Giduhaigou Itou nere bagu mayei nomo dode, bele huru fuwaneha. ³² Nere fai-aita tomuaro Giduhaigou Itou kolili tudu yafa bode benou letuwane ne isouNename anyane, bain gane bagu name ogone gane bagu mayane malala langa otobode yaure hinide." ³³ Ono wanenga Giduhaigou Itou no bele ege gidu beou lenigai. Fai wei no yame ngai babo gane bagu? ³⁴ "Onodu bona no fai-aita no kolili tudu yafane waha fele-fele nigi bona benou lenigai. "ji yame ngai yame babo gane bagu nerigagu. ³⁵ Fai yo, aita yo, no Itou gauwou ojona waha no yame bemu babo, no yame ogofe, no yame anyafe."